Read KapsikiDC Cimə 54 Bible Online

Cimə 54 - KapsikiDC bible

Cimə 54

¹Se va wəndə nya te ghəa cimə. Yitea wəshi ketsa nyi nza zewe te hɛ. Ciməa David.

²Te və nya se ka Zif sha Sawəl ne, ma ke hɛ shɛ: «Te hɛɗia n'yɛ wəfərənyɛ David.» Tagha gɛ, ma ke David:

³Shala yawe, mbele ɗa laka zləvəa ŋa, ndeke ɗa nza tiɗiɗi laka berete ta ŋa.

⁴Shala yawe, fa səkwə ta ɗa, ve sleme yitea ghena nyi geze 'ya.

⁵Kwa nza ŋkɛ nahe ka kele ghə kehave ɗa mpa, mte ta ɗa yaɗe ka ghwərə ghwərəa ntsə. Kese hɛ kaɓela Shala we. Zhɛne mpi.

⁶Ama Shala ya kande kemane ɗa, Mahwətə ya le mbeli nyi ketawe ɗa.

⁷Zhɛnaghe nda geva ndiremia nci ke ka jaga ta ɗa! Ncɛte ɗa ganyɛa ŋa laka za sebe te hɛ.

⁸Katedzeghe ŋa melɛ 'ya le wənə kwetɛŋe, Mahwətə, katetsahe ŋa 'ya, kwa nza ŋkɛ ganyɛke na.

⁹Nahe na kembelete ɗa va yayata yaka, kanewe newe teɗe ta ka jaga ta ɗa 'ya.