Read Kambera DA HAKIMU 17 Bible Online

DA HAKIMU 17 - Kambera bible

DA HAKIMU 17

¹Ninya na haàtu tau mini na ma-tamungu Mika. La ngaba mapalindingu la Epuraïmu-ya na-ndàdiku ningu.

²La hau lodu napanii la inana, “Ina, ba da-mbulangu da 1.100 àmahu baramu, kurongu-kau bau ràtunya na ma-manganga. Yiada-ha ina, da àmahu-mu! Nyunggama ma-manganga-ha,” wàna. Nahema na inana, “Màla àruki ka na-pakanyuru-kau i MIRI, dou na ananggu!” wànanya.

³I Mika na-pabeli-nja nuda da àmahu la inana, hàla hi napanii na inana, “Ka peku hinggilu-mu dou na ananggu welingu la ràtungu na pambàda tikinggu, wotu-ngguhaka ka tanda maraku-ha lai MIRI yiada da àmahu bara ka pandoi wànja kahala hada welingu la ai patapu wànja yiada da àmahu bara. Jia-duya hi ku-pabeli-nja da àmahu lai nyumu,” wàna.

⁴Ba na-pabeli-njaka da àmahu i Mika la inana, piti-nanyaka paraïna na inana dua ngahu kawita welingu la àmahu nuda, hi nawua-ha la mini tuku àmahu bara. Hàla hi na-paràha-nya pa-pandoi hau kahala hada ai patapu wàngu àmahu bara. Tunaka nu hi tuya la umana i Mika nu na kahala hada.

⁵Nyuna duna i Mika mbàda ningu-maka hau ngia pawotu-na maraku. Na pandoi-maka ba nda pirada da kahala hada marapu dàngu na-pandoi-maka hawàla eputu[17] hàla hi na-katua-ya na haàtu na anana mini la paratu.

⁶La rehi nuna na banjaru Ihirailu ndedi ningu hanganji-na, jia hi àtalu eti biana na tau paluri.

⁷La rehi nunambu ninya na haàtu na bidi mini welingu la kabihu Lewi. Àmangu na-ndàdiku la Mbetulehimu la ngàba Yahunda.

⁸Tàka nàhu dunjaku-nanyaka la Mbetulehimu dàngu nàhu lakuna pahimbu ngia pa-ngiangu hauna. Nu ba nalaku tàka-nanyaka la umana i Mika la ma-palindingu la ngaba Epuraïmu.

⁹I Mika na-paàra-nya, “Nyumu nggi taukau?” wànanya. Nahema na tau nuna, “Nyungga tau Lewika welingu la Mbetulehimu la tana Yahunda. Hi kulaku yia lakunggu pahimbu pangia-nggu,” wàna.

¹⁰Nanapa-ya i Mika, “Ndadiku biaka yiahu duna, màta kau tanggu panau-nggàma dàngu kau ratu-nggama. Napa nyungga kuwua-nggau hakambulu àmahu bara nimbihu ndaungu dàngumbu paki dàngu pangangu,” wànanya.

¹¹Nuna na bidi mini Lewi na-patunju-ya, hi na-katua-ya paraïna i Mika ka ratu-nanya. Ndàdiku-nanyaka la umana i Mika, na-anggaraa-ya hama tuna na ana wikina i Mika-maya.

¹³Jia-duyaka i Mika hi napanii, “Nàhu pi-nggunyaka ba na-hamata hàmuka i MIRI, nadu lai nyungga ba ninguka tau Lewi manjadi ratu ndumanggu nyungga,” wàna.