Read Kambera PABOWANGU 17 Bible Online

PABOWANGU 17 - Kambera bible

PABOWANGU 17

¹Hàlaka nu na haàtu welingu la papalewa mapihu da ma-katangu pihu kanaingu namai lai nyungga, “Mai, ka ku-paita-nggau nyumu jàka nggikina na bai kawini pahunda bokulu tiangu ba hukunya, nu na paraingu bokulu na pawulu la karaha-da da luku.

²Da hanganji pinu tana da-njuraku-danya nyuna, dàngu na tau na ma-ngiangu la pinu tana da-maüku wànyaka paraï paunu-nya na angguru njuraku-na,” wàna.

³Hàla harua-nanggaka paraïna Ngahuna i Ala, dàngu nuna na papalewa karia-nanggaka la maràda telangu. Lai nu nyungga ita-nggunyaka na haàtu na kawini na ma-mandapu la heu banda na marara kàtungu, dàngu na mambinu wàngu tamu pa-tulihu, nu da tamu pa-paaka wànya i Ala. Na banda nuna pihuda da katiku-na dàngu hakambulu-da da kaduna.

⁴Na kawini nuna napaki kalembi rara atu mitingu dàngu rara kàtungu, hi pa-mananda wànya àmahu rara hangia - hangia dàngu watu mata tawuru dàngu mutiara. La limana na-katangu hau kaba àmahu rara na mambinu wàngu manda hida dàngu ma-iraku ruku njuraku-na.

⁵La kaba matana pa-tulihu-nya hau tamu, na ihina pa-kàpingu-ya. Na tamu nuna jia-duyaka “Mbambilu Bokulu, na inada mbuu ndàbada da ma-pahunda dàngu da ma-kabularu la pinu tana,” wàna.

⁶Hàla hi kuita-ya nuna na kawini ba na-maüku wàngu wai ria banjaru-na i Ala dàngu wai riada da tau pa-pameti ruku tuturu-da lai Yehu. Ba kuita-yaka nuna na kawini, ngàtaru wànggu biaka.

⁷Hàla hi napanii-ngga na papalewa, “Ka nggikina nyumu hiu hangàtaru? Màta ka kupeka-nggau na pa-kàpingu rukuna na tau kawini dàngu na banda pa-kaliti-na, nu na banda na mapihu katiku-na dàngu na ma-hakambulu kaduna.

⁸Na banda nuna àmangu naluri-mapa, nàhu nyuna nda naluri-apa. Nyuna napa tiangu-ki naluhu welingu la rokapu meti hi nalaku hanggangu la ngia pa-làjaru. Da tau da maluri la pinu tana, na manda ningu tamungu daa la Mbuku Tamu Tau Luri ba ndedimbu pa-padika-nya yiana na pinu tana, napa da-hangàtaru-maka duda ba daita-ya nuna na banda. Nadu na banda nuna àmangu ba naluri-dupa. Nàhu nyuna nda naluri-apa, tàka napa nahilu mumuku beli.

⁹La ngerana yiana ningu-maka bàdi pingu dàngu kanandingu ma-jàngapu. Da pihu mbua katiku jia-duhaka da pihu mbua tandula; nu da tandula ngia pa-mandapu-na na kawini nuna. Dàngu da pihu mbua katiku nuda jia-mbuha da pihu hanganji:

¹⁰da malima welingu lai nyuda da-hanggubalu-ka, na haàtu pareta-nanyapa, tàka na haàtu nàmu-nyapa. Jàka namaika napa, nda pira mandai ana ba na-pareta.

¹¹Tàka na banda na maninya àmangu tàka nàhu nda ninyapa, jia-duyaka na hanganji na pawalu wàda. Nyuna jia-mbuya na haàtu welingu la hanganji mapihu, nàhu laku-nanyaka hanggangu la molungu.

¹²Da hakambulu kadu da paita-mu jia-duhaka da hakambulu hanganji da mandedi pakiringu la pa-pareta. Tàka nyuda napa pa-wuangu-ha kuaha la pa-pareta la mandapu hanganji-da hi da-pareta dànya nuna na banda hau njàmu mandaina.

¹³Da hakambulu hanganji yiada mbuu ndàbada ningu pawukuda ma-pahama; nyuda mbuu ndàbada dapuli-nya na àtalu-da dàngu na kuaha-da la banda nuna.

¹⁴Nyuda napa da-pabera lawanya na Ana Mbimbi. Tàka na Ana Mbimbi dàngu da makiku-nya da ma-tuturu da pambàda paauna dàngu da papindi-na napa datalu-ha nuda da hanganji, nadu Nyuna ba Mirida da miri mbuu ndàbana, dàngu Hanganji-da da hanganji mbuu ndàbana,” wàna.

¹⁵Na papalewa nuna napanii-mbu, “Nuna na wai na paita-mu, na ngia pa-mandapu-na na kawini pahunda, jia-duhaka: da banjaru, da rayatu, da nanggara dàngu da hilu.

¹⁶Da hakambulu kadu da paita-mu dàngu nuna na banda da-karaü-nya eti napa nuna na kawini pahunda. Napa nyuda daramba hàlanja da pamangu-na dàngu hi da-pakalulu-ya. Napa nyuda danganya na toluna dàngu hi da-patàlaru wànya epi.

¹⁷Nadu i Ala ba najuju-duhaka da etida la pa-palaku-ya na pa-pakaka-na i Ala. I Ala nairu-ha hi lupa da-pahamangu la papuli-nya na kuaha-da la banda nuna, ka na-pareta nuna na banda hi lupa na-hàrangu na papanii-na i Ala.

¹⁸Nu na kawini na paita-mu jia-duyaka na parai bokulu, na ma-pareta-ha da hanganji la pinu tana,” wàna.