Read KapsikiDC Cimə 122 Bible Online

Cimə 122 - KapsikiDC bible

Cimə 122

¹Cimə kedzeghwa kadzeme. Se va David. Zlama ya va 'ya, kwa nza ŋkɛ ma ke mbeli sha 'ya: «Ngara ɓəmə kadzeme ghɛa Mahwətə.»

²Nahe n'yɛ keghereŋe n'yɛ mɛa yɛ ŋkwa kedzeki ta ŋa, Zhɛrəzalɛm.

³Zhɛrəzalɛm, nahe na keŋate geva kala meleme nya kejikəte geva kanya kwetɛŋe.

⁴Pelɛagha dzeme hwelefefia Israyɛl, hwelefefia Mahwətə kala nya kegezete geva, kezha tsahe sləa Mahwətə.

⁵Kwa nza ŋkɛ pelɛagha veyi geva yɛ pasla kemeha ghwə, yɛ pasla kezha hwelefe ta David.

⁶Ma pe yɛ sha səkwə nda kwelɛŋe ke Zhɛrəzalɛm: «Nza mbeli nyi keɗe ŋa gwezlayɛ.

⁷Nza kwelɛŋe kwa zlia ŋa ba'a gweɗakwe ki ghɛ ganjia ŋa.»

⁸Kezha ka menəhɛ ɗa ba'a ka mcɛhɛ ɗa ne, «Nza kwelɛŋe mbe gha», a 'ya sha tegeze.

⁹Kezha ghɛa Shala Mahwətə ta ɓəmə ne, kasəkwə ŋa zeɗe nza 'ya.