Read KapsikiDC Cimə 93 Bible Online

Cimə 93 - KapsikiDC bible

Cimə 93

¹Mahwətə ya kameghe. Bətə ŋkɛ mbe kwele kala lekwesa, dzasle ŋkɛ va berete kala hətə nya hwa hwə. Vatse veyi geva hɛɗi lema dzəŋə dzəŋə, kagaŋkəɗə ŋkɛ we.

²Nahe pasla ta ŋa keveyi geva dzəŋə dzəŋə se vəashi. Se vəashi ne, nahe na kenza shɛ.

³Mahwətə yawe, kagaka yɛ hələ, kagaka yɛ wədzərə ta yɛ hələ, kambake gaka ta nci yɛ hələ.

⁴Ama berete ma na ke gaka ta ghwa, berete ma na ke gaŋkeɓe ta ndərə, wəbake na, gha Mahwətə nya pelɛ ghweme.

⁵Nahe ghena nyi gezete na kenza kakaganda. Ghɛ nya keveyi geva tekeleke nza ghɛa ŋa hwa'a te kiɗi ta hɛɗi lema Mahwətə yawe.