Read KapsikiDC Cimə 70 Bible Online

Cimə 70 - KapsikiDC bible

Cimə 70

¹Se va wəndə nya te ghəa cimə. Ciməa David kezha zəzə Shala.

²Shala yawe, nde kambele ɗa, Mahwətə, nde kahe kahe kakemane ɗa.

³Nza hawe ba'a kelemte geva zləvə te mbeli nyi keɗe mte ta ɗa. Dzeyi mbeli nyi kemawe ɗa ndiremi te sebe le hawe le hawe.

⁴Ma mbeli nyi keŋ'wəshi ɗa «Ha! Ha!», ke hɛ ne, zhɛrete geva hɛ dzeyi te sebe va wəba ta hawe nya te hɛ.

⁵Ama mbeli nyi kezele ŋa ne, zlama hɛ tewəmbəreke gha. Ma ke mbeli nyi keɗe mbele ta ŋa sha tegeze keveci keveci: «Wəbake Shala!»

⁶Nde titikwə ba'a nde dewə berete 'ya. Shala yawe, nde kahe kahe sha 'ya. Gha ya kande kemane ɗa ba'a kande mbele ɗa. Mahwətə, derama na ma.