Read Kambera 2 KORINITU 10 Bible Online

2 KORINITU 10 - Kambera bible

2 KORINITU 10

¹Nàhu nyungga duku yia Paulu, ninya na hangia na pa-patàka-nggunggai. Tundunya na panii tau, ku-malijangu nyungga jàka kutàka la hanggami nyimi, tàka kutoru mbeni biai jàka kumarau-nggai, wàda. Kai rongu, rukuna na malijangu-na dàngu na hàmu etina i Karitu,

²ku-kamahi langatàka-nggai, àmbi wudaya na pa-haladiku lerangu wànggu lai nyimi napa jàka kumai. Nadu ba pa-tikingu-manggu-nyaka pa-kukutu-nja da tau da mapulu-nggama, himbu-danya malanja pinu tana dumu na ràmada nyuda, ba wàda-nggama.

³Tubangu-ma ba luri-manyapa la pinu tana, tàka na pakeha-ma nda ma-palata-anya la pawuku pinu tana.

⁴Da madàka da pawàma ba ma-kehangu pakeha-ma, nda madàka la pinu tana yiana-aha, tàka madàka welingu lai Alaha na mambiha manyola. Mawànja da madàka nuda hi ma-palàjaru ndàbaha da ngia pa-pajàrungu; ma-tebuku-ha mbuu ndàbada da pa-patayaku wàngu,

⁵dàngu hi ma-tumburu-ha da tindingu jangga eti da pa-pahadangu la pa-ndubaku-ya na papingu wàngu rukuna i Ala. Ma-tanawa-nja da kanandingu-da da tau dàngu hi mairu ngàndiha nyuda la pa-tangara lai Karitu.

⁶Dàngu jàkai pa-tundungu hàmu-maka, rimangu-ma-padua-ka nyuma la pahuku-nya na tau na manda pa-tundungu.

⁷Màta kai pàdanya jàka nggàraya na ma-langatàka. Jàka ningu haàtu mapàda hàmunya ba manguna i Karitu-ya nyuna, màta ka na-panamu-nya na wikina dàngu ka na pàdanya ba manguna i Karitu-ma-kamai duma nyuma hama tuna nyuna.

⁸Nda kumakia wa-anya duku jàka narihi dangu ningu-mapa ba ku-hamemu wànya na kuaha na pawua-nanggama i Miri, nadu hi ngalanya nu na kuaha ka pahada wànggai nyimidu, nda jia-aya ka panjoru-kai.

⁹Nda kumbuha-anya jàkai pàdanya ba pa-mangàdatu-nggunggai daa la hura - huratu-nggu.

¹⁰Na panii tau: “Da huratu-na i Paulu nda da pahanda dàngu pa-mahumbarungu-ha, tàka jàka ni wikinya nyuna la padua-nda nyuta, tau malijangu-maaya dàngu na kareuku-na nda ana nggàra-a linguna!” wàda.

¹¹Màta na tau tungu nu ka napàda-nya, jàka ninggama nyuma la padua-mi nyimi, da pawàngu ba wàma jia pawingungu-maha da pa-tulihu-ma la hu - huratu-ma.

¹²Jiangu-maka duna ba nda matoru mbeni duma nyuma pa-pamenjangu wikima jàka ndia pa-pahama tudangu la tau da mareki wikida ba tau mangia ditaha. Ma-kanjupu nduba-maha! Ba da-hukutu wikida wàngu hukutu pa-pandoi wikida.

¹³Nyuma duma nda tuma nua. Jàka ma-hamemu duma nda ma-làpahu-anya na dirana. Jiapa-makama duma la kaloka ngia paràma-ma, na pambàda panduma-nanggama i Ala. Dàngu lupa nyimimbu nahanggau-nggai kaloka ngia paràma-ma nyuma.

¹⁴Jiaduya, jàka mamai pa-tadalu-kai nyimi dàngu ba mangàndi-nggai Lii Mànangu rukuna i Karitu, langatàka nda maluhu-a welingu la kaloka paràma-ma.

¹⁵Nda ma-wotungu-a wikima duma la ruku paràma tau hawiangu na maninya la hambeli kaloka paràma-ma na pambàda panduma-nanggama nyuma paraïna i Ala. Tàka jiapa-makama duma la padira na pambàda tiki-nanggama nyuma paraïna i Ala dàngu ma-monungu-ma ka manaü pawaimi nyimi lai Karitu, ka pekuna ba maràma-ya na marihi bokulu la hongami nyimi.

¹⁶Nu ba tuna nu peku-naka duma ba bobaru-ya na Lii Mànangu la parai - paraingu hawiangu dàngu nda pa-bokulu-ma wikima la paràma na pambàda paloku la kaloka ngia pa-lumungu-na na tau hawiangu.

¹⁷Daa la Huratu Matua ninya na pa-tulihu: “Na tau na ma-mbuhangu pa-hamemu wànya jàka nggàraya, màta ka na-hamemu wànya na pambàda raï rukuna i Miri,” na mawàna.

¹⁸Nadu na tau na pa-wotungu jiaya duna na tau na pawotu-na i Miri, nda jia-aya na tau na ma-wotungu wikina.