Read KapsikiDC Nɛhɛmi 10 Bible Online

Nɛhɛmi 10 - KapsikiDC bible

Nɛhɛmi 10

¹Tewəmbəreke yayata wəsə nya kese kənəa ghen'yɛ, ghen'yɛ ka Israyɛl ne, nahe ghen'yɛ tsahwe ghena kaganda nya rafeyi n'yɛ. Mbeli nyi te ghəa n'yɛ, ka Lɛvia n'yɛ ba'a ka dzeghe Shala ta n'yɛ ka dɛkate dzeve ta nci te palepa nya nza lamba te.

²Wa nyi sləa mbeli nyi kedɛkate dzeve nyi te: Nɛhɛmi, ŋgwamna nya kawəzege ta Hakaliya. Sidekiya,

³Seraya, Azariya, Zhɛrɛmi,

⁴Pashehəwr, Amariya, Malkiya,

⁵Hatəwsh, Shebaniya, Maləwk,

⁶Harim, Merɛmot, Obadiya,

⁷Daniyɛl, Gineton, Barək

⁸Meshəwlam, Abiya, Miyamin,

⁹Ma'aziya, Bilgay, Shemaya: nyi ya kaka dzeghe Shala.

¹⁰Ma ka Lɛvi le ŋa nci: yɛ Yɛshəwa, wəzege ta Azaniya, Binəwi nya kwa yita ta Hɛnadad, Kadmiyɛl

¹¹le ka menəhɛ nci: Shebaniya, Hodiya, Kelita, Pelaya, Hanan,

¹²Mika, Rehob, Hashabiya,

¹³Zakəwr, Shɛrɛbiya, Shebaniya,

¹⁴Hodiya, Bani ba'a Beninəw.

¹⁵Ma mbelia jama nyi te ghəa mbeli: yɛ Parosh, Pahat-Mowab, Ɛlam, Zatəw, Bani,

¹⁶Bəwni, Azgad, Bɛbay,

¹⁷Adoniya, Bigvay, Adin,

¹⁸Atɛr, Ɛzɛkiyas, Azəwr,

¹⁹Hodiya, Hashəwm, Bɛsay,

²⁰Harif, Anatot, Nɛbay,

²¹Magpiyash, Meshəwlam, Hɛzir,

²²Meshɛzabɛl, Sadok, Yadəwa,

²³Pelatiya, Hanan, Ananiya,

²⁴Ozɛ, Hananiya, Hashəwb,

²⁵Halohɛsh, Pila, Shobɛk,

²⁶Rehəwm, Hashabna, Masɛya,

²⁷Ahiya, Hanan, Anan,

²⁸Maləwk, Harim ba'a Ba'ana.

²⁹Ma mbeli nyi ketene, ka dzeghe Shala, ka Lɛvi, ka ya degha, ka gha cimə, ka mene slene mbe ghɛa Shala ba'a mbeli nyi kenehemte geva le mbeli nyi te kweci hɛɗi kezha hawe va wəsə mahalegəa Shala, mia nci, ŋwale tezhilia nci le ŋwalea kwɛ nci, pɛtɛa ŋwale nyi gare fave ghena ne,

³⁰pa hɛ jikəave geva vare ka menəhɛ nci nyi nza zləvə te. Pa hɛ tsahwe ghena le meɗe mɛ ba'a zeme fela kezha hawe va wəsə mahalegəa Shala nya ndeke ŋkɛ ke hɛ laka nde mene slene ta ŋkɛ Moyize, yitea yate ba'a yitea mene slene le ghena nyi gezeke Shala Mahwətə ta ɓəmə, wəshi nyi tseɓate ŋkɛ ba'a wəshi gezeke ŋkɛ kamene.

³¹Kave nda ŋwalea kwɛa n'yɛ ghen'yɛ kami ke mbeli nyi kenzanji te hɛɗi nya kwa fəhwe ŋkwa mbeli we, kawəme nda ŋa nci ghen'yɛ ke ŋwale tezhilia n'yɛ kami perə we.

³²Ma kekeleke wəshi kepamte keɗema yɛ ha mbelia shɛhɛ te veci kezhɛne mpi keɗema te yɛ vecia gəsəkə ne, wəsə shɛ katepa ghen'yɛ va hɛ we. Kwa sebe ta va mberefaŋe ne, kasərə wəve ghen'yɛ kazhɛne mpi ba'a pa ghen'yɛ zlenekɛ dewa kaɗema 'yɛwe.

³³Ma gheɓəmə le ŋa ɓəmə ne, nahe mə ketsate kakele bela dəɓərəa mze kwa ghwə ghwə kwetɛŋe kwa neheve mbeli mahekene mbe, mbe yayata va kezha slene ta ghɛa Shala ta ɓəmə:

³⁴ma dəɓərə nyi tsehekea shɛhɛ mbeli ne, kezha pa yɛ ɗafa nyi dzeghe nda melɛ mbeli le hɛ ke Shala, kezha wəshi keseɗa kedzeghe melɛ kwa tere tere, kezha wəshi kwa wəza wəza nyi dzeghe melɛ mbeli le hɛ keveci keveci, te yɛ vecia Saba, te yɛ vecia dzemɛa ghweme ta tere keɗema te kweci vecia gəsəkə, kezha wəshi nyi keveyi geva tekeleke kaŋa Shala, kezha wəshi keseɗa kedzeghe melɛ ta ka Israyɛl kezha kelemte ghena te wənə ba'a kezha hi ghɛa Shala ta ɓəmə.

³⁵Pa ghen'yɛ ka dzeghe Shala, ka Lɛvi ba'a mbeli nyi ketene slate kwasheghediɗi kezha nehe və kekele sheghwə kase kawəsə gəmə te mbeli nyi ki ghɛa n'yɛ kezha ghɛa Shala ta ɓəmə. Keva keva kala hɛ nya sləyi mbeli kele sheghwə mbeli kase kala nya gezete wəsə mahalegə kezha tere wəshi melɛ te reghwetɛa Shala Mahwətə ta ɓəmə.

³⁶Keva keva perə ne, mbe fə ka ghate ta wəshi kwa wəza wəza ba'a ka ghate ta ya ta yayata wəfe ghen'yɛ kase kadzembe ghɛa Shala.

³⁷Kafə ka tezhɛ ŋwalea n'yɛ ba'a tsəmə wəshi keseɗa ta n'yɛ n'yɛ kase kala nya gezete wəsə mahalegə. Tsagha ka ghate ta wəshi keseɗa ta n'yɛ nyi jama jama ba'a nyi ɓɛhwɛ ɓɛhwɛ kase kadzembe ghɛa Shala ta n'yɛ. Ke ka dzeghe Shala nyi kemene slene mbe ghɛa Shala fə nda ghen'yɛ.

³⁸Ma nyi ganji ganji hwa wəshia n'yɛ: hə, yɛ ya ta wəfe, tɛ mɛnɛfɛ ba'a n'yi ne, kakele nda n'yɛ ke hɛ kase kadzembe kweci cɛ nyi vare ghɛa Shala. Ke ka Lɛvi ve nda kwa meŋe ta bela ta wəshi nyi kese te wəve ghen'yɛ. Ka Lɛvi le ghəa nci ka lə katsehe kwa meŋe ta bela ta wəshia shɛhɛ mbe meleme nyi mene slene n'yɛ.

³⁹Təhə nde dzeghe Shala nya kashia Aron kabeghe ka Lɛvi kenza hɛ kalə katsehe kwa meŋe ta bela ta wəshia nyighɛ. Pa ka Lɛvi keleke kwa meŋe ta bela ta wəshi nyi tseheke hɛ kadzembe ghɛa Shala ta ɓəmə, kabeteyi mbe kweci cɛ kebete wəshi nyi vare ghɛa Shala.

⁴⁰Ka Israyɛl le ka Lɛvi kakele wəshi gəməa yɛ ha, tɛ mɛnɛfɛ ba'a n'yi kase kadzembe cɛ kebete wəshia shɛhɛ, mbe hɛ nza wəshi kemene slene ta ŋkwa nya keveyi geva tekeleke, ka dzeghe Shala nyi te slene, ka ya degha ba'a ka gha cimə. Ma tsagha, katepele se ghen'yɛ yitea ghɛa Shala ta n'yɛ we.