Read KapsikiDC 1 Wəshi nyi Mene Ka Meghe 26 Bible Online

1 Wəshi nyi Mene Ka Meghe 26 - KapsikiDC bible

1 Wəshi nyi Mene Ka Meghe 26

¹Te ŋa nci wəvəsə ka ya degha perə. Meshɛlɛmiya wəzege ta Korɛ shia Abiyasaf, nya kwa yita ta Korɛ ne,

²ŋwale tezhili mberefaŋe yake ŋkɛ. Wa nyi sləa nci nyi kekwele kekwele kaya: Zakari, Yɛdiyayɛl, Zɛbadiya, Yatniyɛl,

³Ɛlam, Yohanan le Ɛliyohɛnay.

⁴Ŋwale tezhili deghese yake Obɛd-Ɛdom. Wa nyi sləa nci nyi kadzeyite kadzeyite: Shemaya, Yozabad, Yowa, Sakar, Netanɛyɛl,

⁵Amiyɛl, Isakar le Pɛwəltay. Kwa nza ŋkɛ ne, na Shala kewəpikɛ Obɛd-Ɛdom.

⁶Ma Shemaya, wəzege teza nya kwelea ŋkɛ ne, ŋkwa kenza kanyi jama yaŋ'wete ŋwale tezhilia ŋkɛ mbe yita ta nci kwa nza nde kaka katsala kɛfi se hɛ.

⁷Ma ŋwalea Shemaya ne, yɛ: Otni, Refayɛl, Obɛd le Ɛlzabad, tsagha kweci ka kesaka yiteyɛa nci Ɛlihəw le Semakiya, pɛtɛa nci bake kambeli nyi nza zləvə te hɛ tekeleke.

⁸Ma hwelefefia Obɛd-Ɛdom nyighɛ zlaɓe le ŋa nci ŋwale ba'a ka menəhɛ ne, kaka katsala kɛfi se hɛ pɛtɛ kwa nza ŋkɛ le berete mbe ŋa nci slene. Ŋkwaŋemsə bakeghəmbe hɛ pɛtɛa nci.

⁹Ma wəvəsəa yɛ Meshɛlɛmiya jikə le ŋwalea ŋkɛ ba'a ka kesaka yitenyɛ ne, meŋe degheseghəmbe zhili nyi kaka katsala le zləvə.

¹⁰Ŋwale tezhili wəfaɗe yake Hosa nya kwa yita ta Merari: Shimri nde ghate mbe yita. Yitenyɛ nde veyi tsagha ya kwela ɗema ŋkɛ kande ghate ta wəzege,

¹¹Hilkiya nde dzete, Tebaliya nde mahekene, Zakari nde wəfaɗe. Ma wəvəsəa Hosa, ŋwale tezhilia ŋkɛ ba'a ka kesaka yitenyɛ ne, meŋe mahekeneghəmbe zhili.

¹²Ma mbeli nyi te ghəa mbeli le kweci mbeli nyi mbe wəvəsəa ka ya mɛa degha ne, jikə mene slene ta nci hɛ ki ghɛ Mahwətə.

¹³Nahe hɛ kenehehwe mɛa ŋkwa nyi ya hɛ le sla kwasheghediɗi kala nza ta hwelefe, megelɛgeshi le meha mehɛɗi kanya kwetɛŋe.

¹⁴Pa kwasheghediɗi ntave Shɛlɛmiya kanza mɛa mɛ degha nya laka ŋkwa kesame ta veci. Ma wəzege ta ŋkɛ Zakari nya kande ntsehwele ntsehwele ne, mɛ degha nya laka bela kwa gwela nde ndeke nda geva.

¹⁵Mɛa degha nya laka bela kwa zeme ya va Obɛd-Ɛdom, ma ŋwale tezhilia ŋkɛ, cɛ ketsene wəshi ya va hɛ.

¹⁶Yɛ Shəwpim le Hosa ka ya mɛa cɛ nya laka ŋkwa kepəkwə ta veci ba'a mɛa degha ta Shalɛkɛt nya kepele geva laka hweŋkwa nya pelɛ ghəa ŋkwa. Ma ka ya mɛa cɛ nyighɛ ne, kala nya neheve geva hɛ:

¹⁷Laka ŋkwa kesame ta veci ne, ŋkwaŋe nza ka Lɛvi kavəghwə mɛa degha. Wəfaɗe mɛa mɛa cɛ nya laka bela kwa gwela kavəghwə. Wəfaɗe mɛa mɛa cɛ nya laka bela kwa zeme kavəghwə. Bake wəvəsəa mbeli bake bake mɛa cɛ nyi tsene wəshi mbeli mbe,

¹⁸ma kaŋa kwete cɛ nya kejive laka ŋkwa kesame ta veci, wəfaɗe zhili kwa hweŋkwa ba'a bake mbe cɛ mbe cɛ.

¹⁹Tsagha se wəvəsəa ka ya mɛa cɛ nyi tsehave mbeli mbe hwelefe ta yɛ Korɛ le ŋa Merari.

²⁰Kweci ka Lɛvi ne, mcɛlə nyi mbe ghɛa Shala ba'a kweci wəshi nyi keveyi geva kaŋa Shala, nyi ve nda mbeli yanewe ghweme hɛ te.

²¹Hwelefe ta Ladan nyi kwa yita ta Gɛrshom, kambeli nyi te ghəa mbeli keyita keyita ne, yɛ Yɛhiyɛli,

²²ba'a ŋwalea Yɛhiyɛli, Zɛtam le wəza meghekɛ Zhowɛl. Ghenci ka se te ghəa mcɛlə nyi mbe ghɛa Mahwətə.

²³Ma kaŋa yita ta Amram, ŋa Isakar, ŋa Hɛbron ba'a ŋa Əwziyɛl ne,

²⁴Shebəwɛl nya kahwelefe ta Gɛrshom nya kawəzege ta Moyize ya kawəndə nya kwele nya kenewe ghweme te mcɛlə.

²⁵Ma hwa ka menəhɛnyɛ nyi mbe hwelefe ta Ɛliyɛzɛr, wəza meghekɛ Gɛrshom ne, kweci mbeli ya shɛ: Rehabiya wəzege ta Ɛliyɛzɛr, ba'a yɛ Yeshaya, Yoram, Zikri le Shelomit.

²⁶Shelomit ba'a ka kesaka yitenyɛ nde se te ghəa wəshi nyi veyi meghe David kaŋa Shala laka ka meghe nyi mbe yita, laka ka meghe nyi te ghəa ka sewajɛ slibə, laka kweci ka meghe nyi te ghəa ka sewajɛ gwəmsə ba'a laka kweci meghea ka sewajɛ.

²⁷Nahe mbelia shɛhɛ keveyi kweci bela ta mcɛlə nyi fəke mbeli hwa mpa kaŋa Shala kezha hi ghɛa Mahwətə le.

²⁸Pɛtɛ wəshi nyi keveyi geva kaŋa Shala laka yɛ nde mɛ ŋkwa Saməyɛl, Sawəl wəzege ta Kish, Abnɛr wəzege ta Nɛr le Zhowab nya nza meghekɛ kaSerəwya ne, te dzeve ta yɛ Shelomit hɛ le ka kesaka yitenyɛ.

²⁹Ma yɛ Kenaniya le ŋwale tezhilia ŋkɛ mbe hwelefe ta Isar ne, ghenci ya kaka rafe wəshi ba'a kaka meha ghwə.

³⁰Yɛ Hashabiya le kweci ka katsala 1.700 mbe yita ta Hɛbron ne, ghenci ya te ghəa hɛɗia ka Israyɛl nya laka ŋkwa kepəkwə ta veci yitea hələa Zhəwrdɛŋe. Ghenci ka se te ghəa wəshi pɛtɛ, nyi kaŋa slene ta Mahwətə le nyi kaŋa meghe.

³¹Yeriya nde se kameghe mbe yita ta ka Hɛbron. Ma te kwa wəfaɗe ta va ta David te meghe ne, pa sepate nza ta hwelefe nya mbe yita shɛ. Nahe mbeli kesepate kweci mbeli nyi kaka katsala nyi kwa Yazɛr mbe Gala'ad.

³²Pa meghe David tsehave mbeli 2.700 mbe yita shɛ, pɛtɛ kaka meghe nyi mbe yita, kezha nza te ghəa wəshi nyi kaŋa Shala ba'a nyi kaŋa meghe te hɛɗi nya nza hwelefe ta yɛ Rəbɛn, ŋa Gad ba'a bela ta hwele ta Manasɛ, nya laka ŋkwa kesame te veci.