Read KapsikiDC Gha ta Wəshi 10 Bible Online

Gha ta Wəshi 10 - KapsikiDC bible

Gha ta Wəshi 10

¹Kwetere wəmbəa yɛmə nya wəba ne, pa ŋwalea Nowɛ, Sɛm, Sham ba'a Zhafɛt yake ŋwale tezhili. Wa nyi sləa hwelefefi nyi kesawa mbe hɛ nyi:

²Ŋwalea Zhafɛt: Gomɛr, Magog, Maday, Yavan, Təwbal, Mɛshɛk ba'a Tiras.

³Ŋwalea Gomɛr: Ashekɛnaz, Rifat ba'a Togarma.

⁴Ŋwalea Yavan: Ɛlisha, Tarsis, Kitim ba'a Rodanim.

⁵Shave mbe hɛ shavenji mbeli nyi dzeyi mɛa hələ, kehɛɗi kehɛɗi nehemte geva hɛ kala ghena ta nci ba'a yita ta nci kehwelefe kehwelefe.

⁶Ŋwalea Sham: Kəwsh, Misrayim, Pəwt ba'a Kanan.

⁷Ŋwalea Kəwsh: Sɛba, Havila, Sabta, Ragma ba'a Sabtɛka. Ŋwalea Ragma: yɛ Saba le Dɛdan.

⁸Kəwsh ya kayiteyɛa Nɛmrod nya keghate kase kakatsala te hɛɗi.

⁹Kande zlɛaŋezlɛa nya kwele se Nɛmrod kwa kema ta Mahwətə. Vatse gɛ, ma ke mbeli gezete: «Nde zlɛaŋezlɛa nya kwele kwa kema ta Mahwətə kala Nɛmrod.»

¹⁰Ma meleme nyi jama jama te hɛɗia ŋkɛ ne, Babɛl, Ɛrɛk, Akad ba'a Kalnɛ nyi te hɛɗia Shinɛyar.

¹¹Pa Nɛmrod slənyɛ te hɛɗia shɛ kadzembe Asiri, pa ŋkɛ ŋate meleme ta yɛ Ninive, Rehobot-Ir, Kɛla

¹²ba'a Rɛsɛn kwelɛ yɛ Ninive le Kɛla nya kameleme nya wəba.

¹³Misrayim ya kashia ka Ləwd, ka Anɛm, ka Lehab, ka Naftəw,

¹⁴ka Patros, ka Kasləw nyi kaka shihɛnyɛa ka Filisti ba'a ka Kaftor.

¹⁵Kanan ya kayitenyɛa Sidon nya katezhɛa wəzege ta ŋkɛ ba'a Hɛt

¹⁶nya kashia ka Zhɛbəs, ka Amor, ka Girgash,

¹⁷ka Hava, ka Ark, ka Sin,

¹⁸ka Arvad, ka Semar ba'a ka Hamat. Kwetere wəmbəa ŋkɛ ne, kwetɛ kwetɛŋe ka yitehɛ ta ka Kanan peslenji,

¹⁹ma hɛɗia nci ne, se mbe Sidon kadzawa laka Gɛrar hwa'a mbe Gaza, laka yɛ Sodome, Gomore, Adma le Seboyim hwa'a mbe Lɛsha.

²⁰Tsetse se ŋwalea Sham nyi kenehemte geva mbe kwambelə kala ghena ta nci te hɛɗia nci kehwelefe kehwelefe.

²¹Nahe Sɛm, wəza meghekɛa Zhafɛt nya kwele keyake ŋwale tezhili perə. Gheŋkɛ ya kashia yɛ Ɛbɛr le ŋwale nyi yake ŋkɛ.

²²Ŋwalea Sɛm: Ɛlam, Asəwr, Arpaksad, Ləwd ba'a Aram.

²³Ŋwalea Aram: Əws, Həwl, Gɛtɛr ba'a Mash.

²⁴Arpaksad ya kayiteyɛa Shɛla, Shɛla ya kayiteyɛa Ɛbɛr.

²⁵Ŋwale tezhili bake yake Ɛbɛr: Pɛlɛg sləa nde ghate, gezete ta ŋkɛ “Nehe geva mbe” kwa nza ŋkɛ ma mbe vəa ŋkɛ ne, nahe mbeli nyi te hɛɗi kenehemte geva mbe. Nahe slə wəza meghekɛ kenza kaYoktan.

²⁶Yoktan ya kayiteyɛa Almodad, Shɛlɛf, Hasarmavɛt, Yɛra,

²⁷Hadoram, Əwzal, Dikla,

²⁸Obal, Abimayɛl, Saba,

²⁹Ofir, Havila ba'a Yobab. Nahe hɛ kenza pɛtɛa nci kaŋwalea Yoktan.

³⁰Pa hɛ nzanji kwelɛ yɛ Mɛsha le ŋkwa nya hwa ghweme ta Sefar, laka ŋkwa kesame ta veci.

³¹Tsetse se ŋwalea Sɛm nyi kenehemte geva mbe keyita keyita ba'a kala ghena ta nci te hɛɗia nci, kehwelefe kehwelefe.

³²Tsetse se ka yitehɛ nyi yake ŋwalea Nowɛ kala sləa sebe ta nci kehwelefe kehwelefe. Shave mbe hɛ shave mbeli nyi kepesleyi geva kwetɛ kwetɛŋe te hɛɗi kwa sebe ta yɛmə nya wəba.