Read Kambera YUHUA 19 Bible Online

YUHUA 19 - Kambera bible

YUHUA 19

¹Na pa-beringu pa-panduangu wàna jiaya na tana ndumada da biliku la kabihu banjaru Hamiungu. Na lola tanada nyuda na hanjoruku lundu la lola tana manguna na kabihu Yahunda.

²Pawuangu-ha nyuda hakambulu tailu mbua paraingu da patiki pandàkingu yiada papohu-nja da ndeha la winggiru-da: na Mbiruhemba, Heimba, Molanda, Hahàru-Hualu, Mbala, Ehimu, Elitolàtu, Mbetulu, Hòruma, Hikulàku, Mbetu-Hamàrukambutu, Hahàru-Huha, Mbetu-Lambautu, dàngu Haruhingu.

⁴

⁵

⁶

⁷Hamangui da patu mbua paraingu da patiki pa-ndàkingu yiada dàngu da ndeha la winggiru-da: na Aïngu, Rimungu, Etiru dàngu na Ahàngu.

⁸Papohu-nja mbuu ndàbada da ndehambu la winggiru-da nuda da paraingu lundu la Mbaalàtu-Mbeyiru-ya na marauna (nu na Rama) la tana mbara luru. Nunaya na tana na pawua-nja da biliku la kabihu Hamiungu ka damangu-nya.

⁹Na tana nduma Yahunda kanjupu lerangu-ya, ba tuna hawiangu nuna na tana pa-wuangu la kabihu Hamiungu-ya.

¹⁰Na pa-beringu pa-pandailungu wàna jiaya na tana ndumada da biliku la kabihu Hembulungu. Na padira tana pawua-nja nyuda natàka la Haritu.

¹¹Welingu la Haritu, nalola padira la patama lodu hanàhu-na la Marala hi namangu pa-hipitu-ya na Ndambehitu dàngu na ana luku la pahunga loduna na Yòkuniamu.

¹²Na lola padira la pahunga lodu napiti welingu la Haritu hanàhu-na la padira Kihilotu-Tamburu, pangalangu la Ndòburàtu, hi mangu pa-kandekalu la Yapia.

¹³Welingu lai nu na-pangalangu la pahunga lodu la Nggàta-Hepiru dàngu Eti-Kahingu nu na lola padira, hi namangu pa-wikitu hanggangu la Nia hanàhungu la Rimungu.

¹⁴La mbara dia na-wikitu hanggangu la Hanatungu nu na lola padira tana hi lundu la Lolangu Yiputa-Eluya na kanjupungu ningu.

¹⁵La ngaba tana kabihu Hembulungu jia-mbuha: na Katàtu, Nahalàlu, Himurungu, Yindala dàngu na Mbetulehimu. Na ngaba tanada nyuda na-hanggaungu hakambulu dàmbu paraingu dàngu da ndeha la winggiru-na.

¹⁶Nuda da paraingu dàngu da ndehada ninja la ngaba tana pawua-nja da biliku la kabihu Hembulungu ka tana mangu-danya.

¹⁷Na pa-beringu papatu wàna jiaya na tana ndumada da biliku la kabihu Ihakàru.

¹⁸La ngaba tanada nyuda jia ndàbaha da: Yihireyilu, Kehulutu, Hunimu,

¹⁹Haparaïmu, Hiungu, Anaharàtu,

²⁰Rambitu, Kihiungu, Embihu.

²¹Remitu, Eni-Ngganimu, Eni-Handa dàngu Mbetu-Pahihu.

²²Na padira tanada nyuda na-hipitu-ha da: Tamburu, Hahanjima, Mbetu-Hemihu, hi la Luku Yorundangu-ya na kanjupungu ningu. Nu na ngaba tanada nyuda na-hanggaungu hakambulu nomu paraingu dàngu da ndeha la winggiru-da.

²³Jia ndàbaha nuda da paraingu dàngu da ndehada la ngaba tana pawua-nja da biliku la kabihu Ihakàru ka tana manguda nyudaha.

²⁴Na pa-beringu palima wàna jiaya na tana ndumada da biliku la kabihu Ahiaru.

²⁵Na ngaba tanada nyuda na-hanggau-nja da: Helikàtu, Hali, Mbetingu, Àkahàpu,

²⁶Alameliku, Amàtu, dàngu Mihàlu. Na padira tanada nyuda la patama lodu na hipitu-ya na Palindi Kàramilu dàngu na Luku Lipinàtu.

²⁷Welingu lai nu na-wikitu hanàhu-na la pahunga lodu la Mbetu-Ndanggungu na lola padira-da nyuda, hi namangu pa-hipitu-ya na padira Hembulungu dàngu na Lolangu Yiputa-Elu hanggangu hu dia la Mbetu-Emiku dàngu Nehialu. Hàla hi nahili pangalangu hu dia nu na lola padira hanàhu-na la Kambulu,

²⁸Emburungu, Rehupu, Hamungu, dàngu Kana, lundu la Hindungu-ya na marauna.

²⁹Welingu lai nu na-wikitu hanggangu la Rama nu na lola padira hi na-pangalangu la paraingu Tiruhu, nu na paraingu maningu tindingu-na; tunaka nu nahili wikitu hanggangu la Hoha nu na lola padira hi la Tehiku Padua-ya na kanjupungu ningu. Daa la kuru padira jia ndàbaha da: Mahalàpu, Àkahipu,

³⁰Uma, Apiku dàngu Rehupu. Nggubulu-na na ngaba tanada na-hanggaungu dua kambulu dàmbu paraingu dàngu da ndeha la winggiru-da.

³¹Nudaha da paraingu dàngu da ndeha la winggiru-da la ngaba tana pawua-nja da biliku la kalibaru kabihu Ahiaru ka tana manguda nyudaha.

³²Na pa-beringu panomu wàna jiaya na tana ndumada da biliku la kalibaru Nàputali.

³³Na padira tanada nyuda napiti welingu la Helipu, lundu tàkanja da pingi ai eku la Njaananimu, hi na-pangalangu la Andami-Nekipu, hi la Yàpuneyilu-ya lundu la Lakumu, tunaka nu hi na-kanjupungu la Luku Yorundangu.

³⁴Welingu lai nu na-wikitu hanggangu la patama lodu la Àhunotu-Tamburu na lola padira-na nu na tana, tàka welingu lai nu hanàhu-na la Hukuku. Na ngaba tana yiana na-padirangu dàngu na ngabana la Hembulungu la mbara luru, dàngu na Ahiaru la patama lodu, tàka na padira-na la pahunga lodu jiaya na Luku Yorundangu.

³⁵Da paraingu maningu tindingu-da jiaha yiada: na Njindimu, Heru, Hamàtu, Rakàtu, Kineritu,

³⁶Andama, Rama, Hahuru,

³⁷Kendihu, Endirei, Eni-Hahuru,

³⁸Yirungu, Mikundàlu-Elu, Horimu, Mbetu-Anàtu, dàngu na Mbetu-Hemihu. Nggubulu-na na ngaba tanada nyuda na-hanggaungu hakambulu hiwa mbua paraingu dàngu da ndeha la winggiru-da.

³⁹Da paraingu dàngu nuda da ndehada ninja la ngaba tana pawua-nja da biliku la kabihu Nàputali ka tana mangu-danya.

⁴⁰Na pa-beringu papihu wàna jiaya na tana ndumada da biliku la kabihu banjaru Ndàngu.

⁴¹Na ngaba tanada nyuda yiana nahanggau-nja da: Hora, Ehitaülu, Iru-Hemihu,

⁴²Halambingu, Ayalungu, Yitula,

⁴³Elungu, Timuna, Ekurungu,

⁴⁴Eliteki, Nggimbitungu, Mbaalàtu,

⁴⁵Yehutu, Mbenimberaku, Nggàta-Rimungu,

⁴⁶Mei-Yàrukungu, Rakunu, dàngu na ngaba tana la winggiru-na na Yopimbu.

⁴⁷Da tau la kabihu Ndàngu, na-alingu-ka hawiangu na ngaba tanada[8] nyuda, ba tuna lua-danyaka la Lehimu hi dahada-nya nuna na paraingu. Hi dawàhi-ya, da-pameti-ha da mangia-nya, tàka hi da-mandapu-nya nuna na paraingu. Ka ngiangu-danyaka lai nu hi da-pahilu-nya tamuna nu na paraingu Lehimu, parai Ndàngu wàdanya, pa-namatu-nya na tamuna na boku la mangilu-da.

⁴⁸Da paraingu dàngu da ndehada ninja la ngaba tana pawua-nja da biliku la kabihu Ndàngu ka manguda nyudaha.

⁴⁹Ba nahàla-ka na banjaru Ihirailu papabe - berinya nuna na tana, dawua-nya hangia-na na tana i Yuhua anana i Nungu ka namangu-nya.

⁵⁰Hama tuna na-pambàda paniina i MIRI la hupu liina, dawua-nyaya na paraingu pakarai-na, nu na Timunàtu-Hera la ma-palindingu la Epuraïmu. Natura beliya nuna na paraingu i Yuhua hi na-ndàdiku lai nu.

⁵¹Tuna nuduka ba dapabe - beringu tana la tana nuna i Ratu Eliahàru, i Yuhua anana i Nungu dàngu ba hapajia-ha da liku uru biliku la kabihu - kabihu banjaru Ihirailu ba dawàngu patunya undi la pakarai-ya na lotangu-na i MIRI. Nuna nu dawunda niya la Hilu la pindu Uma Terana i MIRI. Njàpu wàngu-nanyaka nuna na ngera paberi-nya nuna na tana.