Read Kambera IMBARANI 12 Bible Online

IMBARANI 12 - Kambera bible

IMBARANI 12

¹Nu ba tuna, na ngera wikinda nyuta nda uku dangu-maha da ma-hakahii la winggiru-nda! Jia ba tuna, màtawa ka tatòku ndàbanja da ma-pambotu-ta dàngu da njala da ma-karitaku mànuta. Dàngu màtawa ka taparukangu papalai la ngia pa-parimbu na pahangganda.

²Màtawa ka tapanau-ya i Yehu, maa ba Nyunadu na ma-patumbu-ya na pawainda hi naopa-nya welingu pàku la pakiri-na lupa la hupu njàpuna. I Yehu na-patoru-nya na mayila-na la ai harikangu! Nda na-kawela-anya na meti la ai harikangu nuna ba pa-makia wànguya. Pangàda-nanya na hawola-ma-a na papàda-na ngeru. Nàhu mandapu-nanyaka la kawana kanjàka hanganji-na i Ala hi anguda la pa-pareta.

³Màla kai pangàda-nya nggiki hama mayilana i Yehu ba nahangga-nja da tau njala da ma-mbangatu la pa-ndubaku-ya! Jia ba tuna nu àmbi kudu eti wanyai hi nambota na monungu-mi.

⁴Nadu bai pabera dànya na njala, ndedi imbeni hanggangu-a hi lundu luhu wai riami.

⁵Dàngu àmbu mbula-dunya yiana na panaungu-na i Ala, na papanii-nanggai ba ana-nanggai: “Oi ananggu, katana pahàmu-manya na pa-pekangu-na i Miri, dàngu àmbi kudu eti wànyai jàka nahàngga-nggai.

⁶Nadu ba na-pawàhiku-nya nimbihu-na na tau pambuha-na duna i Miri, dàngu na-paràmbahu-nya nimbihu-na na tau, ana-nggunya,” ba wàna.

⁷Màtawa kai kataku-ya na ràmbahu welingu lai Ala ba hama tuna pa-wàhikungu mapawelingu la haàtu amaya. Nadu ka ningu nu haàtu ana na panda payalu-na paraïna amana?

⁸Jàka nda pa-payalu-nggai hama tuna mbuu ndàbada da anana hawiangu, ka nda ana langatàka-akai, tàka ana wuku rumbakai.

⁹Ningu-madu amanda la pinu tana. Nyuna na payalu-nda, tàka hi tatembi-ya. Ba tuna, ka narihi-aipa duna hanggangu la Ama pangahu-nda na maninya la awangu, jiangu-maka bàdi ba tarihi pa-wawangu wikinda lai Nyuna, ka taluri.

¹⁰Da ina amanda la pinu tana ningu dirana na rehi ba da-payalu-nda pa-namatu-nya na mahàmu la kanandingu-da. Tàka i Ala duna hi na-payalu-nda ndumana na pahàmu wànda nyuta wikima, ka peku matua karia-ndanya Nyuna.

¹¹Deningu-mana nu ba payalu-nda, nda pahàmu eti wàngu-aya ba pa-wàhiku-nda, tàka pahawina wànguya. Na nyuna tai la malamiri-na, ndumanda nyuta duta pambàda payalu-na, nu ba na-pawàhiku-nda jia-yaka na mapawitinya hi kiri luri nunju-ndanya na pawuku-na i Ala dàngu hi tatàka-nya na pàda-ndanya na luri mambiru.

¹²Jia ba tuna, màtawa kai pamàndu-nja da limami da manda màka, dàngu da kambàku-mi da manda - ndàndada!

¹³Màtawa kai pangga mànu la ànda ndidaru, ka àmbu na-pahili na wihimu na ma-kanjiku, tàka ka na-màlaru-wa.

¹⁴Pamukarungu-wa la paluri papeku dàngu tauka mbuu ndàbana. Pamukarungu-mbu la paluri matua, ka ndumana i Miri-ma-a. Nadu ba nda ningua haàtu tau mangita-ya i Miri jàka nda tuna nu na lurina.

¹⁵Rimangu ka àmbu ningudu ma-yàmihu welingu la hàmu etina i Ala, ka àmbu ningudu ba hama ma-maüku na matumbu la hongami nyimi, hi jiaya na patumbu wàna na ma-kalutu, tàka hi na-paruha wànya paita-na na tau dangu.

¹⁶Rimangu ka àmbu ningu tau njuraku jàka ndia manda kawelanya na luri pangahu, hama tuna na pawundana i Ehaü. Ba nadangga wànya pangangu hau makua na pa-maaya wàna.

¹⁷Maa ba pi-diminya la lodu malamiri i Ehaü na-mbuhangu pangala-nya nu na kanyuru welingu la amana, tàka pa-jukarungu-ya. Nadu jiapa ka wàngu wai matana-kadu ba nahimbu wihuna la pa-pahàmu beliya na njalana[10] nda napeku ndokuapa.

¹⁸Nyimi dimi angu dedi nda maimi pahangganya na pahangga-da da tau Ihirailu-a yia la handàkana. Nyuda hangga-danya na mapeku la pa-jonggaru-ya, nu na Palindi Hinai na maduru epina; hangga-danya na kapàtangu, na kanjidingu dàngu na ngilu mbangatu;

¹⁹hangga-danya na lingu taropitu, dàngu na lingu talia lii manda najaru. Ba darongu-yaka nuna na talia lii paraï da tau Ihirailu, karai pa-mbanangu-danyaka ka àmbu hili parongu-nja nuna na talia lii.

²⁰Maa ba nda da-torungu parongu-ya nuna na lii pareta pa-patàka-na paraïna nuna na talia lii. Nadu ba napanii, “Mbuu ndàba biana na ma-jonggaru-ya yiana na palindi, banda-yakai jàka ndia ka ngga - nggamu biaya, pa-pinjalu pameti wànya watuma bàdi,” ba wàna.

²¹Nu na paita-da da tau Ihirailu kanjupu pa-maradapungu-ya, hi lupa napanii i Muha, “Ku-mangàdatu hi nda - ndàndanggu!” wàna.

²²Tàka nyimi dimi, tàka-minyaka la Tandula Hiungu dàngu la paraingu-na i Ala na maluri, nu na Yeruhali la awangu, dàngu riu rata papalewa-na.

²³Tama-minya la kabungguru ma-hawola — nu na kabungguru-da da kawunga anana i Ala, da mambàda ningu tamungu la huratu la awangu. Hurungu-minya lai Ala, na Hakimu ma-patanda-nya mbuu ndàbana na banjaru. Hangga-minja da hamangu tau meti da matànji, da mambàda lundungu.

²⁴Hurungu-minya lai Yehu, na Mali Padua la pa-ràndingu bidi; hanggaminya na wai ria pa-paiharungu na mapanii-ya na marihi hàmu welingu la wai riana i Hambilu.

²⁵Jia ba tuna nu, pananjarungu bàdi ka àmbi jukaru-nya Nyuna na mapanii. Nyuda da manda patingi-nya Nyuna na mapuru la pinu tana hi na-patàka-nya na puluna i Ala, nda peku palai-ada. Ka manaü-ama-naka nyuta yia mambàda ronguya Nyuna na mapanii welingu la awangu! Jàka nda tapatingimanya, ka nggiki hama pahàla bianda!

²⁶La rehi nuna na talia nggoruna napakanggupuku-ya na tana. Tàka nàhu paràndingu-nanyaka, “Hilu handàkangu-ki, napa ku-panggupuku-ya nda didi-aya na pinu tana, tàka na awangu-mbu,” wàna.

²⁷Nu “hili handàkangu” ba wàna peka-nanya na ngerana na pa-nggubulu awangu na pambàda padika-na ba na-nggàduku napa hi paleli-nya, ka peku pa-daingu-na na manda ngalangu pa-nggàduku.

²⁸Jia ba tuna, màtawa ka ta-pamalangungu lai Ala, maa ba tangala-dunyaka welingu lai Nyuna na hau pa-hanganji na manda nggàduku. Màtawa ka ta-pamalangu-nya dàngu ka talumu-nya i Ala, hi tatembi-ya ba dàngu mangàdatu-ndanya, tundunya na paora wiki-mana duna.

²⁹Nadu na Alanda ba beri epi ma-pakàrangu-ya.