Read Kambera BELINGU 11 Bible Online

BELINGU 11 - Kambera bible

BELINGU 11

¹“Mbuha-nyawa i MIRI Alami, dàngu tundu mànunja mbuu ndàbada da pareta-na.

²Namu beliya nàhu nggàraya na papimi rukuna i MIRI welingu la pangala lurimi. Da anami ndedi ningua pangala lurida rukuna nuna. Nyimi dimi mambàda hakahii-nya na bokulu-na, na kapàru-na dàngu na kuaha-na i MIRI

³dàngu da tanda mbihana da pa-patumbu-na. Ita wiki-mami-nyaka nyimi jàka nggiki-nanya na hanganji Mehiru dàngu na tanana nggubulu-na.

⁴Miita-mayaka nyimi jàka nggikina i MIRI ba na-patàlaru-ya na tanatara Mehiru papohu-nja da njara dàngu kareta pabera-da ba na-patandani-nja la Tehiku Tibuhala[11] ba jiaya na yaulu-danggai nyimi.

⁵Mipi-mbunya nyimi jàka nggiki-nanggai i MIRI la maràda telangu ba ndedi mitàka lai yiahu.

⁶Minamu-mbuya jàka nggiki-nanja i Ndatàngu dàngu i Ambiràmu, da anana i Eliapu, kabihu Rumbingu. La hanggami nyimi mbuu ndàbami, ba na-hanganga na tana makawàlukunja pa-kariangu kuru umada, maü terada, mbuu ndàbada da atada, da bandada.

⁷Langatàka, nyimi wiki-maka maita mataya mbuu ndàbana na pa-hangàtarungu na pambàda patumbu-na i MIRI,” wànanja.

⁸“Patundu-manja mbuu ndàbada da uku da pa-pakata-nggunggai la lodu nàhu, jia-yaka napa hi mipala-ya na luku dàngu hi mitama la tana ba nda namandai-apa nangia-minya.

⁹Dàngu napa nyimi miluri mandai nu la tana wulu dàngu na ma-kamboka, na pambàda ràndina i MIRI la boku la mangilu-mi lupa la wàla wuada.

¹⁰Na tana na pangia-mi napa nda hama tuna na tana Mehiru, na ngia pa-ngiangu-mi àmangu. Lai nu nyimi miràma mambotu bai paloku-nja wai da woka, hàbarungu wini jàka wàmi.

¹¹Tàka na tana na ngia patama-mi napa na-palindingu na-palolangu; na tanana pa-palingu wai wàngu wai urangu-ya.

¹²I MIRI Alamu narada-nya na tana nuna dàngu namangganya lundu njàpu ndaungu.

¹³Jia-duya ba tuna nu, màtawa kai patundu-nja da pareta-na da pa-pakatanggu-nggai la lodu nàhu; mimbuha-nya i MIRI Alami dàngu kai lumu weli etinya.

¹⁴Jàka timi-maka nu, i MIRI napa na-papuru-nya na urangu na tanami la rehina, bai hàla pamuti, dàngu la rehi kawunga tondungu-mi. Napa da-patoma ndàba da uhu nggàndumu-mi, da angguru-mi dàngu da mina haitungu-mi,

¹⁵hamanai rumba tungguda da bandami. Mbuu ndàbada da ngara pangangu pa-kalana-mi, ningu padua tanggumi.

¹⁶Àmbi pahiangu-du wikimi la papamaraukai welingu lai MIRI la pa-marubuku-nja dàngu la palumu-nja da kamàla ala.

¹⁷Jàka mipangga-yaka na pareta nuna, napa i MIRI nahàngga-nggami. Nyuna nda na-papuru-anyapa na urangu; na tanami napa namàdu marokutu hi lupa nda na-wuangu ihina na ihi woka. Nu ka meti-dimi-nyaka la rehi na ma-dànggitu la tana kamboka pawua-nanggai nyimi i MIRI.

¹⁸Namu-maha dàngu eti wàmanja nuda da pareta. Karanja-maya la pungumi dàngu tumaya la kaba matami ka peku namu mànu-minya.

¹⁹Papeka-manja nuda la anami. Màtawa nuna kai panii wànya la uma dàngu la hambeli uma ba talànga hangahu-mi dàngu ba talànga ràmami.

²⁰Tulihu-maha nuda la punduku pindu umami dàngu la pindu bokolu-mi.

²¹Nyimi dàngu da anami napa namalai na lurimi la tana na pambàda ràndina i MIRI Alami la boku la mangilu-mi. Ba kandai ninyapa na awangu la tidu tana, tuna numa na mandaina napa bai ngianya nuna na tana.

²²Patundu-manja dàngu tuturu-mi mbuu ndàbada da uku da pa-pakata-nggunggai: Mbuhanya i MIRI Alami, namatu ndàba-maha da lii pareta-naka lai nyimi, màtawa kai pa-daingu pa-tuturu lai Nyuna.

²³I MIRI napa nawàngga hàlaha da banjaru nuda welingu la hanggami, napa nyimi mingia-nya na tana manguda da ba - banjaru da marihi bokulu da marihi kapàru welingu lai nyimi.

²⁴Nimbihu-na na tana na ngia padili wihimi napa mangu-minyaka. Na tana ngabami napa na-tayilingu welingu la maràda telangu la mbara luru lupa toma la Palindi Limbanongu la mbara dia, welingu la Luku Epuràtu la pahunga lodu lundu toma la Tehiku Padua la patama lodu.

²⁵La nggubulu-na nuna na tana napa i MIRI Alami na pawiti-nya hi kiri maradapu-na na tau la hanggami, hama tuna na pambàda ràndina, hi lupa nda ningu haàtu matara pa-pabeta-nggai nyimi.

²⁶La lodu nàhu kuwua-nggai mamanggawangu la papindi-ya na kanyuru jàka ndia na ràtungu.

²⁷Napa nyimi pa-pakanyurungu-kai, jàkai patundu-nja da pareta-na i MIRI Alami, da pa-pakata-nggunggai la lodu nàhu.

²⁸Tàka napa nyimi pa-ràtungu-kai, jàka ndai patundunja da pareta-na i MIRI Alami, tàka hi pa-mbelingu-minyai la pa-marubuku-nja da kamàla ala, da panda marubuku-mi la kawungana.

²⁹Jàka mbàda tama karia-nanggaika i MIRI la tana na ngia pa-ngiangu-mi napa, màtawa kai tikiya na kanyuru welingu la Palindi Nggerihimu, dàngu na ràtungu welingu la Palindi Embàlu. (

³⁰Nuda ba dàmbuda da palindi ninja la patama lodu Luku Yorundangu la tana ngaba tau Kanaàngu da ma-ngiangu la Lolangu Yorundangu, hanggangu la patama lodu nda namarau-a welingu la pingi ai - pingi ai ngia pa-hamayangu la Mori lihi paraingu Ngginggalu.)

³¹Nda namandai-apa bai palaya na Luku Yorundangu dàngu hi mandapu-nya na tana na pawua-nanggai i MIRI Alami lai nyimi. Bai hàlaka pawàhi-ya dàngu bai ngiangu-ka lai nu,

³²lupangu-maka bàdi kai patundu hàlanja da uku da pa-pakata-nggunggai la lodu nàhu,” wànanja.