Read KapsikiDC Cimə 95 Bible Online

Cimə 95 - KapsikiDC bible

Cimə 95

¹Nde mə, tsa nda ɓəmə gaghwe ke Mahwətə, tsahe ɓəmə gela nya kembele ɓəmə.

²Dzawa ɓəmə kema ta ŋkɛ kezha tsa nda hana, tsahe ɓəmə ŋkɛ le cimə.

³Kwa nza ŋkɛ Mahwətə ya kaShala nya wəba, kameghe nya wəba te ghəa pɛtɛa yɛ shala.

⁴Mbe dzeve ta ŋkɛ zeweve ta hɛɗi, ŋa ŋkɛ yɛ ghəa yɛ ghweme.

⁵Ŋa ŋkɛ ndərə, gheŋkɛ nde pate ŋkɛ, ŋa ŋkɛ hɛɗi, dzeve ta ŋkɛ nde menete ŋkɛ.

⁶Nde mə, gwəɗəŋə ɓəmə, vəkwə ɓəmə, ŋa ɓəmə shene mbe hɛɗi te kema ta Mahwətə nya kepate ɓəmə.

⁷Kwa nza ŋkɛ gheŋkɛ ya kaShala ta ɓəmə, gheɓəmə ya kambeli nyi ya ŋkɛ, kawəshi keseɗa nyi newe ghweme ŋkɛ te hɛ. Ma ɓeshi ne, fa mə ghena nya geze ŋkɛ:

⁸«Mba yɛ kezhɛre ghəa ŋayɛ ntɛaŋe ntɛaŋe kala nya mbe Mɛriba, kala nya mbe Masa te ɓerama,

⁹ŋkwa nyi se ka shihɛ ŋayɛ kaghweze mɛ hwa 'ya, kadzeghe ɗa, ya ghenci nakɛ wəshi nyi menete 'ya.

¹⁰Zeɗehwe ɗa nza ta mbelia shɛhɛ kava wəfaɗemsə we, ma 'ya gezete: ‹Nahe ghəa mbeli nyi kehwarenji, keɗepe wəshi nyi ɗe 'ya hɛ we.›

¹¹Tagha gɛ, ma 'ya gezete le wənə le wənə: ‹Kadzete ŋkwa kezhɛne mpia ɗa hɛ tɛape we.›»