Read KapsikiDC Cimə 98 Bible Online

Cimə 98 - KapsikiDC bible

Cimə 98

¹Cimə. Gha nda mə cimə mɛnɛfɛ ke Mahwətə, kwa nza ŋkɛ nahe ŋkɛ kemenete wəshi meŋele. Laka dzeve kwa zeme ta ŋkɛ ba'a mɓəa ŋkɛ nya keveyi geva tekeleke ne, nahe ŋkɛ kehərəte ŋkwa.

²Nahe Mahwətə kezlapete hərə ŋkwa ta ŋkɛ, nahe ŋkɛ kencɛte tiɗiɗia ŋkɛ kwa ntsə ta hwelefefi.

³Nahe ŋkɛ kezəzəte ɗe ta ŋkɛ ba'a ganyɛa ŋkɛ laka ka Israyɛl. Hwa'a te mendɛkwe ta hɛɗi ne, nahe mbeli kenakɛ hərə ŋkwa ta Shala ta ɓəmə.

⁴Tsa nda mə gaghwe ke Mahwətə, gheyɛ wəshi nyi te hɛɗi lema. Tsa mə yɛyi ba'a gha mə cimə.

⁵Tsa nda mə getsepele ke Mahwətə, gha mə cimə yitea getsepele.

⁶Yitea vɛ ta yɛ veke ba'a tereme ne, tsa nda mə gaghwe ke Mahwətə nya kameghe.

⁷Gaka ndərə le pɛtɛa wəshi nyi kwa, hɛɗi lema le pɛtɛa wəshi nyi te.

⁸Mpi dzeve yɛ hələ, tsa gaghwe yɛ ghweme zlaɓe le hɛ

⁹kwa kema ta Mahwətə, kwa nza ŋkɛ se yase ŋkɛ. Se yase ŋkɛ kezha meha ghwə te hɛɗi, katenza ŋkɛ kande meha ghwə nya tiɗiɗi kaŋa hɛɗi, kande ntama ghala kwa mbeli.