Read Kambera 1 KORINITU 3 Bible Online

1 KORINITU 3 - Kambera bible

1 KORINITU 3

¹Ngara angu dedi! Làti nda peku-ana nyungga ba ku-pabanjaru dànggai nyimi hama tuna na tau na maningu Ngahuna i Ala. Nyungga ba ku-pa-banjaru dànggai nyimi hama tu-maana bàdi dàngu tau na maluri-pa tundunya na pambuha pinu tana; hama tuna dàngu tau maana rara pawaina lai Karitu.

²Àmangu nyungga wua-nggunggai pangangu anarara-maapa, nda pangangu tau matua-a; nadu nyimi ba ndedi mimàka-pa la matungu nu. Tàka nàhumbu nyimi ndedi mimàka-a ndumana nuna,

³nadu nyimi ba jiapa-kaipa bai luri tundunya na luri huri taumi. Nadu nyimi jàka jiapa-kaipa bai pa-kilitungu etimi dàngu bai pahànggangu dàngga angumi, màla nda paitangu-aminya nu ba jiapa-kaipa bai luri tundunya na huri tau, hama tuna na tau na mandedi tandaya i Ala?

⁴Jàka ningu mapanii, “Nyuma makiku-nya i Paulu,” dàngu ningui hawiangu mapanii, “Nyungga kukiku-nya i Apolu,” na mawàna, màla nda paitangu-aminya nu nyimi na hurimi ba hamada da tau pinu tana?

⁵Làti duna nggamuya i Apolu? Dàngu nggamuya i Paulu? Nyuma tau ma-lumungu lai Ala-a-kama, mambàda kapipi-kai nyimi la papawai lai Karitu. Nyuma duma palaku-manya na wai ngera-ama na pa-patangguna-nggama haàtu - haàtu paraïna i Ala.

⁶Nyungga tondungu-anggunya, tàka i Apolu na mamangahungu, i Ala wikima duna na matunya tumbuna.

⁷Jia ba tuna na ma-papingi i Ala-maka duna, nadu ba Nyuna na matunya tumbuna. Na ma-tondungu dàngu na ma-mangahungu nda ma-papingi-aha;

⁸nyuda ba dadua hama-maada. Napa da-ngalangu wundada tundunya na paraï njilida.

⁹Nyuma ha-paangu ràma - mama duma lumuna i Ala; tàka nyimi beri wokana i Alakai. Nyimi dimi angu dedi, beringu Umana i Ala-mbukai.

¹⁰Wànya na pingu na pawua-nangga i Ala, nyungga beringu mamàhi pawulu uma-dukaka, matunya latana nuna na watu uma nuna, tàka na-haàtu hi na-pahada-nya na uma la pinuna nu na watu uma. Haàtu - haàtu màta ka napanau pahàmu-nya jàka nggiki wàna ba na-pahadangu lai nu la watu uma.

¹¹Nadu bai Ala wiki-maka duna na mabànjaluya i Yehu Karitu na watu uma, ba watu umaya dàngu didi-maaya, na ngia pawulu-ya nu na uma; nda hili ningu-apa watu uma hau.

¹²Ninya na ma-pahada wàngu àmahu rara lai nu la watu uma, ningu ma-pahada wàngu àmahu bara, ningumbui ma-pahada wàngu watu mata tawuru, ningu mawàngu ai, ningu mawàngu rumba meti, jàka ndia rembi uhu.

¹³Na paràma-na haàtu - haàtu na tau napa paitamaya tiangu, la rehi tàka belina i Karitu. Nadu la lodu nuna napa epi-maka duna mapawuwaya na paràma-na na tau haàtu - haàtu. Epi napa makama-nya dàngu na ma-pabila-nya na bilana na paràma.

¹⁴Era torungu-na la epi nuna na uma na pawulu tau la watu uma nuna ba nda na-mutungu la epi, na tau nuna napa ngalangu-nanyaka wundana.

¹⁵Tàka na paràma nuna jàka na-mutungu, runggi-nanyaka duna napa; nyuna wiki namara, hama tuna na tau na maluhu welingu la epi.

¹⁶Màla angu dedi, mipinya nyimi ba Uma Alakai? Dàngu na Ngahuna i Ala ba ngiangu-nanya daa lai nyimi?

¹⁷Era ningu tau maparuhaya na Uma Ala, napa i Ala na-paruha-mbuya na tau nuna. Nadu na Uma Ala mbulungu-ana ba ndumana i Alaya, tàka nyimi jiadu-kaika na uma nuna.

¹⁸Àmbu ningudu haàtu ma-panyonga-ya na wikina. Jàka ningu tau la hongami nyimi ma-pàdangu wikina ba na-manggàna tundunya na hukutu pinu tana yiana, na tau nuna màta ka nanduba, ka peku manggàna langatà - tàkana.

¹⁹Nadu na manggàna ba wàna ba nakaka-ya tau pinu tana tàka manduba-ya wàna ba naita-ya paraïna i Ala. Daa la Huratu Matua ninya na pa-tulihu, “I Ala nayàpa-haka da tau manggàna ba wàda la màhi wikida,” wàna.

²⁰Nimbunyai na pa-tulihu, “I Miri napinya na kanandingu-da da tau manggàna ba kanandingu manda ningu lingungu-ya,” na mawàna.

²¹Jia-duya nu, jàmangu àmbu ningudu haàtu matika pa-wotungu haàtu tau, nadu mbuu ndàba-naka pa-wuangu hàla-mahaka lai nyimi kai mangunja:

²²I Paulu, i Apolu, i Peturu, na pinu tana yiana, na luri, na meti, na rehi nàhu jàka ndia na rehi na manàmu-nya, mbuu ndàbana mangu-mami-nyaka.

²³Tàka nyimi manguna i Karitu-kai, dàngu i Karitu manguna i Alaya.