Read KapsikiDC Cimə 87 Bible Online

Cimə 87 - KapsikiDC bible

Cimə 87

¹Ciməa ŋwalea Korɛ. Cimə. Nahe Mahwətə keŋate Zhɛrəzalɛm pelɛ ghweme nyi keveyi geva tekeleke.

²Za ma ɗehwe gelembe nyi mɛa Zhɛrəzalɛm ŋkɛ ke kweci ŋkwa nyi nza mbeli te hɛ te hɛɗia Zhakob.

³Ghena ganji ka geze geva te gha, gha meleme ta Shala. Zhɛne mpi.

⁴Ma hwa mbeli nyi keɗepe ɗa ne, kaɓela Ɛzhipte, Babilone, Filisti, Tyr ba'a Ɛtiyopi 'ya. Te hɛɗia shɛhɛ yake geva hɛ.

⁵Ama te ghəa Zhɛrəzalɛm ne, wərə mbeli kageze: Mbe meleme nya yake geva pɛtɛa mbeli. Shala tehwə ghweme nde ŋate ŋkɛ le ghəa ŋkɛ.

⁶Ma ke Mahwətə sha rafe sləa mbeli mbe palepa: «Mbe Zhɛrəzalɛm yake geva ŋkɛ.» Zhɛne mpi.

⁷Ama ma ke hɛ sha tewetse ba'a tegha cimə: «Mbe gha slamte geva pɛtɛa zemele ta n'yɛ.»