Read KapsikiDC Cimə 136 Bible Online

Cimə 136 - KapsikiDC bible

Cimə 136

¹Tsa nda mə hana ke Mahwətə, kwa nza ŋkɛ ganyɛke ŋkɛ, kakiɗi ɗe ta ŋkɛ we.

²Tsa nda mə hana ke Shala nya te ghəa yɛ shala, kakiɗi ɗe ta ŋkɛ we.

³Tsa nda mə hana ke Nde sleke ka sleke ŋkwa, kakiɗi ɗe ta ŋkɛ we.

⁴Deke gheŋkɛ nde mene wəshi meŋele nyi jama jama, kakiɗi ɗe ta ŋkɛ we.

⁵Nahe ŋkɛ kepate ghweme laka ntsehwele, kakiɗi ɗe ta ŋkɛ we.

⁶Nahe ŋkɛ keveyi hɛɗi te ghəa yɛmə, kakiɗi ɗe ta ŋkɛ we.

⁷Nahe ŋkɛ kepate wəshi nyi jama jama nyi kewaŋe ŋkwa, kakiɗi ɗe ta ŋkɛ we,

⁸veci kezha sleke vəghwə, kakiɗi ɗe ta ŋkɛ we,

⁹tere ba'a yɛ saseregwa kezha sleke viɗi, kakiɗi ɗe ta ŋkɛ we.

¹⁰Nahe ŋkɛ kempəmte ka tezhɛa kɛfia ka Ɛzhipte, kakiɗi ɗe ta ŋkɛ we.

¹¹Nahe ŋkɛ kefəakave ka Israyɛl mbe Ɛzhipte, kakiɗi ɗe ta ŋkɛ we.

¹²Nahe ŋkɛ kemenete wəsəa shɛ laka berete ta ŋkɛ nya wəba, kakiɗi ɗe ta ŋkɛ we.

¹³Nahe ŋkɛ keneheve ndərəa Ghwəvərə bake mbe, kakiɗi ɗe ta ŋkɛ we.

¹⁴Nahe ŋkɛ kefəghe ka Israyɛl jive kwelɛ, kakiɗi ɗe ta ŋkɛ we.

¹⁵Nahe ŋkɛ kezamte yɛ Farawon le ka sewajɛa ŋkɛ kwa ndərəa Ghwəvərə, kakiɗi ɗe ta ŋkɛ we.

¹⁶Nahe ŋkɛ kese te kema ta mbelia ŋkɛ te ɓerama, kakiɗi ɗe ta ŋkɛ we.

¹⁷Nahe ŋkɛ keɗate ka meghe nyi jama jama, kakiɗi ɗe ta ŋkɛ we.

¹⁸Nahe ŋkɛ kempəmte ka meghe nyi berete berete, kakiɗi ɗe ta ŋkɛ we:

¹⁹Sihon, meghea ka Amor, kakiɗi ɗe ta ŋkɛ we,

²⁰ba'a Og, meghe nya mbe Bashan, kakiɗi ɗe ta ŋkɛ we.

²¹Nahe ŋkɛ kendeke nda hɛɗia nci kaŋa ŋkɛ, kakiɗi ɗe ta ŋkɛ we,

²²kaŋa ŋkɛ ke Israyɛl, nde mene slene ta ŋkɛ, kakiɗi ɗe ta ŋkɛ we.

²³Mbe yaka ta ɓəmə ne, nahe ŋkɛ kezəzəte ɓəmə, kakiɗi ɗe ta ŋkɛ we.

²⁴Nahe ŋkɛ kembelete ɓəmə va ghema ta ɓəmə, kakiɗi ɗe ta ŋkɛ we.

²⁵Kave nda wəsə kezeme ŋkɛ ke pɛtɛa wəshi nyi nza mpi hwe, kakiɗi ɗe ta ŋkɛ we.

²⁶Tsa nda mə hana ke Shala nya pelɛ ghweme, kakiɗi ɗe ta ŋkɛ we.