Read KapsikiDC Cimə 53 Bible Online

Cimə 53 - KapsikiDC bible

Cimə 53

¹Se va wəndə nya te ghəa cimə. Ciməa David. Cimə nya vɛ shela mbeli yite.

²Ma ke ka gezhia kɛfi sha geze mbe ghəa nci: «Shala shɛ we.» Nahe hɛ kebezenji, wəshi nyi ndiremi ndiremi kashasha yamene hɛ. Wəndə shɛ kamene ganyɛ we.

³Kamare mbeli Mahwətə sawa pelɛ ghweme kezha newe kenza ŋkɛ wəndə nya keɗepe wəshi, wəndə nya kezele Shala ya shɛ.

⁴Pɛtɛ hɛ kesamenji kwa hweŋkwa ganyɛ, pɛtɛ hɛ kebeze beze. Wəndə shɛ kamene ganyɛ we, wəndə shɛ ya kwetɛŋe we.

⁵Ma ke Shala: «Keɗepe wəsə ka dewə zəzə nyi wəka? Mbelia ɗa yazeme hɛ kaɗafa ta nci. Kasəkwə ɗa hɛ we.»

⁶Tagha gɛ, katebare bare hɛ, ghenci nyi keɗepema wəsə ghazlənə. Kwa nza ŋkɛ ne, katetaze 'yɛ'yɛa ka ghema ta mbelia ŋkɛ Shala. Katezhɛ nda hawe ke hɛ, va nya ŋkamte hɛ Shala.

⁷Wa nde tembele Israyɛl se mbe Siyon tse wa? Ma vəa ŋkwa nya zhɛrete nza ta mbelia ŋkɛ Shala ne, katezlama hwelefe ta Zhakob, katenza Israyɛl fare fare.