Read KapsikiDC Cimə 114 Bible Online

Cimə 114 - KapsikiDC bible

Cimə 114

¹Ma te və nya shave ka Israyɛl mbe Ɛzhipte, te və nya slə mbelia Zhakob te hɛɗia kweci mbeli ne,

²nahe hɛɗia Zhəwda kezhɛre kaŋkwa ŋkɛ nya keveyi geva tekeleke, nahe Israyɛl kezhɛrenyɛ kaŋa ŋkɛ.

³Ma kwa nakɛ hɛ ndərə ne, pa hwɛnyɛ, pa Zhəwrdɛŋe zhɛnete geva dzeyi te sebe.

⁴Katsetsərəkə yɛ ghweme kala gamea lɛmə, kajɛgwəli yɛ wəmbə kala zhɛgwəa lɛməa timɛti.

⁵Gha ndərə, va wa hwɛ na wa? Gha Zhəwrdɛŋe, va wa dzeyi na te sebe wa?

⁶Gheyɛ ghweme, va wa tsetsərəkə yɛ kala gamea lɛmə wa? Gheyɛ wəmbə, va wa jɛgwəli yɛ kala zhɛgwəa lɛməa timɛti wa?

⁷Hɛɗi, gaŋkəɗə mbe kema ta Nde sleke ŋkwa, mbe kema ta Shala ta Zhakob,

⁸gheŋkɛ nya kezhɛre gela kandərə, pelɛ nya ntɛaŋentɛa kaɗasle.