Read KapsikiDC Ɛzayi 12 Bible Online

Ɛzayi 12 - KapsikiDC bible

Ɛzayi 12

¹Mbeli nyi kembeɗeke geva, ma pe yɛ sha tegeze te vecia shɛ: Mahwətə, katsahe ŋa 'ya, kwa nza ŋkɛ tehwepe se wənəa ŋa va 'ya, ama nahe hwepe wənəa ŋa kegweɗakwete geva ba'a kaɓeɓa ɗa na.

²Wa nya Shala nya kembelete ɗa nya, gwezlayɛ fa ghəa ɗa, kazhɛne ghazlənə zhɛ ɗa we, kwa nza ŋkɛ Mahwətə ya kaberete ta ɗa ba'a kaciməa ɗa. Gheŋkɛ ya kande mbele ɗa.

³Kategə yɛmə yɛ le zlama kwa ɗaslea mbele ŋkwa.

⁴Ma te vecia shɛ ne, ma pe yɛ sha tegeze: «Tsa nda mə hana ke Mahwətə, tsahe mə sləa ŋkɛ, zlape nda mə pɛtɛa slene ta ŋkɛ ke mbeli ncɛte nda mə zləvəa sləa ŋkɛ ke mbeli pɛtɛ.

⁵Tsahe mə Mahwətə kwa cimə, kwa nza ŋkɛ nahe ŋkɛ kemenete wəshi nyi jama jama. Geze sləa ŋkɛ mbeli te hɛɗi lema pɛtɛ.»

⁶Tsa mə kaka kezlama, gheyɛ mbeli nyi mbe Siyon, kwa nza ŋkɛ wəbake ŋkɛ hwa gheyɛ, Shala nya kaganda ŋkɛ mbe Israyɛl