Read KapsikiDC Cimə 67 Bible Online

Cimə 67 - KapsikiDC bible

Cimə 67

¹Se va wəndə nya te ghəa cimə. Yitea wəshi ketsa nyi nza yɛ zewe te hɛ. Cimə.

²Shala yawe, zhɛ heli yitea ghen'yɛ ba'a wəpikɛ n'yɛ, ɓelaghe kema ta ŋa kənəa ghen'yɛ. Zhɛne mpi.

³Tsagha ne, kateɗepe ɗe ta ŋa pɛtɛa mbeli nyi te hɛɗi, kateɗepe mbele ŋkwa ta ŋa pɛtɛa hwelefefi.

⁴Shala yawe, tsahe ŋa mbeli, tsahe ŋa mbeli pɛtɛ kanya kwetɛŋe!

⁵Zlama ba'a tsa gaghwe hwelefefi, kwa nza ŋkɛ tiɗiɗi meha ghwə na te mbeli, gha nde ncɛ hweŋkwa ke hwelefefi nyi te hɛɗi. Zhɛne mpi.

⁶Shala yawe, tsahe ŋa mbeli, tsahe ŋa mbeli pɛtɛ kanya kwetɛŋe.

⁷Nahe hɛɗi kemenete wəshi kwele kwele, nahe Shala nya kaShala ta ɓəmə kewəpikɛ ɓəmə.

⁸Kaganda ne, nahe Shala kewəpikɛ ɓəmə, hawe mbeli nyi te hɛɗi lema ve.