Read Kambera 3 YUHANI 1 Bible Online

3 YUHANI 1 - Kambera bible

3 YUHANI 1

¹Oi Angu dedi Nggayu pa-mbuhangu! Nyungga, liku uru kabungguru, na mambuha langatàka-nggau,

²ku-hamayangu mili àru nyumu Angu dedi ka àmbu nggàra ehimu dàngu mbuu ndàbada da angumu ka ha-hàmu-danyaka, hama tuna ba nahàmu na ndewamu.

³Kanjupu hamuya na etinggu ba jiaya na tàkada ba tau mapira-ha da angunda patau Karitu ba da-paihi-ngga rukumu nyumu ba lalu mbana tuturu-kau lai Ala na ma-deningu, nadu nyumu ba daingu-mana dumu bau luri tundunja da lii pa-ajaru-na i Ala.

⁴Nda ningu marihi pambaha-ya na etinggu, welingu la parongu-ha da rukuda da ananggu ba daluri tundunya na lii pa-ajaru-na i Ala.

⁵Angu dedi! Nyumu angu dedi lalu tuturu-kau la paràma-ha da pa-paloku-mu ndumada da angumu patau Karitu, jiapa da pandedi tandamu-kadu, bau inga-mbuha.

⁶Nyuda da-pabanjaru wà-manyaka la kabungguru pangia-ma na ruku mbuhangu-mu. Ndula àruha nyuda ka peku pangalangu-da la ngia palaku-da, ba tumu nu nahàmu wànya na etina i Ala,

⁷nadu nàhu ba dalaku la palumu-nya i Karitu, nyuda nda da-ngalangu-a ngga - nggàra pa-ndulangu welingu la tau na manda tandaya i Ala.

⁸Jia ba tuna, nyuta tau Karitu ta-kawàra pa-ndulangu bàdi dàngu angunda patau Karitu matungu nu, ka peku tundungu-ndai duta la pa-rukangu-da la pa-bobaru-ya na lii pa-ajaru na ma-deningu welingu lai Ala.

⁹Mbàda tulihu-nggunyaka hawàla huratu kababa na kabungguru, tàka i Ndiutarepihu na ma-rinjungu la paliku uru la kabungguru nda nabihu patundu-ngga nyungga.

¹⁰Napa jàka kumai, ka ku-bunggahu hàlaha mbuu ndàbada da paraï paruku-na, nu na rukuda da ma-akatu dàngu da kambàliku patiki-na rukuma nyuma! Tàka nuda mbuu ndàbada ndedi jiaka-a lai nyuna. Ba jiaya na tàkada da angunda patau Karitu, nyuna nda nabihu-a panggepi-ha. Màlai ba nahiri-mbunja da tau hawiangu da ma-mbuhangu panggepi-ha nuda da angu dedinda dàngu na paràha-nja nuda da tau paluhu welingu la kabungguru!

¹¹Angu dedi pa-mbuhangu, àmbu kikungu-du maànga. Tàka màta kau kikungu mahàmu. Na tau na mahàmu rukuna jiaya na manguna i Ala. Tàka na tau na ma-akatu rukuna ndedi natanda-aya i Ala.

¹²Mbuu ndàbada da tau dawotu-nya i Ndemitiriu. Jiapa i Alambu nawotu-nya nyuna. Nyumambu mawotu-nya nyuna, dàngu mupi-manya nyumu Angu dedi, jàka nggàraya na pa-patàka-ma nyuma ba ràka pawaiya.

¹³Dadangu-mapa làti da pawuku-nggu la pa-patàka-nggunggau, tàka ba kureki-ya nahàmu-pa ka àmbu kutuha la huratu.

¹⁴Ku-monungu nda nahilu mandai-apa ba ta-patàbuku, dàngu napa ka ta-papapa ngarungu.

¹⁵Mili àru i Miri ka na-pakanyuru-kau Angu dedi. Da angumu da maninja la pangia-nggu nyungga yiahu, da-pangàndi-nggau lii malangu. Patàka-nya na lii malanggu la nimbihu-da da angunda.