Read KapsikiDC Cimə 63 Bible Online

Cimə 63 - KapsikiDC bible

Cimə 63

¹Ciməa David. Vəa ŋkwa nya se ŋkɛ te ɓerama ta Zhəwda.

²Shala yawe, gha ya kaShala ta ɗa. Kasepa ŋa 'ya, kazhɛ ɗa ndere yitea gha. Kaɗe ŋa geva ta ɗa kala hɛɗi nya keghwele ghwele kala hɛɗi nya helaŋe helaŋe va titikwə yɛmə.

³Tsagha se 'ya kave ntsə te gha mbe ŋkwa nya keveyi geva tekeleke, nahe 'ya kenakɛ berete ta ŋa ba'a zləvəa ŋa.

⁴Kwa nza ŋkɛ za ma ganyɛa ŋa ke mpi, katetsahe ŋa mɛa ɗa.

⁵Kala temə ta ɗa teghweme ne, katetsa ŋa hana 'ya, katekafe dzeve 'ya kezha ve zləvə te sləa ŋa.

⁶Katenza 'ya kala wəsə nya behe va merege ba'a ɗəɗə, katetsa gaghwe ba'a katetsahe ŋa mɛa ɗa.

⁷Vəa ŋkwa nya nza te gezle ta ɗa ne, kazəzə ŋa 'ya, kave zəzə 'ya te gha kavə kwele kwele heviɗi.

⁸Kwa nza ŋkɛ gha ya kande kemane ɗa, katsa gaghwe 'ya yitea shenaŋkwe ta bidzəa ŋa.

⁹Ke gha ndeke ŋa pɛtɛa mehele ta ɗa 'ya, dzeve kwa zeme ta ŋa nde ve ɗa berete.

¹⁰Ama mbeli nyi keɗe mte ta mpia ɗa ne zanyɛ sebe te hɛ te ŋkwa shɛnyɛ, dzawanji hɛ kwa ghɛa mbelia kwahɛɗi!

¹¹Mpəmte hɛ mbeli le kafayɛ, nza hɛ kawəsə kezeme ta yɛ kelɛ gamba!

¹²Ma meghe le ŋa ŋkɛ gɛ ne, katezlama ŋkɛ te Shala, fare fare tenza yayata wəndə nya kezeme fela te sləa ŋkɛ. Kwa nza ŋkɛ ne, teŋzle tenza mɛa ka tseŋwəa kɛfi.