Read KapsikiDC Cimə 112 Bible Online

Cimə 112 - KapsikiDC bible

Cimə 112

¹Alɛləwya! Zlama ya va wəndə nya kehawe va Mahwətə ba'a nya keɗe ghena nyi gezete ŋkɛ.

²Bereteke tenza hwelefe ta ŋkɛ te hɛɗi, kewəpi wəpi tenza sebe ta mbeli nyi tiɗiɗi.

³Katenza wəshi ba'a mcɛlə ki ghɛa ŋkɛ, kaghala ghala tenza tiɗiɗia ŋkɛ.

⁴Kaɓele waŋe mbe ŋkwesle kezha mbeli nyi nza kaganda va hɛ, kezha wəndə nya tiɗiɗi, nde ganyɛa mehele ba'a nde zhɛ heli.

⁵Ganyɛke ŋkɛ kezha zhɛ heli wəndə ba'a kezha nzəɓə nda dewa wəndə ke wəndə, kezha dzeghwa ŋkɛ le wəshia ŋkɛ kala nya kehi.

⁶Kwa nza ŋkɛ kateteɗe ŋkɛ tɛape we. Katezaghə wəndə nya tiɗiɗi mbeli tɛape we.

⁷Katedake ŋkɛ va mɛnɛfɛa ghena nyi ndiremi ndiremi we, kave ghə ŋkɛ te Mahwətə le wənə nya gwezlayɛ.

⁸Gweɗakwe nza wənəa ŋkɛ, wəsə shɛ kadake ŋkɛ ve we, nahe ŋkɛ keɗepe katenewe teɗe ta ka ghema ta ŋkɛ ŋkɛ.

⁹Kaɗa nda wəshi ŋkɛ kwele kwele ke ka titikwəa kɛfi, kaghala ghala tenza tiɗiɗia ŋkɛ. Kambake geva berete ta ŋkɛ ba'a zləvəa ŋkɛ.

¹⁰Ma kenakɛ ŋkɛ nde 'yaghwa mehele ne, kazhɛ nda wənəa ŋkɛ, kahale dzeve ta ŋkɛ ŋkɛ ba'a kanza ŋkɛ keyirə yirə. Katenza mawe ta ka 'yaghwa mehele gəmə.