Read Kambera BELINGU 14 Bible Online

BELINGU 14 - Kambera bible

BELINGU 14

¹“Nyimi banjaru-nanggai i MIRI Alami. Jia ba tuna jàka hawina-minya na tau meti, àmbi pa-manua-du wikimi, jàka ndia àmbi kikiru-duha da lunggi takami hama tuna na-pakàli wàna na ba - banjaru hawiangu.

²Nyimi dimi mangu-nanggai i MIRI Alami; welingu la banjaru la pinu tanaka, nyimi pambàda pindina i Ala ka banjaru-na Nyunakai,” wàna.

³“Àmbi ngadunja da banda da manda uku ba wàna i MIRI.

⁴Pekuna nyimi la panganja yiada: hapi, mbimbi, kamàmbi,

⁵ruha, mbimbi rumba, kamàmbi rumba, kinjangu,

⁶dàngu ba - bandaka da ma-kahanga wuuda dàngu da ma-madaü.

⁷Nda ukua nyimi panganja da banda da manda kahanga wuuda dàngu da manda madaü. Àmbi ngangu ota, kalinji jàka ndia màramutu. Da banda nuda manda ukuha, nadu jiapa ka da-madaü, tàka nda da-kahanga da wuuda.

⁸Àmbi ngangu wei. Da banda nuda manda ukuha, nadu jiapa ka da-kahanga da wuuda, tàka nda da-madaü-a. Nda uku panganja da toluda, da metida nda uku pa-jonggaru-ha.

⁹Pekuna nyimi panganja da ngara iyangu-ka da maningu bimbungu dàngu nepingu.

¹⁰Da banda da maluri la wai, tàka nda ningu bimbuda dàngu nepida, manda ukuha, jia ba tuna nda uku panganja.

¹¹Pekuna nyimi panganja da ngara ma-hawurungu da manda tama la kaloka manda uku.

¹²Tàka ninja ba pi - pirada da ngara ma-hawurungu da manda uku panganja, nu: da mbaku tehiku, da wàngi, da ngara dika ikitu, da mbaku, da nggangga, da ota paruu kàpangu, da karata, da ngara dika nggokaria, da nggaha mitingu dàngu da panii.[13]

¹⁹Mbuu ndàbada da mabei da maningu kàpangu manda ukuha, jia ba tuna nda ukua panganja.

²⁰Da mabei da manda tama la kaloka manda uku pekuna la panganja.

²¹Da banda da mameti wikida nda ukua nyimi panganja, tàka pekuna ka nanganja tau hangàdangu da maninja la hongami, jàka ndia kai dangganja la tau hangàdangu. Nyimi jiakai banjaru pa-hekangu ndumana i MIRI Alami. Da tolu ana mbimbi jàka ndia ana kamàmbi nda uku pa-manahu papohu-nja da wai huhu inada,” wàna.

²²“Nimbihu ndaungu lupangu-ma kai pa-hinggilu hangia la hakambulu welingu la mbuu ndàbada da ihi tana paraï-mi.

²³La hanggana i MIRI Alami la pangia na papindi-na ka ngia pa-lumungu-ya, lupangu-ma kai nganja da tanda maraku hangia la hakambulu welingu la uhu nggàndumu, wai angguru, mina haitungu hamanai ana hapi dàngu mbimbi kamambi-mi da ma-kawunga dedi. Wunda-maya nuna màta ka nua naingu-na bai pa-pekangu la pamarakunya i MIRI Alami.

²⁴Jàka lalu marauna na pangia papindi-na i MIRI Alami welingu la umami, hi nda peku ngàndi-miha lai nu da hangia la hakambulu welingu la ihi tana paraï-mi na pawua-nanggai i MIRI Alami

²⁵dangga bianja nu da ihi tana paraï-mi da pa-kawàri-mi, dàngu kai ngàndi biaha da àmahu wilida la pangia papindi-na i MIRI Alami.

²⁶Malanja waa bianja nuda da àmahu kai kei wàngu jàka nggàra pambuha-mi — ka hapiya jàka ndia ka mbimbi kamàmbi-ya, wai angguru jàka ndia ka pa-unungu mambana-ya — hàlaka la pangia lai nu la hanggana i MIRI Alami, nyimi dàngu ihi umami kainga pa-matarungu dàngu kai hawola.

²⁷Àmbi lànja-dunja da tau Lewi da ma-ngiangu la paraingu-mi; pangàda-nja ba nda ningua tana wikida nyuda.

²⁸La njàpu nimbihu tailu mbua ndaungu, lupangu-ma mingàndi-ha da hangia la hakambulu welingu la ihi tana paraï-mi kai pauhi-nja la parai - paraingu-mi.

²⁹Nuda da pangangu tunggu tau Lewiha, nadu nyuda ba nda ningu tanada, dàngumbu tungguda da tau hangàdangu, da ana mila dàngu da kawini ndonangu da maninja la parai - paraingu-mi. Peku maida nyuda, ka dapiti ndàbaha da pa-kalana-da. Jàka timi numaka, napa i MIRI Alami na-pakanyuru ndàbaha da pa-paloku-mika,” wàna.