Read Kapampangan Psalms 124 Bible Online

Psalms 124 - Kapampangan bible

Psalms 124

¹Nung ing Ginu e ya migpanig kekatamu, nanu kaya ing mepalyari? Makibat ka ngeni, O Israel!

²Nung e na katamu penigan ning Ginu inyang ding kalaban lisuban da katamu,

³magkang penakmul da ka tamung mabie, uling maragul ing kasbu da kekatamu;

⁴ing agus ning albug tiki na katamu sa at pepalbug,

⁵linumud na kata sa ning mabilis a agus.

⁶Pasalamatan ta ya ing Ginu; e na peintulut ing pamuksan da katamu ding kalaban.

⁷Anting ayup miligtas tamu king inumang dang bitag; mesira ya ing bitag at miligtas tamu.

⁸Ing saup tamu atyu king lagyu ning Ginu, ing linalang king banua at yatu.