Read Kambera MÀRUKU 16 Bible Online

MÀRUKU 16 - Kambera bible

MÀRUKU 16

¹Ba na-làpahu-ka na lodu Hangahu, lua-danyaka pakei mbii kati i Maria Mandalena, i Maria inana i Yakombu, dàngu i Halomi, ka lua patunya na metina i Yehu ba wàda.

²La mba - mbaru la hunga lodu, la kawunga lodu la minggu nuna lua-danyaka la reti.

³Dapanii dàngga anguda nàhu la ngarangia, “Nggamu-aka ihu ma-pandulangu pakilu-ndanya na watu la ngaru reti?” wàda. Maa ba bokulu nda najaru-mana na watu. Na nyuna ba datàka-ka la reti daita-ya ba mbàda nggilungu-naka na watu.

⁵Ba tuna, tama-danyaka la reti. Daa la reti la patuu kawana, daita-ya na bidi mini na mapaki mabara ba mandapu-na padua, ka katàtaku-danyaka.

⁶Napanii nu na bidi mini, “Àmbi mangàdatu-du. Pi-manggunggai ba himbu-minya i Yehu tau Naharitu na pambàda harikangu. Nda nianya yiahu. Mbàda hadangu-naka duna! Tàngaru-ya ni, na ngia pa-bànjalu-danya.

⁷Lakuwa nàhu, kai pekanja da papanau-na, hamangu i Peturu-mbu na rukuna yiana. Paniinja, ‘Nalaku mangilu-nggai la Nggalilia. Napa lai nu kai itaya hama tuna ba wànanggai,’ ” wànanja.

⁸Ka luhu-danyaka welingu la reti hi dapalai paraï pa-katàtaku dàngu mangàdatu-da. Nda ana nggàrama papanii-da la anguda na rukuna nuna paraï pa-mangàdatu. [

⁹Ba na-hadangu-ka i Yehu welingu la meti, la mba - mbaru lodu Minggu na-pawuwa mangilungu wikina lai Maria Mandalena. (I Maria jiaya na pambàda paluhu-na wàndi i Yehu ba pihuda.)

¹⁰Tàka i Maria Mandalena hi nalua papanii-nja da anguna i Yehu na rukuna nuna nu, da maninja la ringu langu dàngu da mahii.

¹¹Tàka ba darongu-yaka lurina i Yehu, dàngu ba mbàda ita-nanyaka paraïna i Maria nda dawai-aya.

¹²Hàlaka nu na-pawuwangu wikina i Yehu ba hau hadaya la tau madua papanau-na, ba talànga nàhunja la ngarangia ba dalaku la hau kotaku.

¹³Ba tuna beli-danyaka papanii-nja da anguda hawiangu tàka nda dawai-aha.

¹⁴La malamiri-na na-pawuwangu wikina i Yehu la papanau-na da ma-hakambulu haàtu-da ba talànga nganguda. Nahàngga-nja rukuna ba nda natoma na pawaida dàngu ba lalu katiku watuha hi nda dawaiha da tau da maita mataya na lurina i Yehu.

¹⁵Hi napanii-nja paraïna i Yehu, “Ilakuwa la pa-nggubulu awangu kai pakada-nya na Lii Mànangu welingu lai Ala la mbuu ndàbana na banjaru tauka.

¹⁶Na manda pawai napa pa-hukungu-ya. Tàka na mapawai dàngu na-paparunungu, napa namara.

¹⁷Na tanda pawaida da tau nuda, jiaya ba dawàngga wànya wàndi akatu na tamunggu; napa dapanii wàngu hi - hilu panda tandada.

¹⁸Jàka da-katangu ularu jàka ndia, jàka da-unungu pameti wàngu, nda jia manjurangu-ada. Jàka da-padambakungu limada la tau mahidu, da-màlaru-ma.”

¹⁹Ba nahàla-ka i Yehu papanii dànja nyuda da papanau-na, pa-padita-yaka la awangu. Lai nu na-katangu pareta dàngu i Ala.

²⁰Ka laku-danyaka da papanau-na pa-pakada-nya la nggi - nggini na lii langu welingu lai Ala. Tàka naràma-daa-mbunja i Miri dàngu nawua-nja tanda nu da pa-hangàtarungu pa-màndungu wàna ba ma-deningu-ya na pa-bobaru-da.] [NA HUPU NJÀPUNA NA LAWITI NDAI HAWIANGU [28] Lua-danyaka nu da-kawini lai Peturu dàngu da anguna, hi dapanii piti kawongu-ya mbuu ndàbana na papanii-nanja paraïna nu na bidi mini. Ba tunaka nu i Yehu wikima ba nangaru-nja da papanau-na, na bobaru-ya la pahunga la patama na lii langu matua ma-palupangu rukuna na mànangu ma-palupangu.]