Read Kambera BELINGU 2 Bible Online

BELINGU 2 - Kambera bible

BELINGU 2

¹La malamiri-na beli-ndanyaka la maràda telangu ba tali ningu la ànda na ma-hanggangu la Njobu wai Akamba, hama tuna na pareta-na i MIRI. Hàlaka nu mandai langatàka ba tanjada-nya la ngaba ma-palindingu la Endumu.

²Hàla peka-nanggaka i MIRI

³ba toma-nanyaka na mandaina ba ta-njadangu la ngabana lai nu. Jia hi lupangu talaku hanggangu hu dia.

⁴Hàla paràha-nanggaka i MIRI pa-paita - paita-nggai ànda yiana lai nyimi, ‘Nda namandai-apa napa tama-minyaka na tana Endumu, tana nua kalembi-mi, wàlana i Ehaü. Napa nyuda da-mangàdatu-nggai nyimi,

⁵tàka àmbi hada-dunja, nadu welingu la tanada nyuda, nda ana hawutu-a napa pa-wuangu-kai nyimi, nadu la Endumu ba mbàda wua-nggunjaka da wàlana i Ehaü.

⁶Nyimi pekuna kai kei pangangu dàngu pa-ngunungu welingu lai nyuda,’ wàna.

⁷Namuya jàka nggikina i MIRI Alami ba mbàda pa-kanyuru-nanggaika la nggàra bia na pa-paloku-mi. Nyuna na marada-nggai kandai njadangu-mi bai liya na maràda telangu na ma-nggailaru. Nyuna na ma-karia mànunggai kandai patu kambulu ndaungu na malàpahu, ba nawua-nggai mbuu ndàbana na pa-kalana-mi.

⁸Nu ka laku pangalangu-ndanyaka, hi ta-dunjaku-nya na ànda na mali la parai - paraingu Elàtu dàngu Ehiungu-Nggembiru hanggangu la Tehiku Meti, hàla hi ta-mbiliku la pahunga lodu pa-haritungu mbara dia hanggangu la Maràda telangu Muapu.

⁹Napanii-ngga nyungga i MIRI, ‘Na tau Muapu, wàlana i Lòtu, àmbi nggànggalu-duha dàngu àmbi hada-dunja. Na tana Àru pa-wuangu-mayaka lai nyuda dàngu welingu la tanada nyuda nda hawutu-a napa pawua-nggunggai nyimi,’ ” wàna. (

¹⁰Àmangu la Àru nangia-nya tau Emimu. Nyuda da-bokulu jangga tauda, hamada da tau Enàku, jiamaya ba banjaru mahama milimungga-ha.

¹¹Hama tuna na tau Enàku, nyuda tau Repayimu wàda-mbunja, tàka paraï tau Muapu tau Emimu wàdanja duda.

¹²Àmangu da tau Hori da-ngiangu la Endumu, tàka da wàlana i Ehaü hi dayaulu-ha dàngu hi da-pambuta-ya na banjaru nuna, hi da-mandapunya nuna na tanada; tuna numbu napa na banjaru Ihirailu ba nayaulu-ya na muhuna welingu la tana na pawua-na i MIRI lai nyuda.)

¹³“Tunaka nu pala-ndanyaka na Luku Heritu hama tuna na pareta-na i MIRI lai nyuta.

¹⁴Nuna tumbuna tailu kambulu walu mbua ndaungu ngalanda pa-dunjaku-nya la Kandihu-Mbarania. Mbuu ndàbada da panjuri la ndalaru nuda, mbàda meti-daka, hama tuna na pambàda dekana i MIRI.

¹⁵Nua naingu-mana duna i MIRI ba napapa-nja nyuda, la malamiri hi lupa na-pamohu-ha.

¹⁶Ba dameti hàlaka,

¹⁷panii-nanyaka i MIRI lai nyuta,

¹⁸‘La lodu nàhu nyimi li-minyaka la ngaba tana Muapu, li ningu la tana Àru.

¹⁹Jia nyimi mareni-maminya-ka na tana tau Amungu, wàlana i Lòtu. Àmbi nggànggalu-duha jàka ndia àmbi hada-dunja, nadu welingu la tana na pambàda wuanggu-nja nyuda, nda hawutu-a napa pawua-nggunggai nyimi,’ ” wàna. (

²⁰Na ngabana lai nu patanda-mbuya ba tana Repayimu-ya, tamuna na banjaru àmangu na mangia-nya lai nu; paraï da tau Amungu nyuda tau Hàmuhumimu, wàdanja.

²¹Hama tuna da tau Enàku, nyudambu da-bokulu tauda. Nyuda kapàru nda ukuha, dàngu dadangu-ma nggubulu-da. Ba tuna i MIRI na-pamolu-nja, jia-duyaka da tau Amungu hi dawàhi-ya nuna na tana, hi da-ngiangu lai nu.

²²Tuna numbu na pawunda-na i MIRI nduma tau Endumu, wàlana i Ehaü, na mangia-nya la ngaba Palindi Endumu. I MIRI na-pamolu-nya na tau Hori, hi lupa nawàhi-ya tau Endumu nuna na tana, hi da-mandapu-nya, dàngu lundu nàhumbu da tau Endumu ninjapa lai nu.

²³Na tana na matundu pipitu la Tehiku Padua mbàda mandapu-nanyaka tau welingu la nuha Kareta. Nyuda da-pamolu-njaka da tau Awi, da tau memangu lai nu, hàla hi da-mandapu-nya lundu mbara hu luru toma la paraingu Nggaha.)

²⁴“Hàla ba ta-pàlaku-yaka la Muapu, napanii-nda nyuta i MIRI, ‘Lakuwa nàhu kai palaya na Luku Àrunongu. Napa Nyungga kupuli-nya lai nyumu i Hihungu, hanganji Amori, na ma-pareta la Hehimbungu, dàngu mbuu ndàbana na tanana. Hada-nyawa, kai mandapu-nya na tanana.

²⁵Pakiringu la lodu nàhu napa Nyungga ku-pamaradapu-ya na banja - banjaru la nggi - nggi bia, ka da-mangàdatu-nggai nyimi. Nimbihu-na na tau nda - ndàndana napa paraï pa-mangàdatu jàka narongu-ya na rukumi nyimi,’ ” wàna.

²⁶“Tunaka nu paràhangu-nggunyaka tau papalewa welingu la maràda telangu Kendimutu la Hanganji Hihungu la Hehimbungu la pa-patàka-nya pulungu pahàmu wàngu yiana,

²⁷‘Puli àru-nggama pali la paraimu. Nyuma laku pangalangu-mamanya duma, nda ma-hiliru-a welingu la ànda bokulu.

²⁸Pangangu pangama mawàngu pakei hamanai wai pangunu-ma. Jia ba mali jua-a la tana yiana,

²⁹lupa mapala-ya na Luku Yorundangu hi matama-nya na tana na pawua-na-nggama napa i MIRI Alama. Da wàlana i Ehaü da ma-ngiangu la Endumu dàngu da tau Muapu da ma-ngiangu la Àru, nyudambu dapuli-ma-nggamaka pali la tana ngabada nyuda,’ wànggunya.

³⁰Tàka na Hanganji Hihungu nda nabihu pa-pahia-nda nyuta pali nu la tanana. Na MIRI Alami na-matunya pa-tongguru wàngu na etina dàngu pa-pamukaru lerangu ka peku talu-ndanya dàngu nu hi tapiti-ya na tana ngabana. Na tana nuna mandapu-ndanyaka lundu nàhu.

³¹Tunaka nu i MIRI napanii-ngga, ‘Na Hanganji Hihungu dàngu na tanana kuwua-nggaunya nyumu; jiaduya piti-yawa dàngu mandapu-nyawa na tana nuna.’

³²Ka tàka-nanyaka i Hihungu dàngu nggubulu-na da pambana la pabera-ta nyuta la lihi paraingu Yahàhu.

³³Tàka i MIRI Alanda napuli-nyaka lai nyuta, hi ta-pakàku-ya nyuna dàngu da anana lupa nggubulu-da da tanatara-na.

³⁴La rehi nuna-maka ba tawàhi-ha dàngu ba tabera pakabu-ha nimbihu-da da paraingu, hi ta-pameti mbutaya na ma-ngiangu, mini, kawini dàngu anakeda. Nda ningu pa-pahiangu paluri.

³⁵Banda papawa-da tapiti-ha dàngu da paraingu-da taramba-nja.

³⁶La pa-ndulangu-na i MIRI Alanda ta-ngalangu pawàhi ndàbaha, nuda da paraingu piti welingu la Arowiru, la hupu Lolangu Àrunongu, dàngu na paraingu nu la padua lolangu lundu la lihina la Nggiliatu. Nda ningua paraingu ma-kapingatu kilimbatu-na lai nyuta.

³⁷Ba tuna nda ta-mareni-anya na tana ngaba tau Amungu, jàka ndia na karaha Luku Yambuku jàka ndia da paraingu la ngaba ma-palindingu, jàka ndia la nggi pa-ngiangu bia na pahiri-na i MIRI Alanda,” wàna.