Read KapsikiDC Cimə 82 Bible Online

Cimə 82 - KapsikiDC bible

Cimə 82

¹Ciməa Asaf. Nahe Shala keslete te tepe ta mbelia ŋkɛ, Ma ke sha meha ghwə te tepe ta kweci shala:

²«Pa te nyama və temeha ghwə ɗafa yɛ ba'a tenza yɛ kaka kemane ka beze ghena wa? Zhɛne mpi.

³Nza mə kaka ya ka titikwə ba'a ka mezhɛtiti, meha nda mə ghwə nya tiɗiɗi ke ka dewə berete ba'a ka sa yaka.

⁴Mbelemte mə ka dewə ŋeli ba'a ka titikwəa kɛfi, zləgwə mə hɛ shave mbe dzeve ta ka 'yaghwa mehele.

⁵Ama wəsə shɛ keɗepe yɛ ba'a kefave yɛ we, pɛtɛa ŋayɛ kadzeghwa mbe ŋkwesle. Vatse gaŋkəɗə pɛtɛa shihəa hɛɗi lema.

⁶Ma 'ya gezete: Nahe yɛ kenza kayɛ shala, kaŋwalea Shala nya tehwə ghweme pɛtɛa ŋayɛ.

⁷Ama katempə yɛ kala mbeli, kateteɗe yɛ kala yayata wəndə nya te ghə.»

⁸Shala yawe, sate te ŋkwa, meha ghwə te hɛɗi lema, kwa nza ŋkɛ gha ya kande sleke pɛtɛa hwelefefi.