Read Kambera BELINGU 34 Bible Online

BELINGU 34 - Kambera bible

BELINGU 34

¹Hàla, hadangu-nanyaka i Muha welingu la maràda Muapu laku hi nahei la Palindi Nembu, na-kandekalu la pinuna na Pinggàhu la pahunga lodu Yeriku. Lai nu i MIRI na-paita-nya nggubulu-na na tana, nu la ngaba Nggiliatu la mbara dia lupa la paraingu Ndàngu;

²nggubulu ngaba Nàputali; ngaba Epuraïmu dàngu Manahi, ngaba Yahunda la patama lodu lupa la Tehiku Padua;

³la mbara luru ngaba Yahunda dàngu na maràda na ma-tawàlahu welingu la Huawàru lupa la Yeriku, na paraingu na mambinu wàngu pingi karumangu.

⁴Hàla i MIRI hi napanii-nya i Muha, “Nina-yaka na tana na pambàda ràndi-nggunja i Ambarahàmu, i Ihàku dàngu i Yakupu la pa-kangeha-nja da wàla wuada. Ku-paita-nggaunya nyumu Muha, tàka nda ku-pahia-nggau palua lai nàhu,” wànanya.

⁵Ka meti-nanyaka i Muha, na atana i MIRI, la tana Muapu, hama tuna ba mbàda wàna i MIRI ba ndedipa.

⁶I MIRI na matani-nya nyuna la hau lolangu la Muapu, la papa paraingu Mbetu-Piuru, tàka lundu la lodu nàhu ndedi haàtu-mbu mapinya na pangia langatàka-na na retina.

⁷Ba nameti i Muha hangahu dua kambulu ndaunaka na ndaungu lurina. Na kapàru-na ndedi namàli dàngu da matana dàngu ita hàmu biada-pa.

⁸Tailu kambulu lodu mandaina na banjaru Ihirailu ba nahii dàngu ba na-hawina-nya i Muha la maràda Muapu.

⁹I Yuhua anana i Nungu na-pabundu wànya manggàna paraïna i MIRI, nadu ba i Muha-maka na ma-patuji-ya nyuna bàdi na hilunggu ba wàna. Na banjaru Ihirailu da-patundu-manya i Yuhua dàngu danunju-maha da pareta - pareta pawuana i MIRI lai nyuda la ngaruna i Muha.

¹⁰Nda ningu-apa wunangu la Ihirailu mahama-nya i Muha na mapanii pahangga nggoru dànya i MIRI.

¹¹Nda ningua mawunda tanda mbiha dàngu pa-hangàtarungu hama tuna pawunda-na i Muha hangganya na tana Mehiru, na hanganji-na dàngu da maningu wai ngabangu-naka nunjuya na lii pareta-na i MIRI.

¹²Nda ningu ma-patàkangu pawunda-na manda najaru dàngu pa-maradapungu hama tuna pawunda-na i Muha la hanggana na Ihirailu nggubulu-na.