Read Kambera YUHANI 16 Bible Online

YUHANI 16 - Kambera bible

YUHANI 16

¹Kupanii ndàba-nggaiha nuda keha ka àmbu da-kandulingu wànggunggai.

²Napa da-jukaru-nggai welingu la uma bunggu - uma bungguru. Napa nàmunya na rehi, na tau na ma-pameti-kai nyimi, pa-tundungu-nggunya lai Ala, wàna.

³Hi tudanggai nu, jiaya ba nda datanda-ya i Ama hamanai Nyunggambu nda datanda-aka.

⁴Tàka nàhu hi kupanii-nggai, màta jàka nanjadi-ka napa, ka peku namu-minya ba mbàda panii-nggunyaka nuna lai nyimi,” wànanja. Hi nda kupanii haha-nggaiha yiada la pakiri-na, maa ba ni-dunggapa la pahiku-mi.

⁵Tàka nàhu beli-nggunyaka duku napa la Ma-palewa-ka; dàngu nda haàtu-a la hongami ma-paàrangu jàka nggi kulaku ningu.

⁶Tàka nàhu hi hawina wàngu bia-nanyai na etimi, ba kupanii-nggainya nuna.

⁷Tàka ma-padeningu-maya nàhu na papanii-nggunggai: Nahàmu-mapa duna ndumami nyimi, jàka kulaku; nadu jàka nda kulaku, nda jia mai-ana napa i Ma-pandulangu lai nyimi. Na nyuna jàka kulaku-ka, napa ku-palewa-ya lai nyimi.

⁸Jàka namai-yaka, napa na-paloha-nya na pinu tana nggàraya duna na njala, nggàraya duna na pa-deningu, dàngu nggàraya duna na hukungu welingu lai Ala.

⁹Napa na-paloha-nya jàka nda papawai lai Nyungga ba manjala-ya;

¹⁰dàngu ba ku-padeningu Nyungga, nadu ba laku-nggunya lai Ama tàka hi ndai hili itaka;

¹¹dàngu ba pa-kiringu-nanyaka i Ala pa-hukungu, nadu ba mbàda huku-nanyaka na makata-nya yiana na pinu tana.

¹²Dadangu-mapa duna làti da pa-paningu-ha ba wànggunggai, na nyuna ba tuna, ndedia nàhu na-turuku-kai.

¹³Na nyuna jàka namaika i Ngahu, nu na ma-paloha-nya na ma-padeningu rukuna i Ala, napa nairu ngàndikai la patanda ndàbaya na ma-padeningu. Nda jia wàngu eti wiki-ana papanii, tàka jiaya na parongu-na duna na papanii-na, dàngu napeka-nggainya napa jàka nggàraya na manjadi la lodu malamiri.

¹⁴Napa Nyuna na-pamangunju-ka Nyungga, nadu na pangala-na welingu lai Nyungga jia-maya na pa-patàka-na lai nyimi.

¹⁵Mbuu ndàbada da maninja lai Ama mangunggu Nyunggaha. Tuna nuduka hi kiri panii-nggunggai, jàka nggàraya na pa-patàka-na i Ngahu lai nyimi, pangala-na welingu lai Nyunggaya hi wànggu.

¹⁶“Ndedi mbàdiku-anapa ba ndai hili itaka napa, dàngu ndedi mbàdiku-mbunapa napa bai hili ita belika,” wànanja.

¹⁷Ninja hawiangu da papanau-na i Yehu da ma-paàrangu dàngga anguda, “Nggàraya ihu na pawuku-na ba napanii-nda: ‘Ndedi mbàdiku-anapa ba ndai hili itaka napa, dàngu ndedi mbàdiku mbunapa napa bai hili ita belika,’ ba wàna? Hili nggàrayai na pawuku-na, ‘Laku-nggunya lai Ama,’ ba wàna?” wàda.

¹⁸Paàra pangalangu-madanya, “Nggàraya ihu, ‘ndedi mbàdiku-anapa,’ ba wàna? ‘Nda ta-jàngapu-aya jàka nggàra rukuya na papanii-na,’ wàda.”

¹⁹Ba pi-mananya paraïna i Yehu ka ta-paàra-nya ba wàda, “Nu ka panii-nanyaka, ‘Ndedi mbàdiku-anapa ba ndai hili itaka napa, dàngu ndedi mbàdiku mbunapa napa bai hili ita belika,’ wànggu ni kawai ka jiaya nuna bia nu na pa-paàra wàmi dua wikimi?

²⁰Langatàka-ma ka kupeka-nggai, napa nyimii hii dàngui pa-dudurungu, tàka na pinu tana hawola-nanyaka duna. Napa nyimii handuka, na nyuna nu na handuka-mi napa na-pambeli-ya hawola.

²¹Jàka mareni habola-nanyaka na haàtu kawini, handuka-nanyaka, maa ba rehi-nanyaka na-mayila-na. Na nyuna wàha ba wànaka na anana, ailulu maromba-madua-nanyaka na mayila-na paraï pa-hawola ruku dedina na haàtu ana rara la pinu tana.

²²Tuna numbu nyimi: Nàhu ninggai la handuka, na nyuna napa kuhili tàbuku-kai, hi ninggai napa la mbaha eti; dàngu nda jia haàtu-a ma-ngalangu papiti-ya nu na mbaha etimi.

²³La lodu nu, nda nggàra-apa pa-paàra-mingga. Langatàka-ma ka kupeka-nggai: Nggàra biaya na pakarai wàminya na tamunggu lai Ama, nawua-manggainya duna.[35]

²⁴Lundu nàhu ndedi nggàra-a pakarai wàminya na tamunggu. Ba tuna ikaraiwa, napa ingalangu-ma duna, ka na-lànyapu na hawola-mi,” wànanja.

²⁵“Mbuu ndàbada yiada kupanii wànggai pangerangu. Na nyuna ninya napa na rehina, ba nda kuwàngu-apa pangerangu, tàka kupanii pa-habola-nggai rukuna i Ama.

²⁶La rehi nu karai-wadimi-nyaka na tamunggu lai Ama; kai pinya, nda Nyungga-apa makarai-nggai ndumami lai Ama,

²⁷Nadu i Ama wiki ba nambuha-manggai. Hi nambuha-nggai nyimi, maa bai mbuha-dungga Nyungga dàngu ba mbàda pawai dimika ba paweli-nggu lai Ala.

²⁸Ma-pawelingu lai Ama-maka, hi kumai la pinu tana. Tàka nàhu dunjaku-nggunyaka na pinu tana ka kubeli lai Ama, wànggu,” wànanja.

²⁹Tàka da papanau-na i Yehu, “Nàhu panii pa-habolangu-munyaka Miri, ndau wàngu-apa pangerangu,

³⁰tàka nyuma mapi-manya bau pi hàla-manya dumu. Nda haàtu-apa Miri majàra pa-paàra-nggau ngga - nggàra. Tuna nuduka hi mapawai ba ma-welingu lai Alakau,” wàdanya.

³¹Nahema i Yehu, “Ba tuna pawai dimi-nyaka nàhu?

³²Nandi-manya! Ninya napa na rehina, dàngu rehi-mana-nyaka nàhu, la papai - ihanggai. Napa nyimii maràngga beli la umami haàtu - haàtu, tàka hii dunjaku mehangga Nyungga. Na nyuna nda didi meha-aka duku, maa ba ninya i Ama na ma-angungga.

³³Kupanii ndàbaha yiada ka peku ngala-minya na peku hàmu rukuna bai pambulu dàngga Nyungga. Imayila napa la pinu tana yiana. Na nyuna pamàndu-nja da etimi! Mbàda talu-nggunyaka na pinu tana!” wànanja.