Read KapsikiDC Cimə 65 Bible Online

Cimə 65 - KapsikiDC bible

Cimə 65

¹Se va wəndə nya te ghəa cimə. Ciməa David.

²Shala nya mbe Siyon, nahe ŋkɛ kehi katsahe ŋa mbeli, kamene ŋa wəshi nyi meɗeyi ŋa mbeli mbeli.

³Ma gha nya kefa yɛ səkwə ghə ne, pɛtɛ mbeli katelə sha gha.

⁴Keɗaŋeɗa fete nyi menete 'ya ke 'ya, ama gha ne, katekele hɛ na seyi te wənə.

⁵Zlama ya va wəndə nya ntave na, katenza ŋkɛ te ŋwela nya yitea ghɛa ŋa. Behe behe tenza n'yɛ va wəshi nyi mbe ghɛa ŋa, va wəshi nyi keveyi geva tekeleke mbe ghɛa ŋa.

⁶Shala nya kande mbele n'yɛ, ganyɛke na, kazhɛne səkwə ta n'yɛ na laka wəshi meŋele. Pɛtɛa mbeli nyi te mendɛkwe ta hɛɗi ba'a nyi te ndərə nyi cakeɗa cakeɗa kave ghə te gha.

⁷Kave yɛ ghweme na ghwəɗə ghwəɗə laka berete ta ŋa, berete ya mbe gha.

⁸Kagweɗakwe gaka ta yɛ ndərə, gaka ta gaŋkeɓe ta yɛmə ba'a gaka ta mbeli na.

⁹Ma mbeli nyi te mendɛkwe ta hɛɗi ne, kateghazlənə hɛ va wəshi meŋelea ŋa. Kateve nda tsa gaghwe na ke hɛɗi nyi laka ŋkwa kesame ta veci ba'a ŋkwa kepəkwə ta veci.

¹⁰Kanewe ghweme na te hɛɗi, kame nda va na, kafə nda wəshi na kwele kwele. Shala yawe, viɗi yɛmə te hələa ŋa, kave nda wəsə kezeme na ke mbeli. Wa nya tsetse mene na:

¹¹Kaghwene yɛmə na dzeyi kwa yɛ ndəgəa ŋkɛ, kampə yɛ təsə na, kame nda va na ke hɛɗi, kave nda berete kepese na ke wəshi nyi tsawe mbeli.

¹²Kave n'yɛ wəshi ganji na wetɛaŋema ta və, kwele kwele nza wəshi te ŋkwa nya ŋkeɗeyi seɗa na.

¹³Kanza wəshi keseɗa kwele kwele te ŋkwa keya wəshi, kanza yɛ wəmbə dzasle va gaghwe.

¹⁴Rayɛ ŋkwa keya wəshi va timɛti ba'a kwi, kwele kwele ha dzeyi kwelɛ yɛ zlərə. Katetsa geva gaghwe ba'a kategha geva cimə.