Read KapsikiDC 1 Wəshi nyi Mene Ka Meghe 4 Bible Online

1 Wəshi nyi Mene Ka Meghe 4 - KapsikiDC bible

1 Wəshi nyi Mene Ka Meghe 4

¹Hwelefe ta Zhəwda: Pɛrɛs, Hɛsron, Karmi, Həwr le Shobal.

²Rɛyaya, wəzege ta Shobal yitenyɛa Yahat, Yahat yitenyɛa yɛ Ahwəmay le Lahad. Ghenci ka shihɛnyɛa ka yita nyi mbe Sora.

³Wa nyi hwelefe nyi keŋslete Ɛtam nyi: Zhizrɛyɛl, Ishema le Idbash. Haslɛlponi sləa wəzha ta megheyɛa nci.

⁴Panəwɛl nya keŋslete Gedor le Ɛzɛr nya keŋslete Həwsha ne, ŋwalea Həwr nya katezhɛa wəzege ta Efrate ba'a nya keŋslete Bɛtelɛhɛm hɛ.

⁵Mi bake ka se va Ashehəwr nya keŋslete Tɛkowa, sləa nci ne, Hɛla le Na'ara.

⁶Ŋwale tezhili wəfaɗe yake nda Na'ara: Ahwəzam, Hɛfɛr, Tɛmni le Ahashetari.

⁷Ma Hɛla ne, mahekene yave nda nde: Sɛrɛt, Sohar le Ɛtnan.

⁸Kos yitenyɛa yɛ Anəwb le Sobɛba, hwelefe ta ŋkɛ yɛ yita ta yɛ Aharɛhɛl, wəzege ta Harəwm.

⁹Yabɛs nde se kawəndə nya nza zləvə te za ma ke ka kesaka yitenyɛ. Va nya sahwe yaka meghekɛ yite kwele kwele te və nya ya ŋkɛ nda ndeke nda slə nde kaYabɛs.

¹⁰Pa Yabɛs səkwəte Shala ta ka Israyɛl, ma ke: «Ma kewəpikɛ ɗa na kambakete ɗa hɛɗia ɗa, kənəa 'ya tenza dzeve ta ŋa kaya ɗa, cakeɗake tenza ndiremi nya te 'ya ba'a yaka ta ɗa!» Pa Shala yipəte nda wəsə nya 'yɛwete ŋkɛ.

¹¹Kɛləwb wəza meghekɛa Shəwha yitenyɛa Mɛhir, Mɛhir yitenyɛa Ɛsheton,

¹²Ɛsheton yitenyɛa yɛ Bɛt-Rafa Pasɛya le Tehina. Tehina nde ŋslete meleme ta ka Nahash. Ghenci hwelefe nyi kese mbe Rɛka.

¹³Ŋwale tezhilia Kenaz: Otniyɛl le Seraya. Ŋwale tezhilia Otniyɛl: yɛ Hatat le Mɛyonotay.

¹⁴Mɛyonotay yitenyɛa Ofra. Seraya yitenyɛa Yowab nya kashia ka ɗepe mene wəshi nyi kwa zlərəa ka ɗepe mene wəshi, kwa nza hɛ kaka ɗepe mene wəshi.

¹⁵Ŋwale tezhili mahekene ŋ'wete Kalɛb nya kawəzege ta Yefəwnɛ. Yɛ Irəw, Ɛla ba'a Na'am. Ɛla yitenyɛa Kenaz.

¹⁶Ŋwale tezhilia Yehalɛlɛl: Zif, Zifa, Tiriya ba'a Asarɛl.

¹⁷Ŋwale tezhilia Ɛzra: Yɛtɛr, Mɛrɛd, Ɛfɛr ba'a Yalon. Pa Mɛrɛd wəmeve kwete wəzha ta meghea ka Ɛzhipte Bitiya, nya keyake nda yɛ Miriyam, Shamay ba'a Isheba nya keŋslete meleme ta Ɛshtemowa. Ma kwete male ta ŋkɛ nya kawəzha ta ka Zhəwda, pa yave nda yɛ Yɛrɛd nya keŋslete Gedor, Hɛbɛr nya keŋslete Soko ba'a Yekəwtiyɛl nya keŋslete Zanowa.

¹⁹Pa Hodiya wəmeve kwete wəzha ta meghekɛa Naham. Ma hwelefe nyi kesawa mbe hɛ ne, ka Garme nyi kese mbe Kɛyila le ka Ma'aka nyi kese mbe Ɛshtemowa.

²⁰Ŋwale tezhilia Shimon: Amnon, Rina, Bɛn-Hanan le Tilon. Ŋwale tezhilia Ishɛyi: yɛ Zohɛt le wəzege ta ŋkɛ.

²¹Ŋwale tezhili nyi kesawa mbe Shɛla, wəzege ta Zhəwda: Ɛr, nya keŋslete Lɛka, Lada nya keŋslete Marɛsha, ba'a yita ta mbeli nyi ketsa zlave kwa Bɛt-Ashebɛya.

²²Shia Yokim Shɛla perə le ŋa ka Kozɛba, ba'a ŋa Yowash le Saraf nyi kese kasleke ka Mowab nda tezhɛre geva hɛ kanza mbe Bɛtelɛhɛm. Wəshi nyi kemenete geva vəashi hɛ.

²³Kaka ŋa ghene se hwelefefia nci mbe Netayim ba'a Gedɛra. Tagha se hɛ kanza le meghe ba'a kamene nda slene.

²⁴Ŋwale tezhilia Simɛyon: Neməwɛl, Yamin, Yarib, Zɛra le Shawəl.

²⁵Ŋwale nyi kesawa mbe Shawəl nya wəzege ta ŋkɛ: Shaləwm, Mibsam ba'a Mishema.

²⁶Ŋwale tezhilia Mishema: Haməwɛl, Zakəwr le Shimɛyi.

²⁷Ŋwale tezhili meŋe ŋkwaŋeghəmbe le ŋwalea kwɛ ŋkwaŋe yake Shimɛyi, ama kweci ka kesaka yitenyɛ ne, keŋ'wete ŋwale hɛ kwele kwele we. Vatse sema ka yita ta Simɛyon kambake geva kwele kwele kala ŋa Zhəwda.

²⁸Mbe meleme nyi se hɛ kanza: Bɛrshɛba, Molada, Hasar-Shəwal,

²⁹Bila, Ɛsɛm, Tolad,

³⁰Betəwɛl, Horma, Siklag,

³¹Bɛt-Markabot, Hasar-Səwsim, Bɛt-Biri, le Sha'arayim. Ghenci ya kameleme ta nci pa te vəa meghe David.

³²Nahe hɛ kese kanza mbe kweci meleme mcɛfe ɓiyitsa: Ɛtam, Ayin, Rimon, Tokɛn ba'a Ashan,

³³tsagha kweci meleme ka ɓɛhwɛ ɓɛhwɛ nyi kese dzasle yitea hɛ hwa'a kwa Ba'alat. Wa nyighɛ meleme nyi se nyighɛ hɛ mbe. Terafe sləa hwelefefia nci mbe palepa keɓela ŋkwa.

³⁴Wa nyi sləa ka meghe nyi mbe yita ta Simɛyon nyi: Meshobab, Yamlɛk, Yosha wəzege ta Amasiya, Zhowɛl, Yɛhəw wəzege ta Yoshibiya nya kawəzege ta Seraya, hwelefe ta Asiyɛl, Ɛliyohɛnay, Yakoba, Yeshohaya, Asaya, Adiyɛl, Yɛsimiyɛl, Benaya ba'a Ziza, wəzege ta Shifɛyi ba'a shia Alon nya kahwelefe ta yɛ Yedaya, Shimri le Shemaya. Kambeli nyi te ghə se hɛ kwa peləa nci, kwele kwele mbakete geva mbeli nyi kwa peləa nci.

³⁹Vatse se hɛ kapesle geva mbe pa va Gedor kwa ŋkwa kepəkwə ta veci va zlərə kezha sepa nda gwəzə ke timɛti.

⁴⁰Pa hɛ ntsate ŋkwa keya wəshi ganji nyi nza nya nza gwəzə te kwele kwele te kwete hɛɗi nya bezle ba'a nya gwezlayɛ, nya se hwelefefia Sham te vəashi.

⁴¹Va nya nza nde te vəa nya nza Ɛzɛkiyas kameghea ka Zhəwda ne, na ka meghe nyi hekate sləa nci nyighɛ mbeli kezamte sebe te yɛ cɛ lekwesa le kweci ŋkwa nyi se hwelefe nyi ta Sham mbe kampəmte mbeli nyi ɗema mbeli kaɗepe sebe ta nci ɓeshi. Kwetere wəmbəa ŋkɛ, pa hɛ nzanji te ŋkwa nya se mbeli nyighɛ, kwa nza nde kwele kwele se gwəzə kezeme ta wəshi te kezha timɛtia nci.

⁴²Le kweci mbeli gwəmsə mcɛfe nyi mbe yita ta Simɛyon kedzembenji kanza te hɛɗia ka Ɛdom hwa ghweme. Ma mbeli nyi te ghəa nci, wəfaɗe hɛ: yɛ Pelatiya, Nɛyariya, Refaya, ba'a Əwziyɛl, kaŋwalea Ishɛyi.

⁴³Pa hɛ mpəmte ka Amalɛk nyi mba teghweme nyi kehwɛnji kanzanji pelɛagha. Mba hwelefe ta nci pa va ɓeshi te ŋkwa shɛ.