Read KapsikiDC Cimə 21 Bible Online

Cimə 21 - KapsikiDC bible

Cimə 21

¹Se va wəndə nya te ghəa cimə. Ciməa David.

²Mahwətə, kazlama meghe yitea berete ta ŋa. Ma vəa ŋkwa nya kemane ŋkɛ na ne, kwele kwele zlama ŋkɛ.

³Nahe na kendeke nda wəsə nya mawe ŋkɛ, kendaŋete ŋkɛ na te wəsə nya 'yɛwete ŋkɛ we. Zhɛne mpi

⁴Kakele nda zeɗe nza ba'a wəpi na kase. Kave derə meghe mze kwa tere tere na mbe ghəa ŋkɛ.

⁵Nahe na kendeke nda nza teghweme nya 'yɛwakɛ ŋkɛ va gha, nza ba'a temə teghweme nya kaghala ghala.

⁶Zləvə nya wəba ya te meghe, va nya mbelete ŋkɛ na. Kave nda kwele ba'a zləvə na.

⁷Nahe na kewəpikɛ ŋkɛ kaghala ghala, nahe na kendeke nda zlama kwa kema ta ŋa.

⁸Kaganda ne, te Mahwətə ve ghə meghe, kagaŋkəɗə ŋkɛ va ganyɛa Shala nya pelɛ ghweme we.

⁹Ma gha meghe ne, katesleke pɛtɛa ka jaga ta ŋa na, katedzembe dzeve ta ŋa mbeli nyi keɗema ntsə ta ŋa.

¹⁰Ma vəa ŋkwa nya tenca na ne, katezhɛre hɛ na kala laɗe ta ghwə. Kateza sebe Mahwətə te hɛ le wənə le wənə, katetere hɛ ghwə.

¹¹Kateza sebe na te ŋwalea nci te hɛɗi lema, tsagha hwelefefia nci hwa mbeli.

¹²Ma kesepa mene ŋa wəsə kwa ndiremi hɛ ba'a ketsa ghena hɛ yitea gha ne, wəsə shɛ kamenete hɛ we.

¹³Kwa nza ŋkɛ ne, kateve nda hwɛ na ke hɛ, katehe hɛ na le yɛ have ta ŋa.

¹⁴Mahwətə, ncɛte berete ta ŋa nya wəba! Tagha gɛ, katetsahe ŋa ghen'yɛ le cimə ba'a kateve zləvə ghen'yɛ te berete ta ŋa.