Read KapsikiDC Nɛhɛmi 11 Bible Online

Nɛhɛmi 11 - KapsikiDC bible

Nɛhɛmi 11

¹Pa mbelia jama nyi te ghəa mbeli nzanji mbe Zhɛrəzalɛm. Ma mbeli nyi ketene ne, kwasheghediɗi yasla mbeli kanta wəndə kwetɛŋe hwa mbeli meŋe kase kanza mbe Zhɛrəzalɛm, meleme nya keveyi geva tekeleke. Ma kweci nyi ketene mesli ne, wərə hɛ kanza mbe kweci meleme nyi te hɛɗia shɛ.

²Pa mbeli wəpikɛ mbeli nyi keɗe kalə kanza mbe Zhɛrəzalɛm le ɗe ta nci.

³Pa mbelia jama nyi te ghəa sla ta hɛɗi nzanji mbe Zhɛrəzalɛm, ama kweci ka Israyɛl, ka dzeghe Shala, ka Lɛvi, ka mene slene mbe ghɛa Shala ba'a ŋwalea ka mene slene ta Salomon ne, wərə hɛ kanzanji mbe meleme ta nci, yayata wəndə te wəvea ŋkɛ.

⁴Ya tsagha shɛ ŋkɛ, pa kweci ka Zhəwda le ka Bɛnjamɛn nzanji mbe Zhɛrəzalɛm. Hwa ka Zhəwda: yɛ Ataya, kwa yita ta Pɛrɛs nya kahwelefe ta Malalɛyɛl laka Shefatiya, Amariya, Zakari ba'a Əwziya,

⁵tsagha Masɛya, hwelefe ta Shiloni laka Zakari, Yoyarib, Adaya, Hazaya, Kol-Hozɛ ba'a Barək.

⁶Pɛtɛa ŋwalea Pɛrɛs nyi mbe Zhɛrəzalɛm ne, ka katsala kɛfi ka sewajɛ gwəmsə wəfaɗe ba'a ŋkwaŋemsə degheseghəmbe.

⁷Wa nyi ŋwalea Bɛnjamɛn nyi: Saləw, hwelefe ta Yeshaya laka Itiyɛl, Masɛya, Kolaya, Pedaya, Yowɛd ba'a Meshəwlam,

⁸tsagha yɛ Gabay le Salay. Jikə pɛtɛ gwəmsə mesli ba'a bakemsə meslighəmbe ka Bɛnjamɛn.

⁹Zhowɛl, wəzege ta Zikri ya kawəndə nya te ghəa wəvəsəa shɛ, Yehəwda, wəzege ta Hasenəwa ya kasləwəfəa wəndə nya te ghəa meleme.

¹⁰Hwa ka dzeghe Shala ne, yɛ: Yedaya, wəzege ta Yoyarib, Yakin,

¹¹Seraya, hwelefe ta wəndə nya te ghəa ghɛa Shala Ahitəwb laka Merayot, Sadok, Meshəwlam ba'a Hilkiya,

¹²tsagha mbeli gwəmsə deghese ba'a bakemsə bakeghəmbe nyi kwa yita ta nci, nyi nza slene va hɛ mbe ghɛa Shala. Adaya, hwelefe ta Malkiya laka Pashehəwr, Zakari, Amsi, Pelaliya ba'a Yerowam,

¹³zlaɓe zhilia ghɛ gwəmsə bake ba'a wəfaɗemsə bakeghəmbe nyi kwa yita ta ŋkɛ. Amashesay, hwelefe ta Imɛr laka Meshilɛmot, Azay ba'a Azarɛl,

¹⁴zlaɓe le ka katsala kɛfia ka sewajɛ gwəmsə ba'a bakemsə degheseghəmbe nyi kwa yita ta ŋkɛ. Ma wəndə nya te ghəa wəvəsə shɛ ne, Zabdiyɛl, wəzege ta Hagedolim.

¹⁵Hwa ka Lɛvi ne, yɛ: Shemaya, hwelefe ta Bəwni laka Hashabiya, Azrikam le Hashəwb,

¹⁶tsagha yɛ Shabetay le Yozabad hwa mbeli nyi te ghəa ka Lɛvi, nyi nza slene nyi pelɛke te ŋwela ta ghɛa Shala te dzeve va hɛ.

¹⁷Mataniya, hwelefe ta Asaf laka yɛ Zabdi le Mika, nya kegha kagha cimə ketsahe Shala te vəa səkwə ghə. Bakbəwkiya, kwete hwa ka menəhɛnyɛa Mataniya, ya kasləwəfəa ŋkɛ. Abda, hwelefe ta Yedəwtəwn laka yɛ Galal le Shaməwa.

¹⁸Jikə pɛtɛ, gwəmsə bake ba'a deghesemsə wəfaɗeghəmbe ɓelate ka Lɛvi mbeli mbe meleme nya keveyi geva tekeleke.

¹⁹Ma yɛ Akəwb le Talmon nyi kaka ya degha ne, zlaɓe hɛ le ka menəhɛ nci kaya yɛ mɛ degha. Pɛtɛa nci ne, 172.

²⁰Ma kweci ka Israyɛl, jikə le ka dzeghe Shala ba'a ka Lɛvi ne, mbe meleme ta Zhəwda nyi jama jama nzanji hɛ, yayata wəndə te wəvea ŋkɛ.

²¹Ma mbeli nyi kemene slene mbe ghɛa Shala ne, mbe Ofɛl, ghedəkwəa Zhɛrəzalɛm nzanji hɛ. Yɛ Siha le Gishepa ya te ghəa nci.

²²Ma wəndə kwelea ka Lɛvi nyi mbe Zhɛrəzalɛm ne, Əwzi, wəzege ta Mika, ta Mataniya, ta Hashabiya ba'a wəzege ta Bani. Wəndə nya kwa yita ta Asaf ŋkɛ, yita nya nza wəshi ketsa mbe ghɛa Shala te dzeve ta ŋkɛ.

²³Nahe meghe kegezeyi ghena te ghəa nci ba'a te wəshi nyi hi ka tsa wəshi kamene keveci keveci.

²⁴Petahiya, wəzege ta Meshɛzabɛl nya kwa yita ta Zɛra, wəzege ta Zhəwda ya yitea meghe kezha wəshi nyi te pɛtɛa ka Israyɛl.

²⁵Ketaze taze mbe meleme hwa gamba nzanji kweci mbeli mbe hwelefe ta Zhəwda, mbe: yɛ Kiriyat-Arba le kweci meleme nyi dzeyi yite, yɛ Dibon le meleme nyi dzeyi yite, yɛ Yekabsɛyɛl le meleme nyi dzeyi yite,

²⁶Yɛshəwa, Molada, Bɛt-Pɛlɛt,

²⁷Hasar-Shəwal, yɛ Bɛrshɛba le meleme nyi dzeyi yite,

²⁸Siklag, Mekona le meleme nyi dzeyi yite,

²⁹Ɛn-Rimon, Sora, Yarməwt,

³⁰Zanowa, yɛ Adəwlam le meleme nyi dzeyi yite, yɛ Lakish le meleme nyi dzeyi yite, yɛ Azɛka le meleme nyi dzeyi yite. Pa hɛ nzanji kwelɛ yɛ Bɛrshɛba nya laka bela kwa zeme le zlərəa Hinom nya laka bela kwa gwela.

³¹Pa mbeli nyi kwa yita ta Bɛnjamɛn nzanji mbe yɛ Gɛba, Mikmas, Aya, Bɛtɛl le meleme nyi dzeyi yite,

³²Anatot, Nob, Ananiya,

³³Hasor, Rama, Gitayim,

³⁴Hadid, Seboyim, Nebalat,

³⁵Lod, Ono ba'a kwa zlərəa ka ɗepe mene wəshi.

³⁶Pa kweci wəvəsəa ka Lɛvi slənji shave mbe hɛɗia Zhəwda le ghɛ kalə kadzete ŋa Bɛnjamɛn.