Read KapsikiDC Ozɛ 3 Bible Online

Ozɛ 3 - KapsikiDC bible

Ozɛ 3

¹Ma ke Mahwətə sha 'ya: «Kwiɗi ɓiyitsa, ɗete male nya ɗe kwete wəndə ba'a nya kemene vale tahe. Ɗete ŋkɛ kala nya ɗe ka Israyɛl 'ya, 'ya Mahwətə, vəa ŋkwa nya dambeghə nci hɛ yitea kweci shala ba'a nya ɗe ghwempe rɛzɛŋe hɛ.»

²Pa 'ya mbeɗeke malea shɛ te dəɓərəa mze kwa tɛawetɛa meŋe mcɛfeghəmbe ba'a megi behwe ba'a kwete gasle yite.

³Tagha gɛ, ma 'ya shɛ: «Katenza na ki ghɛa ɗa kavə kwele kwele, katefɛa na yitea mene mefətekwə ba'a yitea ɓelahe le kwete wəndə. Ma 'ya perə ne, kateɓelahe 'ya le gha we.»

⁴Kwa nza ŋkɛ ne, katenza ka Israyɛl kavə kwele kwele kaɗema meghe, mbeli nyi te ghə, melɛ, gɛaŋa, lekwesa nya kənəa rewebea ka dzeghe Shala ba'a wəsə keɗepe ɗe ta Shala hwa hɛ.

⁵Ma kwa sebe ta ŋkɛ ne, katezhɛne geva ka Israyɛl kase kazele Shala Mahwətə ta nci ba'a David, meghea nci. Ma te kwete hɛ ne, katese hɛ kadzawa kema ta Mahwətə le ghazlənə kezha kemave wəshi ganjia ŋkɛ.