Read KapsikiDC Ɓela 2 Bible Online

Ɓela 2 - KapsikiDC bible

Ɓela 2

¹Ma ke Mahwətə sha yɛ Moyize le Aron:

²«Katenza yayata nde Israyɛl mbe ghedəkwə terasle yitea drapea wəvəsəa ka sewajɛa ŋkɛ ba'a yitea drapea yita ta ŋkɛ. Katenza hɛ dzeyi yitea cɛ lekwesa kebegeme geva, cakeɗake ɓahwe yite.

³Ma ka sewajɛ nyi ketenza laka ŋkwa kesame ta veci ne, yitea drapea Zhəwda tenza hɛ kewəvəsə kewəvəsə. Ma wəndə nya te ghəa yita ta Zhəwda ne, Nashon, wəzege ta Aminadab.

⁴Zhili 74.600 ka sewajɛa ŋkɛ nyi rafete geva sləa nci.

⁵Ma dzeyi vare bela ta nci ne, katenza yita ta Isakar. Ma wəndə nya te ghəa yita ta Isakar ne, Netanɛyɛl, wəzege ta Səwar.

⁶Zhili 54.400 ka sewajɛa ŋkɛ nyi rafete geva sləa nci.

⁷Ma kadzeyite ne, yita ta Zabəlon. Ma wəndə nya te ghəa yita ta Zabəlon ne, Ɛliyab, wəzege ta Hɛlon.

⁸Zhili 57.400 ka sewajɛa ŋkɛ nyi rafete geva sləa nci.

⁹Ma pɛtɛa ka sewajɛ nyi mbe ghedəkwəa Zhəwda ne, zhili 186.400 kaŋa wəvəsəa ka sewajɛ mahekene. Ghenci ka teslə kakwa ghate.

¹⁰Ma laka bela kwa zeme ne, katenza ka sewajɛ yitea drapea Rəbɛn kewəvəsə kewəvəsə. Ma wəndə nya te ghəa yita ta Rəbɛn ne, Ɛlisəwr, wəzege ta Shedɛwər.

¹¹Zhili 46.500 ka sewajɛa ŋkɛ nyi rafete geva sləa nci.

¹²Ma dzeyi vare bela ta nci ne, katenza yita ta Simɛyon. Ma wəndə nya te ghəa yita ta Simɛyon ne, Sheləwmiyɛl, wəzege ta Səwrishaday.

¹³Zhili 59.300 ka sewajɛa ŋkɛ nyi rafete geva sləa nci.

¹⁴Ma kadzeyite ne, yita ta Gad. Ma wəndə nya te ghəa yita ta Gad ne, Ɛliyasaf, wəzege ta Dɛwəyɛl.

¹⁵Zhili 45.650 ka sewajɛa ŋkɛ nyi rafete geva sləa nci.

¹⁶Ma pɛtɛa ka sewajɛ nyi mbe ghedəkwəa Rəbɛn ne, zhili 151.450 kaŋa wəvəsəa ka sewajɛ nyi mahekene. Ghenci ka teslə kakwa bake.

¹⁷Kwa sebe ta ŋkɛ ne, kateslə ka Lɛvi le cɛ lekwesa kebegeme geva. Kwelɛ tepe ta ghedəkwə nyi bake te kema ba'a nyi bake kwetere wəmbə tenza hɛ. Kala nza ta nci mbe ghedəkwə teslə hɛ, yayata wəndə kwa zəɗəa ŋkɛ, kewəvəsə kewəvəsə.

¹⁸Ma ka sewajɛ nyi ketenza laka ŋkwa kepəkwə ta veci ne, yitea drapea Ɛfrayim tenza hɛ kewəvəsə kewəvəsə. Ma wəndə nya te ghəa yita ta Ɛfrayim ne, Ɛlishama, wəzege ta Amihəwd.

¹⁹Zhili 40.500 ka sewajɛa ŋkɛ nyi rafete geva sləa nci.

²⁰Ma dzeyi vare bela ta nci ne, katenza yita ta Manasɛ. Ma wəndə nya te ghəa yita ta Manasɛ ne, Gamliyɛl, wəzege ta Pedasəwr.

²¹Zhili 32.200 ka sewajɛa ŋkɛ nyi rafete geva sləa nci.

²²Ma kadzeyite ne, yita ta Bɛnjamɛn. Ma wəndə nya te ghəa yita ta Bɛnjamɛn ne, Abidan, wəzege ta Gidoni.

²³Zhili 35.400 ka sewajɛa ŋkɛ nyi rafete geva sləa nci.

²⁴Ma pɛtɛa ka sewajɛ nyi mbe ghedəkwəa Ɛfrayim ne, zhili 108.100 kaŋa wəvəsəa ka sewajɛ mahekene. Ghenci ka teslə kakwa maheke.

²⁵Ma laka bela kwa gwela ne, katenza ka sewajɛ yitea drapea Dan kewəvəsə kewəvəsə. Ma wəndə nya te ghəa yita ta Dan ne, Ahiyɛzɛr, wəzege ta Amishaday.

²⁶Zhili 62.700 ka sewajɛa ŋkɛ nyi rafete geva sləa nci.

²⁷Ma dzeyi vare bela ta nci ne, katenza yita ta Asɛr. Ma wəndə nya te ghəa yita ta Asɛr ne, Pagiyɛl, wəzege ta Okran.

²⁸Zhili 41.500 ka sewajɛa ŋkɛ nyi rafete geva sləa nci.

²⁹Ma kadzeyite ne, yita ta Nɛftali. Ma wəndə nya te ghəa yita ta Nɛftali ne, Ahira, wəzege ta Ɛnan.

³⁰Zhili 53.400 ka sewajɛa ŋkɛ nyi rafete geva sləa nci.

³¹Ma pɛtɛa ka sewajɛ nyi mbe ghedəkwəa Dan ne, zhili 157.600 kaŋa wəvəsəa ka sewajɛ nyi mahekene. Ghenci ka teslə kakwa keɗaŋe. Pɛtɛ teslə hɛ kewəvəsə kewəvəsə yitea drapea nci.»

³²Ma pɛtɛa ka Israyɛl nyi rafete geva sləa nci kepelə kepelə ba'a kewəvəsə kewəvəsəa ka sewajɛ ne, zhili 603.550.

³³Ma ka Lɛvi ne, kerafete geva hɛ te və nya kwetɛŋe le kweci ka Israyɛl, kala ghena nya gezave nda Mahwətə ke Moyize we.

³⁴Pa ka Israyɛl menete tserame kala nya gezave nda Mahwətə ke Moyize. Tsagha nzanji hɛ yitea drapea nci ba'a slənji hɛ keyita keyita ba'a kepelə kepelə.