Read KapsikiDC Gha ta Wəshi 36 Bible Online

Gha ta Wəshi 36 - KapsikiDC bible

Gha ta Wəshi 36

¹Wa nyi sləa hwelefefia Ɛzawə nya kaƐdom nyi.

²Pa Ɛzawə wəmeve ŋwalea kwɛa ka Kanan: yɛ Ada, wəzha ta Ɛlon nya kande Hɛt le Oholibama, wəzha ta Ana ba'a hwelefe ta Sibɛyon, nde Hava.

³Pa ŋkɛ zhɛne kawəmeve Basmat, wəzha ta Ismayɛl, wəzha ta meghekɛa Nebayot.

⁴Bawe Ada yake nda Ɛlifaz ke Ɛzawə. Pa Basmat yake nda Rɛwəyɛl.

⁵Ma Oholibama ne, yɛ Yɛyəwsh, Yalam le Kora yayake nda nde. Nyi ya kaŋwale nyi yake Ɛzawə te hɛɗia Kanan.

⁶Pa Ɛzawə fəte mia ŋkɛ, ŋwale tezhili ba'a ŋwalea kwɛa ŋkɛ, ka mene slene ta ŋkɛ pɛtɛ, wəshi keseɗa ta ŋkɛ nyi ɓɛhwɛ ɓɛhwɛ ba'a nyi jama jama. Pɛtɛ ŋkɛ fəte mcɛlə nyi kemave ŋkɛ te hɛɗia Kanan. Cape ŋkɛ kadzete kwete hɛɗi cakeɗake yitea wəza meghekɛ Zhakob.

⁷Kwele kwele wəshi va hɛ, vatse shɛma hɛ nza te ŋkwa nya kwetɛŋe. Keɓɛhwɛ hɛɗia shɛ kezha zeme nda gwəzə ke wəshi keseɗa ta nci.

⁸Tsagha se ŋkɛ nda nzanyɛ Ɛzawə nya heka mbeli kaƐdom hwa ghweme ta Sɛyir.

⁹Wa nyi sləa hwelefefi nyi kesawa mbe Ɛzawə nya kashia ka Ɛdom nyi kese pelɛ ghweme ta Sɛyir nyi.

¹⁰Sləa ŋwalea Ɛzawə: Ɛlifaz nya kawəzege teza nya yake male ta ŋkɛ Ada, Rɛwəyɛl nya kawəzege teza nya yake male ta ŋkɛ Basmat.

¹¹Ma ŋwale tezhili nyi yake Ɛlifaz ne, Tɛman, Omar, Sefo, Gatam ba'a Kenaz.

¹²Nahe kwete male meghwa nya nza slə kaTimna kese yitea Ɛlifaz, wəzege ta Ɛzawə perə. Nahe nde keyake nda kwete wəzege teza nya nza sləa ŋkɛ kaAmalɛk. Nyi ya kahwelefefia yɛ Ɛzawə le male ta ŋkɛ Ada.

¹³Ma ŋwale tezhili nyi yake Rɛwəyɛl ne, Nahat, Zɛra, Shama ba'a Miza. Nyi ya kahwelefefia yɛ Ɛzawə le male ta ŋkɛ Basmat.

¹⁴Ma Oholibama nya kawəzha ta Ana ba'a hwelefe ta Sibɛyon le ŋa nta ne, Yɛyəwsh, Yalam ba'a Kora yayake nda nde ke Ɛzawə.

¹⁵Wa nyi mbeli nyi te ghə mbe hwelefefia Ɛzawə nyi: hwa ŋwale tezhilia Ɛlifaz nya katezhɛa wəzege ta Ɛzawə ne, Tɛman, Omar, Sefo, Kenaz,

¹⁶Kora, Gatam ba'a Amalɛk. Ghenci ya kambeli nyi te ghə hwa ŋwalea yɛ Ɛlifaz le Ada te hɛɗia Ɛdom.

¹⁷Mbeli nyi te ghə hwa ŋwalea Rɛwəyɛl, wəzege ta yɛ Ɛzawə le Basmat te hɛɗia Ɛdom: Nahat, Zɛra, Shama ba'a Miza.

¹⁸Ma yɛ Yɛyəwsh, Yalam le Kora nyi kambeli nyi te ghə ne, ŋwale tezhilia yɛ Ɛzawə le male ta ŋkɛ Oholibama nya kawəzha ta Ana hɛ.

¹⁹Nyi ya kambeli nyi te ghəa ka Ɛdom nyi kahwelefe ta Ɛzawə.

²⁰Wa nyi ŋwalea Sɛyir, nde Hor nyi keghate kanza te hɛɗia shɛ nyi: Lotan, Shobal, Sibɛyon, Ana,

²¹Dishon, Ɛsɛr ba'a Dishan. Ghenci ya kambeli nyi te ghəa ka Hor, ŋwale tezhilia Sɛyir te hɛɗia Ɛdom.

²²Yɛ Hori le Hɛman ya kaŋwale tezhilia Lotan. Timna ya kawəzha ta meghekɛa Lotan.

²³Wa nyi ŋwale tezhilia Shobal nyi: Alvan, Manahat, Ɛbal, Shefo ba'a Onam.

²⁴Wa nyi ŋwale tezhilia Sibɛyon nyi: yɛ Aya le Ana. Ana shɛ nde ntsate ɗasle kwamte te ɓerama kwa nza ŋkɛ kaya kwara lɛməa yitenyɛ Sibɛyon.

²⁵Wa nyi ŋwale Ana nyi: yɛ Dishon le Oholibama nya kawəzha makwa.

²⁶Wa nyi ŋwale tezhilia Dishon nyi: yɛ Hɛmdan, Ɛsheban, Itran le Keran.

²⁷Wa nyi ŋwale tezhilia Ɛsɛr nyi: yɛ Bilehan, Zavan le Akan.

²⁸Wa nyi ŋwale tezhilia Dishan nyi: yɛ Əws le Aran.

²⁹Wa nyi mbeli nyi te ghəa ka Hor nyi: Lotan, Shobal, Sibɛyon, Ana,

³⁰Dishon, Ɛsɛr ba'a Dishan. Ghenci ya kambeli nyi te ghəa ka Hor kala yita ta nci te hɛɗia Sɛyir.

³¹Wa nyi kameghe kɛfi nyi kese nyi pelɛ pasla ta ka Ɛdom tewə meghe kenaka kadzehwa ka Israyɛl:

³²Nahe Bɛla, wəzege ta Bɛyor kese kameghe mbe Ɛdom, Dinaba sləa meleme ta ŋkɛ.

³³Ma kwa mtenyɛ ŋkɛ ne, Yobab, wəzege ta Zɛra nya kande Bosra nde kelete meghea ŋkɛ.

³⁴Ma kwa mtenyɛ Yobab ne, Həwsham nya kande hɛɗia Tɛman nde kelete meghea ŋkɛ.

³⁵Ma kwa mtenyɛ Həwsham ne, Hadad, wəzege ta Bɛdad nde kelete meghea ŋkɛ. Gheŋkɛ nde ɗate ka Madiyan te gamba ta ka Mowab. Avit sləa meleme ta ŋkɛ.

³⁶Ma kwa mtenyɛ Hadad ne, Samla, nde meleme ta ka Masrɛka nde kelete meghea ŋkɛ.

³⁷Ma kwa mtenyɛ Samla, Shawəl, nde Rehobot nya mɛa hələ nde kelete meghea ŋkɛ.

³⁸Ma kwa mtenyɛ Shawəl, Ba'al-Hanan, wəzege ta Akbor nde kelete meghea ŋkɛ.

³⁹Ma kwa mtenyɛ Ba'al-Hanan, wəzege ta Akbor ne, Hadar nde kelete meghea ŋkɛ. Paəw sləa meleme ta ŋkɛ. Mɛtabɛyɛl, wəzha ta Matrɛd ba'a hwelefe ta Mɛ-Zahab sləa male ta ŋkɛ.

⁴⁰Wa nyi sləa mbeli te ghəa ka Ɛdom keyita keyita ba'a kemeleme kemeleme nyi: Timna, Alva, Yɛtɛt,

⁴¹Oholibama, Ɛla, Pinon,

⁴²Kenaz, Tɛman, Mibsar,

⁴³Magdiyɛl ba'a Iram. Nyi ya kambeli nyi te ghəa ka Ɛdom keŋkwa keŋkwa te hɛɗia nci. Ɛzawə ya kashia ka Ɛdom.