Read KapsikiDC 2 Wəshi nyi Mene Ka Meghe 22 Bible Online

2 Wəshi nyi Mene Ka Meghe 22 - KapsikiDC bible

2 Wəshi nyi Mene Ka Meghe 22

¹Pa ka Zhɛrəzalɛm ntave Ahaziya, nya ɓɛhwɛ wəzege ta meghe Zhoram, kezha nza te ŋkwa ŋkɛ. Kwa nza ŋkɛ ne, pɛtɛ mpəmte ŋwale nyi jama jama wəvəsəa ka Arab nyi kese mbe ghedəkwəa ka sewajɛa ka Zhəwda. Tsetse kelete meghe Ahaziya, wəzege ta Zhoram mbe Zhəwda.

²Va ta ŋkɛ bakemsə nda dzembe meghe ŋkɛ, va kwetɛŋe menete ŋkɛ kameghe mbe Zhɛrəzalɛm. Sləa meghekɛ ne, Atali, wəzha ta mbelia Omri.

³Ma Ahaziya le ŋa ŋkɛ ghə ne, ndiremike se dzeghwa ta ŋkɛ kala ŋa mbelia ghɛa Akab, kwa nza ŋkɛ ntsehwele kwa ndiremi yancɛ nda meghekɛ.

⁴Wəsə nya ɗema Mahwətə yamenete ŋkɛ kala mbelia Akab, kwa nza nde, kwa sebe ta mte ta yitenyɛ ne, mbelia shɛhɛ ka se kaka ncɛ nda ntsehwele kezamte.

⁵Le ntsehwele nya ncɛte nda shɛhɛ lə Ahaziya zlaɓe le Zhoram, wəzege ta Akab, meghea ka Israyɛl, yitea mpa le Hazayɛl meghea ka Siri pelɛ Ramot te hɛɗia Gala'ad. Mbe mpa ne, pa ka Siri ɗamte Zhoram le zhi.

⁶Tewətelɛwe ŋkɛ zhɛrete geva kalə kampi zhia ŋkɛ mbe Zhizrɛyɛl. Tagha gɛ, pa Ahaziya lə kadzembe Zhizrɛyɛl kezha njiŋwe kwa nza ŋkɛ shewə.

⁷Pa Shala menete se ta Zhoram kezha kezamte Ahaziya. Kwa nza ŋkɛ sema ta ŋkɛ ne, cape yɛ Ahaziya le Zhoram kalə kabegeme le Zhɛhə, wəzege ta Nimshi. Ndagwara nahe Mahwətə kendeke nda hweŋkwa ta nza kameghe ke Zhɛhə kezha zamte mbelia ghɛa Akab.

⁸Pa Zhɛhə menete wəsə nya mehate ghwə ta ŋkɛ Shala te mbelia ghɛa Akab. Ma kwa begeme hɛ le mbelia jama ta ka Zhəwda ba'a ŋwalea ka menəhɛnyɛa Ahaziya, nyi kese pɛtɛ kaka mene slene ta meghe ne, pa mpəmte hɛ.

⁹Kwetere wəmbəa ŋkɛ, ntake ŋkɛ kazele Ahaziya. Pa mbeli keseve ŋkɛ mbe Samari nya wəfərənyɛ ŋkɛ, pa mbeli keleke kadzete kema ta Zhɛhə, mbəhə mbeli peslekɛ ŋkɛ. Ama nahe mbeli kelamte ya tsagha ŋkɛ, kwa nza ŋkɛ ma ke hɛ ne, hwelefe ta Zhozafat ŋkɛ, meghe nya kese kazele yɛ nda fete ke Mahwətə. Ma mbe hwelefe ta Ahaziya ne, wəndə shɛ ketene gare kele meghe we.

¹⁰Ma kwa fate Atali, meghekɛa Ahaziya, nahe wəzege ta ŋkɛ kemte, pa mpəmte hwelefe ta meghea ka Zhəwda pɛtɛ.

¹¹Ama vəa ŋkwa nya mpə hɛ mbeli ne, laŋe Yoshɛba, wəzha ta meghe Zhoram keleke wəzege ta Ahaziya nya nza sləa ŋkɛ kaZhowas te wəfərə, pa ŋkɛ lə kawəfərəakɛ hɛ le male nya kedəkwə mbe cɛ kehɛ nya mbe ghɛa Shala, yagha Atali katepesle ŋkɛ. Ma Yoshɛba, male ta Yoyada, nde dzeghe Shala ne, wəzha ta Zhoram meghea ka Zhəwda nde, geze ta ŋkɛ, wəzha ta meghekɛa Ahaziya.

¹²Kava ŋkwaŋe ne, mba Zhowas te wəfərə le mbeli nyi keya mbe ghɛa Shala, vəa ŋkwa shɛ, Atali ya kameghe nya kamale kwa Zhəwda.