Read Kambera DA HAKIMU 20 Bible Online

DA HAKIMU 20 - Kambera bible

DA HAKIMU 20

¹Ka mai-nanyaka na nggubulu banjaru Ihirailu welingu la Ndàngu la mbara dia lupa la Mbiruhemba la mbara luru, dàngu welingu la Nggiliatu la pahunga lodu, ba da-patutu-nya nuna na dundangu. Pauhi-danyaka hi da-mbulungu hàla la Mihipa la hanggana i MIRI.

²Nggubulu ndàbana tau 400.000-ya na tanatara na mali la wihi. Da ma-kapipi la hau kabihu - hau kabihu Ihirailu màtu ndàbada lai nu.

³Ba talànga tuna nu da tau Mbanyamingu mbàda rongu-madaka, mbuu ndàbana na tau Ihirailu hawiangu ba pauhi-nanya la Mihipa. Ka paàrangu-nanyaka na tau Ihirailu la tau Lewi na pa-pameti kala wihina, “Màla palara-nggamanya na pakiri tumbuna na ma-akatu!” wàdanya. Nahema nuna na tau Lewi, “Nyungga dàngu na kala wihinggu limanya patodu la Nggimbia la ngaba Mbanyamingu.

⁴

⁵Tunaka nu da tau Nggimbia mai-danyaka nu la rudungu pahimbu-ka nyungga. Da-nggupulu-ya na uma ngia patodu-nggu, ka pameti-ya wàdangga, la malamiri rumbaku-danyaka na kala wihinggu hi lupa nameti.

⁶Ka piti-nggunyaka na metina hi kukadi - dipuya, hàla hi ku-pangàndi-nya la hakambulu dàmbu kabihu banjaru-nda, ha-kadipu la hau kabihu - hau kabihu. Hi tunggu nu nadu da tau Nggimbia ba datu-duyaka na hau ma-akatu dàngu na pa-makia wàngu la honga banjaru Ihirailu.

⁷Na, nyimi mbuu ndàbami maninggai lai yiahu tau Ihirailu-kai. Jia ku-kamahi-nggai kai timba ndàbanya,” hi wàna.

⁸Ka handàka ndolaku-madua-daka da tau da ma-pauhi lai nu hi dapanii, “Nyuta mbuu ndàbanda àmbu jia ningudu haàtu mabeli la maü terana jàka ndia la umana.

⁹Yiana-yaka napa na pawàngu: Tawàngu paundi biaya ka pinja da tau da manduma-nya la pa-kaporuku-nya la Nggimbia.

¹⁰Haàtu la hakambulu welingu la mbuu ndàbana na mini Ihirailu lupangu-ma da-paloku-nja pangangu ndumada da malua pa-kangaburungu. Hawiangu napa jia-yaka na malaku pa-kaporuku-nya la Nggimbia ka hukunja rukuna na akatu na pambàda patumbu-da la honga tau Ihirailu,” wàda.

¹¹Tuna nu ba na-pambulungu na banjaru Ihirailu la pa-kaporuku-nya la Nggimbia.

¹²Hàlaka patuna nu na banjaru Ihirailu na-palewa tau la nggubulu ngaba Mbanyamingu la pa-patàka-nya na lii yiana, “Nggàra akatu-ya nu na pa-pandoi-mi?

¹³Pulinja da tau kabularu la Nggimbia ka ma-pameti-ha, nu ba tuna nu ka peku pamolu-manya na ma-akatu welingu la padua Ihirailu,” wàda. Tàka da tau Mbanyamingu nda da-wàrihu-aya na lii welingu la banjaru Ihirailu hawiangu.

¹⁴Tàka welingu la mbuu ndàbada da paraingu la ngaba Mbanyamingu damaiha da tau Mbanyamingu la Nggimbia la pabera-ya na tau Ihirailu hawiangu.

¹⁵La lodu nuna welingu la parai - paraingu-da da-pauhingu tau 26.000 panjuri. Dàngu hinggilu-da nuda na tau na mangia-nya la Nggimbia meha mbàda pa-uhingu-daka tau pihu ngahu tau papindi jua, mbuu ndàbada tau kalai juaha da mamàhi pa-patuku wàngu watu kapitu. Jàka dawàngu kapitu nda da ana handàkangu-ma panjala.

¹⁶

¹⁷La ngaba tau Ihirailu hawiangu, mbàda pa-uhingu-daka tau 400.000 panjuri pambàda pa-rajaku.

¹⁸Da tanatara banjaru Ihirailu dalua la ngia pa-lumungu la Mbetilu, hàla hi da-paàranya i Ala, “Ou Miri, nggi kabihu-yaka welingu lai nyuma na ma-kawunga hadangu palua pa-kaporuku-nya na tau Mbanyamingu?” wàda. Nahema i MIRI, “Na kabihu Yahunda,” wàna.

¹⁹Haromu la mbaru hadangu-danyaka nyuda palaku hi da-pamaü terangu la lihina la paraingu Nggimbia.

²⁰Da-wandalu-ha da juru pabera-da pahangga-nya nuna na paraingu, hàla hi da-kaporuku-nya.

²¹Ka luhu-nanyaka na kanguhuru pabera-na na Mbanyamingu pa-kaporukungu hi lupa tau 22.000-ya na tanatara Ihirailu na pa-pameti-da la lodu nuna.

²²Rukuna nuna na kàkuda, lua-nanyaka na banjaru Ihirailu la ngia pa-lumungu, hi dahii lai nu la hanggana i MIRI lundu rudungu-na. Hi da-paàra-nya i MIRI, “Miri mahili lua-maka bàdi pabera-ha da angu dedima da tau Mbanyamingu?” wàda. Nahema i MIRI, “Wua, milua-wa,” wànanja. Jia-duyaka ba tuna nu na kanguhuru pabera Ihirailu hi dahili karinggatu beli, hi da-wandalu beliya na pambada nyuda hama tuna la kawunga-na.

²³

²⁴Nu pa-nduangu wàngu-danyaka palua pa-kaporuku-nya na kanguhuru pabera-na na tau Mbanyamingu.

²⁵Dàngu nu pa-nduangu wàngu-mananyai duna na tau Mbanyamingu paluhu pa-pabera. La handàka-na yiana da-pameti-ha da tau 18.000 panjuri pambàda pa-rajaku la kanguhuru pabera Ihirailu.

²⁶Ka hili lua-danyaka da banjaru Ihirailu la Mbetilu, la pahii lai MIRI. Lai nu puaha-danyaka lundu rudungu-na dàngu hi dangàndi-nya kameti maraku papeku dàngu kameti maraku patunu i MIRI.

²⁷La rehina nu na Pàti Pa-ràndingu-na i Ala ninya la Mbetilu, i Pineha anana i Eliahàru, umbuku-na i Harungu, na ma-katangu pa-paloku ratu. Ka paàrangu-nanyaka na banjaru Ihirailu lai MIRI, “MIRI, malua-maipa bàdi pahili kaporuku-nja da angu dedima da tau Mbanyamingu, jàka ndia hi lupangu-maka bàdi ma-jiaka-nya yiana na pa-kangaburungu?” wàda. Nahema i MIRI, “Kangaburu-ha nyuna! Haromu hinaka napa hi kuwua-nggai patalu wàngu,” wànanja.

²⁸

²⁹Darongu-yaka nuna na hemana i MIRI, laku-danyaka da tau Ihirailu patuha da tanatara-da la ma-pakambelingu la winggiru paraingu Nggimbia.

³⁰Hàla nu la lodu patailu wàna hi da-kangaburu-ya na kanguhuru pabera Mbanyamingu ba da-wandalu hangganya na paraingu Nggimbia, hama tuna na pawàda la lodu - lodu ma-làpahu.

³¹Da tau Mbanyamingu luhu-madanyai duda pa-kangaburu, ba hiliku-ha paluhu welingu la paraingu. Hama tuna handàka - handàka, pa-kiringu-danyaka pa-pameti-ya na tau Ihirailu la mambila la hambeli paraingu, la ànda ma-hanggangu la Mbetilu dàngu la ànda ma-hanggangu la Nggimbia. Tau tailu kambulu-ya na tau Ihirailu na pa-pameti-da.

³²Jia-duyaka ba tuna nu hi dareki-ya paraï da tau Mbanyamingu ba mbàda hili pakàku-danyaka na tau Ihirailu hama tuna la mangilu-na. Tàka da tanatara Ihirailu mbàda una haha-mada-nyaka duda la pa-kandulingu, ka peku hiliku-ya na tanatara Mbanyamingu ka daluhu la ànda bokulu ka damarau-nya na paraingu.

³³Ba na-kandulingu-ka na pamba karohu-na na Ihirailu, dàngu ba dahili wandalu-ya ka na-pajurungu-da la Mbaàlu-Tamàru, da tau pa-bànjalu-da la winggiru paraingu Nggimbia, manyamalu luhu-danyaka welingu la ngia pa-kapàndi-da la hambeli paraingu.

³⁴Nyuda nu tau papindi-ha welingu la nggubulu Ihirailu, nggubulu-da tau 10.000-ha. Ka pa-kangaburu hàlawàla-madua-danyaka ba da-kaporuku-nyaka la Nggimbia paraï da ma-10.000-da. Da tau Mbanyamingu nda dambuti ndokunya ba nda namandai-apa na kàkuda.

³⁵I MIRI nawua-njaka patalu wàngu da tau Ihirailu la tau Mbanyamingu, hi lupa la lodu nuna da tau Ihirailu da-pameti tau 25.100 tanatara Mbanyamingu.

³⁶Hina-duka da tau Mbanyamingu hi dapinya ba kàku-danyaka. Na pamba karohu-na na tau Ihirailu da-harawuku-ma papalai kahilingu la tau Mbanyamingu, nadu ba ni-dunjaka da pamonu-da da anguda da ma-kapàndi la winggiru paraingu Nggimbia.

³⁷Nuda da tau da ma-kapàndi dahada pare - renggangu hi datama pa-kangaburu-ya la Nggimbia; da-tanyalangu la nggi - nggi daa la paraingu hi da-pameti hàlaya na tau lai nu.

³⁸Tàka mbàda pahama haha-mada-nyaka, jàka ninguka kutu epi timbi ma-kahuluku la padua paraingu,

³⁹na pamba karohu na ma-kandulingu lupangu-ma na-punjilu pambelingu ka da kaporuku-nya na muhu. La rehi nuna da tau Mbanyamingu mbàda pameti-daka tau tailu kambulu tanatara Ihirailu dàngu dareki-ya ba hili pakàku-danyaka na tau Ihirailu hama tuna la mangilu-na.

⁴⁰Tàka hi jia kahuluku biana na kutu epi hu dita welingu la padua paraingu Nggimbia. Ka katàtaku-nanyaka na tau Mbanyamingu ba da-nggilaku-ka dàngu ba daita-yaka na paraingu ba mutungu hàla-nanyaka.

⁴¹Tàka la rehina nunamai da pamba karohu-na na Ihirailu ba natu kabelingu la pa-kangaburu, hi lupa nda dapingu tubada da tanatara Mbanyamingu ba dapi-nyaka ba lupangu-maka dakàku.

⁴²Ba tuna, palai-danyaka welingu la tau Ihirailu hi da-hanggangu la maràda telangu, ba tuna nda peku mara-adapa. Ba nggupulu-madua-danjaka paraï da pamba karohu-na na Ihirailu dàngu da pamba da ma-pamaingu welingu la paraingu. Manda najaru ailulu-ya na pakàku wàda da tau Mbanyamingu.

⁴³Da tau Ihirailu da-nggupulu-ha dàngu hi da-nutaku pangala-nja lupa da-patàka-nja la hau pangia la pahunga loduna la Nggimbia. Nàhu ba dàngu keha-danja, da-pameti-ha da

⁴⁴18.000 panjuri pambàda pa-rajaku welingu la kanguhuru pabera-na na tau Mbanyamingu.

⁴⁵Da tanatara Mbanyamingu hawiangu pa-mbelingu-danyaka hi da-palai li la maràda hanggangu la palindi - palindi watu la Rimungu. Tau 5.000-ya na anguda nyuda da pa-pameti la ànda. Dayaulu pangala-nja hawiangu lundu toma la Nggindiumu.[20] Welingu la tau nuda tau 2.000-ya na pa-pameti.

⁴⁶Ba tuna, da tanatara Mbanyamingu da pa-pameti la lodu nuna ningu tau 25.000-ya mbuu ndàbada panjuri ma-papingi ma-kaborangu-ha.

⁴⁷Tàka welingu la hongada nyuda da mapalai li la maràda hanggangu la palindi - palindi watu la Rimungu, ningu tau nomu ngahuya na mamara. Da-ndàdiku la Rimungu nyuda patu mbua wulangu mandaina.

⁴⁸Tunaka nu beli-danyaka da tau Ihirailu, hàla hi da-kaporuku-nja dàngu hi da-pameti-ha mbuu ndàbada da ma-kanjepi la tau Mbanyamingu — mini, kawini, anakeda dàngu da bandambu. Mbuu ndàbada da paraingu la ngaba lai nu dahulu hàlaha.