Read Kambera 1 YUHANI 1 Bible Online

1 YUHANI 1 - Kambera bible

1 YUHANI 1

¹Na ihina na huratu yiana jiaya na Pulungu na ma-wuangu luri, na Pulungu na mambàda ninya weli mulangu. Nyuma mbàda rongu-manyaka dàngu mbàda ngita wàma-nyaka mata. Nyuma ma-tàngaru-mayaka dàngu mbàda jonggaru wàma-nyaka limama.

²Ba jiaya na pawuwa-ya nuna na luri, maita-mayaka. Nunaya na pakiri-na hi matanggu hakahii-nya nyuma na ngerana nyuna. Hi ma-bobaru-ya lai nyimi na ngerana na luri na ma-palangatàkangu dàngu na ma-palupangu, na maninya anguna i Ama, na pambàda pawuwa lai nyuma.

³Nggàraya na pambàda itama dàngu na pambàda ronguma, jia-mayaka nuna na pa-bobaru-manggai, ka pekuna nyuma angumi nyimi ka ta-kawàra luri pa-mbulungu dàngu i Ama hamanai na Anana i Yehu Karitu.

⁴Nyuma hi ma-tulihu-ya yiana ka pekuna ka ta-kawàra mbaha eti[1] langatàka, wàma.

⁵Yiana jia-yaka na lii na pambàda ronguma welingu la Anana dàngu na pa-patàka-manggai nyimi: I Ala hariiya, dàngu lai Nyuna nda ningu ndokuma duna ma-kapàtangu.

⁶Jàka tapanii nyuta ba luri pa-mbulungu-ndanya dàngu Nyuna, tàka hi luri bia-ndanyai la ma-kapàtangu, ka kambàliku-dunda-nyaka, ka la kareuku-nda ka la paraï pa-rukunda-kai.

⁷Tàka jàka taluri la maharii hama tuna i Ala ba ninya daa la maharii, ka màndungu-duna-nyaka na lurinda, ba ta-panggolu hàmu ha-paangu-nda, tàka na riana[2] i Yehu, Anana, na-paili-ta welingu la njala-ndaka.

⁸Jàka tapanii, ba nda tanjala, panyonga-ndanya wikinda, dàngu nda nianya i Ala daa la etinda nyuta.

⁹Tàka jàka tapeka-ha da njalanda lai Ala, napa Nyuna na-patutu-manya duna na paràndi-na, hi na-palaku-ya jàka nggàraya na mamola. Napa Nyuna najàma-nja da njalanda dàngu hi na-paili-ta welingu la mbuu ndàbada da paruku-nda da manjala.

¹⁰Tàka jàka tapanii, ba nda tanjala, reki-ndanya beringu pa-kambàliku-dunda-nyaka i Ala dàngu nda ta-pakàpa-aya nyuta na puluna i Ala daa la etinda.