Read KapsikiDC Cimə 124 Bible Online

Cimə 124 - KapsikiDC bible

Cimə 124

¹Cimə kedzeghwa kadzeme. Se va David. Ma ya kaɗema Mahwətə kese gheɓəmə ne, zhɛnete Israyɛl ga!

²Ma ya kaɗema Mahwətə kese le gheɓəmə, te və nya have ɓəmə mpa mbeli ne,

³nza teghweme ndahwe ɓəmə ka jaga ta ɓəmə, vəa ŋkwa nya bezenji wənəa nci va gheɓəmə,

⁴nza nahe ghwa kefəhwe ɓəmə, nza bətə bətə gheɓəmə kwa hələ,

⁵nza yɛmə nde gaŋkeɓe kənəa gheɓəmə.

⁶Hana ke gheɓəmə sha Mahwətə nya kesərəakɛma ɓəmə kala wəsə keseɗa mbe mɛa nci gɛ!

⁷Nahe gheɓəmə kembele ɓəmə kala zevene va dagalawea nde kese ŋkɛ. Nahe dagalawe keŋslenyɛ, nahe gheɓəmə kembele ɓəmə.

⁸Mahwətə le ghəa ŋkɛ ya kande kemane ɓəmə, gheŋkɛ nya kepate ghweme ba'a hɛɗi.