Read KapsikiDC Cimə 99 Bible Online

Cimə 99 - KapsikiDC bible

Cimə 99

¹Mahwətə ya kameghe, bare bare mbeli. Nahe pasla ta ŋkɛ kenza kənəa ka shɛrəbɛŋe, gaŋkəɗə hɛɗi.

²Mahwətə ya wəba mbe Siyon, gheŋkɛ ya te ghəa pɛtɛa mbeli.

³Tsahe ŋa hɛ, gha Shala nya wəba ba'a nya ghazlənə mbeli ve gɛ! Deke gha ya kaShala nya kaganda deŋwa!

⁴Ɗe wəsə nya tiɗiɗi ya kaberete ta meghe. Ma gha ne, kanta ghala na kwelɛ mbeli we, gha nde ve nza tiɗiɗi mbe Israyɛl, gha nde geze kezha hawe mbeli va wəshi mahalegə.

⁵Ɗepete mə kwelea Mahwətə Shala ta ɓəmə, gwəɗəŋə mə yitea ŋkwa keve seɗa ta ŋkɛ. Deke gheŋkɛ ya kaShala nya kaganda deŋwa!

⁶Nahe yɛ Moyize le Aron hwa ka dzeghe nda melɛ ba'a Saməyɛl hwa mbeli nyi kese kasəkwə ŋkɛ kesəkwəte Mahwətə. Tagha gɛ, nahe ŋkɛ kezhɛnete nda ke hɛ.

⁷Nahe ŋkɛ kese kageze nda ghena ke hɛ mbe geɗeɗe ta meləkwə ləkwə. Nahe hɛ keyate ghena nyi gezete ŋkɛ ba'a wəshi mahalegə nyi ndeke nda ŋkɛ ke hɛ.

⁸Shala Mahwətə ta n'yɛ, nahe na kezhɛnete nda ghena ke hɛ, nahe na kese kaShala nya kesəwə ghena laka hɛ, ama nahe na kese kaɗa hɛ va beze ghena ta nci.

⁹Ɗepete mə kwelea Shala Mahwətə ta ɓəmə, gwəɗəŋə mə kwa kema ta ghweme ta ŋkɛ nya keveyi geva tekeleke. Gheŋkɛ ya kaMahwətə Shala ta ɓəmə nya kaganda deŋwa!