Read Kapampangan Psalms 82 Bible Online

Psalms 82 - Kapampangan bible

Psalms 82

¹Ing Dios ya ing manimuna king kapulungan karin banua, king kapulungan da ring dios nganang minieng kayatulan:

²Ing pamanatul yung alang katuliran kekayu nang ituknang, at tuknangan yu na lang papanigan ding taung alang kayapan!

³Ibie yu ing katuliran da ring kalulu at ding ulila; ibie yu ing mangaintulid karing mangailangan at karing alang akarapat.

⁴Sagipan yu la king upaya da ring taung e mayap!

⁵Kamangmangan yo! Ala kayung balu! King karalumduman karin kayu manuknangan, at ing hustisia keti king yatu mewala na.

⁶Ngaku kekayu, Ikayu dios kayu; anak na kayu ngan ning Kakataskatasan a Ginu,

⁷makanyan man mate kayu antimong tau; antimo ing anak ning ari, miwakasan munaman ing bie yu.

⁸Talakad ka, O Dios, at yatu keka yang atulan, uling ding sablang bansa keka la naman.