Read Kambera BELINGU 24 Bible Online

BELINGU 24 - Kambera bible

BELINGU 24

¹“Ngera hama tuna na haàtu na tau mini ka na-kanoma haàtu bidi kawini, la malamiri nuna na tau mini nda nahili mbuha-nyapa nuna na tau kawini, nadu ba nahunggu-ya na pa-makia wàngu lai nyuna.[21] Hàla na tau mini nuna hi nawua-nya huratu pahewa hi nawàngga-ya welingu la umana.

²La rehi malamiri na tau kawini nuna ka nahili mangoma la tau mini haàtu.

³Tàka ndedi pira mandaina na tau mini nunambu nda nahili mbuha-anyapa nyuna, hi nawua-nya huratu pahewa hi nawàngga-ya nyuna. Jàka ndiai talànga wànguna na leina na padua wàna meti-nanya.

⁴La ngerada nuda ba dua ngiada, àmbu nahili kanoma-duyapa paraï lei wungana, lupangu-ma, ba kawini pa-pakajari-yaka ka wàna jàka nahili kanoma beli-mayaipa, nuna na pawundana pawawa-nanya i MIRI. Nyimi àmbi tuduya na njala na ma-akatu tungu nu la paraingu na pawua-nanggai i MIRI lai nyimi,” wàna.

⁵“Na haàtu tau mini na mabidi lalei, àmbu paràha-dunya nyuna patama la ndihi tanatara palua pa-pabera jàka ndia la paràma hangia nduma madangu. Lupangu pamara-ya nyuna welingu la paràma la dalu hau ndaungu, ka na-paloku-ya na kuru umana dàngu na-pamambiru-ya na papaha-na.[22]

⁶Jàkai wua parutangu ngga - nggàra la tau hawiangu àmbi piti-duya na watu panggihu wàna uhu nggàndumu-na la patunya pa-handera wàna. Bai pitiya nuna na watu wàhi-dimi-nyaka na pa-paloku wàna pangangu na ihi umana ka peku panua-danya na lurida.

⁷Na tau na mayàpa marànggangu tau na angu banjaru-na hi na-paata-ya jàka ndia nadangga-nya, lupangu-ma pa-hukungu metiya. Ba timi nu pamolu-minya nuna na ma-akatu.

⁸Jàka era ningu panyaki manula mapahanggàmaru nunju pahàmu-manya na pawàngu ba wàdanggai nyimi da ratu Lewi; kiku-manya na panaungu na pambàda wua-nggunja nyuda.

⁹Namu-maya na rukuna i Miriyàmu jàka nggiki-nanya paraïna i MIRI Alami ba jiaya na pamaingu-mi welingu la Mehiru.

¹⁰Jàka era wua parutangu-minya ngga - nggàra la angumi àmbi tamadu la umana papiti-ya na pa-handerangu wàna na kalembi-na.

¹¹Patia bianya la hambeli màta-nyaka ka nangàndi wiki-nanya lai nyumu.

¹²Jàka tau milaya nuna na tau àmbu patodu-duya na kalembi la umamu,

¹³tàka màta kau pabeli-nya hau rudu - hau rudungu, ka peku paki-nanya ba na-katuda. Napa na-pamalangu-manggau duna, dàngu i MIRI Alami napa na-orangu-ma lai nyumu.

¹⁴Àmbi kapidihu-duya na haàtu tau pahewa na mamila dàngu na maningu ma-njakangu, ka angu banjaru-munya jàka ndia ka tau hangàdanguya na ma-ngiangu la hau paraingu-mi.

¹⁵Nimbihu lodu ba ndedi na-tambuhuku na lodu, lupangu-ma kai wuanja wundada ruku ràmada la lodu nuna; nyuna monungu-na padua pangala-nya nuna na àmahu nadu ba pa-kalana-mananya. Jàkai ndai wuanya na wundana, napa na-warangu lai MIRI ba napekaya na rukumi nyimi tàka hi panjala-kai nyimi.

¹⁶Àmbi huku pameti-duha da ina amada kiri akatu pa-pandoi-da da anada, dàngu àmbi pameti-duha da anada kiri akatu pa-pandoi-da da ina amada. Nimbihu-na na tau hi huku pameti-ya mbulungu-ana kiri akatu pa-pandoi wikina.

¹⁷Àmbi ramba-dunja da mangu tau hangàdangu dàngu da ana mila, dàngu àmbi pitidu pakina na haàtu kawini ndonangu nduma pa-handerangu wàna ba napiti parutangu.

¹⁸Ngàdaya bai handàkangu-maika dimi nyimi la padedi ata la Mehiru dàngu ba mbàda pahàla-nanggaika paraïna i MIRI Alami; nunaya na pakiri-na hi ku-pakata-nggainja da kalaratu yiada.

¹⁹Jàka pauhi-minja da ihi tana paraïmi, àmbi belidu papiti-ya na paingu uhu nggàndumu na pa-marombangu. Nuna na uhu nggàndumu màta bianya ka nanduma-nya tau hangàdangu, da ana lalu dàngu da kawini ndonangu, ka peku pa-kanyuru-nanggai i MIRI Alami la mbuu ndàbana na paràma-mika.

²⁰Bai handàkanguka papàpu-ha da wua haitungu dàngu da wua angguru-mi, àmbi hili beli-dupa pa-pauhi-nja da wuada da mani-injapa. Lupangu-ma kai màtanja nuda nduma tau hangàdangu, da ana lalu dàngu da kawini ndonangu.

²²Pangàda-nya ba mbàda njadi-mika ata la Mehiru; nuna-duyaka hi kiri wua-nggunggainja yiada da kalaratu lai nyimi.