Read KapsikiDC Cimə 43 Bible Online

Cimə 43 - KapsikiDC bible

Cimə 43

¹Shala yawe, ndeke ɗa nza tiɗiɗi, yakɛ ɗa va ka hawema va gha. Mbelemte ɗa va ka tseŋwəa kɛfi ba'a va ka ndiremia mehele.

²Gha ya kaShala ta ɗa nya keya ɗa. Va neghamte ɗa na wa? Va wa dzeghwa 'ya keyirə yirə ba'a sa ɗa yaka ka jaga wa?

³Ghweneke waŋea ŋa ba'a kaganda ta ŋa. Ncɛ ɗa ŋkwa kedzeme ghweme nya keveyi ŋa geva tekeleke hɛ, beghe ɗa hɛ kadzete ŋkwa nya nza na.

⁴Katehende nda geva 'ya ke reghwetɛ Shala, ke Shala nya keve ɗa zlama ba'a farefa. Shala yawe, katetsahe ŋa 'ya le gagera, gha nya kaShala ta ɗa!

⁵Va wa taze geva mehele ta ɗa tse wa? Va wa ŋgaɗe ghə 'ya va nza ta ɗa tse wa? Megela ma ve ghə te Shala. Kaganda ne, katezhɛne 'ya katsahe ŋkɛ, gheŋkɛ nya kande mbele ɗa ba'a kaShala ta ɗa.