Read Kambera MALIAKI 4 Bible Online

MALIAKI 4 - Kambera bible

MALIAKI 4

¹Napanii i MIRI Hupu Mambiha, “Napa natàka na rehina mbuu ndàbana na tau ngànjangu dàngu na ma-akatu ba patunu rembinya. La lodu nuna napa patunu pambuta-ha nyuda, dàngu nda haàtu-a mapeka welingu lai nyuda.

²Tàka ndumami nyimi ma-karadaku lai Nyungga, napa na kawaha-nggu na ma-pamànangu nahunga hama tuna mata lodu, hi nangàndi papuli wàngu na handaraku-na. Napa nda nggàra-apa ma-pa-ambakai dàngu ihawola hama tuna ana hapi mabidi luhu welingu la oka.

³La lodu nuna napa ku-paluangu limanggu, tàka nyimi ipakàku-ha da tau akatu, hi hama kumburu tanaha bai taro - rohaku-ha.

⁴Namuha da pa-pekangu-na na atanggu i Muha, namuha da uku dàngu da pareta pawua-nggunya la Palindi Hinai ka danunju-ha paraï tau Ihirailu nggubulu-na.

⁵Tàka ba ndedi natàka na lodu na ma-wirungu dàngu na pa-mangàdatungu na-pakawuku-nggu, napa ku-palewa-nggainya i Wunangu Elia.

⁶Napa nakahau etinja da ama dàngu da ana, ka àmbu kumai pa-patàlaru-ya na tanami,” wàna.