Read KapsikiDC Ɓela 26 Bible Online

Ɓela 26 - KapsikiDC bible

Ɓela 26

¹Ma ke Mahwətə sha Moyize ba'a sha nde dzeghe Shala Ɛlazar, wəzege ta Aron:

²«Ɓelate mə pɛtɛa ka Israyɛl keyita keyita, pɛtɛa zhili nyi nza va ta nci se te bakemsə kajive mbe kema, nyi kenza wərə dzemte mpa.»

³Pa yɛ Moyize le Ɛlazar gezete nda ke ka Israyɛl te ŋwela ta Mowab, takwa yitea Zhəwrdɛŋe ba'a kwa kema ta Zhɛriko. Ma ke hɛ sha hɛ:

⁴«Kateɓela zhili nyi nza va ta nci se te bakemsə kajive mbe kema mbeli kala nya gezave nda Mahwətə ke Moyize.» Wa nyi hwelefefia Israyɛl nyi keshave mbe Ɛzhipte nyi:

⁵Ma kakwa ghate ne, yita ta Rəbɛn, tezhɛa wəzege ta Zhakob ya shɛ. Hwelefefi nyi kesawa mbe ŋwalea ŋkɛ ya mbe: ka Hanok nyi kesawa mbe Hanok, ka Paləw nyi kesawa mbe Paləw,

⁶ka Hɛsron nyi kesawa mbe Hɛsron, ka Karmi nyi kesawa mbe Karmi.

⁷Nyi ya kahwelefefia Rəbɛn. Zhili 43.730 mbelia nci nyi keɓelate geva.

⁸Ma Ɛliyab, wəzege ta Paləw ne,

⁹yitenyɛa Neməwɛl, Datan ba'a Abiram ŋkɛ. Yɛ Datan le Abiram ka se kambeli nyi ghwene mbeli yitea tsene nyi kese kazhɛne nda ghə ke yɛ Moyize le Aron. Zlaɓe hɛ le mbeli nyi yitea Korɛ, vəa ŋkwa nya zhɛnete nda ghə hɛ ke Mahwətə.

¹⁰Tagha gɛ, pa hɛɗi ghwenemte geva ba'a ndahwe hɛ zlaɓe le Korɛ, te veci nya mpənji mbeli nyi yite ba'a nya teremte zhili nyi le mpi gwəmsə bake ba'a mcɛfemsə ghwə. Ghenci ka se kawəsə keyipə pa kaŋa mbeli nyi ketene.

¹¹Ama kempə ŋwalea tezhilia Korɛ te vecia shɛ we.

¹²Ma kwa yita ta Simɛyon ne, hwelefefi nyi ya shɛ: ka Neməwɛl nyi kesawa mbe Neməwɛl, ka Yamin nyi kesawa mbe Yamin, ka Yakin nyi kesawa mbe Yakin,

¹³ka Zɛra nyi kesawa mbe Zɛra, ka Shawəl nyi kesawa mbe Shawəl.

¹⁴Nyi ya kahwelefefia Simɛyon. Zhili 22.200 mbeli nyi keɓelate geva.

¹⁵Ma kwa yita ta Gad ne, hwelefefi nyi ya shɛ: ka Sefon nyi kesawa mbe Sefon, ka Hagi nyi kesawa mbe Hagi, ka Shəwni nyi kesawa mbe Shəwni,

¹⁶ka Ozni nyi kesawa mbe Ozni, ka Ɛri nyi kesawa mbe Ɛri,

¹⁷ka Arod nyi kesawa mbe Arod, ka Arɛli nyi kesawa mbe Arɛli.

¹⁸Nyi ya kahwelefefia Gad. Zhili 40.500 mbeli nyi keɓelate geva.

¹⁹Ma kwa yita ta Zhəwda ne, yɛ Ɛr le Onan. Te hɛɗia Kanan mpənji yɛ Ɛr le Onan.

²⁰Wa nyi ŋwalea Zhəwda nyi kehwelefe kehwelefe: ka Shɛla nyi kesawa mbe Shɛla, ka Pɛrɛs nyi kesawa mbe Pɛrɛs, ka Zɛra nyi kesawa mbe Zɛra.

²¹Wa nyi ŋwalea Pɛrɛs nyi: ka Hɛsron nyi kesawa mbe Hɛsron, ka Haməwl nyi kesawa mbe Haməwl.

²²Nyi ya kahwelefefia Zhəwda. Zhili 76.500 mbeli nyi keɓelate geva.

²³Wa nyi ŋwalea Isakar nyi kehwelefe kehwelefe: ka Tola nyi kesawa mbe Tola, ka Pəwva nyi kesawa mbe Pəwva,

²⁴ka Yashəwb nyi kesawa mbe Yashəwb, ka Shimron nyi kesawa mbe Shimron.

²⁵Nyi ya kahwelefefia Isakar. Zhili 64.300 mbeli nyi keɓelate geva.

²⁶Wa nyi ŋwalea Zabəlon nyi kehwelefe kehwelefe: ka Sɛrɛd nyi kesawa mbe Sɛrɛd, ka Ɛlon nyi kesawa mbe Ɛlon, ka Yalɛyɛl nyi kesawa mbe Yalɛyɛl.

²⁷Nyi ya kahwelefefia Zabəlon. Zhili 60.500 mbeli nyi keɓelate geva.

²⁸Ma yita ta Manasɛ ba'a ŋa Ɛfrayim ne, sawa mbe Zhozɛf hɛ pɛtɛ.

²⁹Wa nyi ŋwalea Manasɛ nyi: ka Makir nyi kesawa mbe Makir, ka Gala'ad nyi kesawa mbe Gala'ad, wəzege ta Makir.

³⁰Wa nyi ŋwalea Gala'ad nyi: ka Yɛzɛr nyi kesawa mbe Yɛzɛr, ka Hɛlɛk nyi kesawa mbe Hɛlɛk,

³¹ka Asriyɛl nyi kesawa mbe Asriyɛl, ka Shɛkɛm nyi kesawa mbe Shɛkɛm,

³²ka Shemiday nyi kesawa mbe Shemiday, ka Hɛfɛr nyi kesawa mbe Hɛfɛr.

³³Ma Selofad, wəzege ta Hɛfɛr ne, keyake wəzege teza ŋkɛ we, deke ŋwale kwɛ. Wa nyi sləa ŋwalea kwɛa Selofad nyi: Mala, Nowa, Hogla, Milka ba'a Tirsa.

³⁴Nyi ya kahwelefefia Manasɛ. Zhili 52.700 mbeli nyi keɓelate geva.

³⁵Wa nyi ŋwalea Ɛfrayim nyi, kehwelefe kehwelefe: ka Shəwtɛla nyi kesawa mbe Shəwtɛla, ka Bɛkɛr nyi kesawa mbe Bɛkɛr, ka Tahan nyi kesawa mbe Tahan.

³⁶Wa nyi ŋwalea Shəwtɛla nyi: ka Ɛran nyi kesawa mbe Ɛran.

³⁷Nyi ya kahwelefefia Ɛfrayim. Zhili 32.500 mbeli nyi keɓelate geva. Nyi ya kaŋwale Zhozɛf nyi keɓelate geva kehwelefe kehwelefe.

³⁸Wa nyi ŋwalea Bɛnjamɛn nyi kehwelefe kehwelefe: ka Bɛla nyi kesawa mbe Bɛla, ka Ashebɛl nyi kesawa mbe Ashebɛl, ka Ahiram nyi kesawa mbe Ahiram,

³⁹ka Shəwfam nyi kesawa mbe Shəwfam, ka Həwfam nyi kesawa mbe Həwfam.

⁴⁰Wa nyi ŋwalea Bɛla nyi: yɛ Arde le Na'aman. Ka Arde ya kahwelefefia Arde ba'a ka Na'aman ya kahwelefe ta Na'aman.

⁴¹Nyi ya kahwelefefia Bɛnjamɛn. Zhili 45.600 mbeli nyi keɓelate geva.

⁴²Wa nyi ŋwalea Dan nyi, kehwelefe kehwelefe: ka Shəwham nyi kesawa mbe Shəwham. Nyi ya kaŋwalea Dan nyi keɓelate geva kehwelefe kehwelefe.

⁴³Ma mbe hwelefe ta Shəwham ne, zhili 64.400 mbeli nyi keɓelate geva.

⁴⁴Wa nyi ŋwalea Asɛr nyi, kehwelefe kehwelefe: ka Imna nyi kesawa mbe Imna, ka Ishevi nyi kesawa mbe Ishevi, ka Beriya nyi kesawa mbe Beriya.

⁴⁵Wa nyi ŋwalea Beriya nyi: ka Hɛbɛr nyi kesawa mbe Hɛbɛr, ka Malkiyɛl nyi kesawa mbe Malkiyɛl.

⁴⁶Sɛra ya kasləa wəzha ta Asɛr.

⁴⁷Nyi ya kahwelefefia Asɛr. Zhili 53.400 mbeli nyi keɓelate geva.

⁴⁸Wa nyi ŋwalea Nɛftali nyi, kehwelefe kehwelefe: ka Yasiyɛl nyi kesawa mbe Yasiyɛl, ka Gəwni nyi kesawa mbe Gəwni,

⁴⁹ka Yɛsɛr nyi kesawa mbe Yɛsɛr, ka Shilɛm nyi kesawa mbe Shilɛm.

⁵⁰Nyi ya kahwelefefia Nɛftali. Zhili 45.400 mbeli nyi keɓelate geva.

⁵¹Ma pɛtɛa ka Israyɛl nyi keɓelate geva ne, zhili 601.730.

⁵²Ma ke Mahwətə sha Moyize:

⁵³«Ke ka yitehɛ nyi tenehe nda geva hɛɗi kawəsə kezeme ghɛ, kala nza ta ɓela ta mbeli.

⁵⁴Ma yita nya kwele kwele ma ne, kateve nda hɛɗi na kwele kwele. Ma yita nya ɓɛhwɛ ne, kateve nda hɛɗi na ɓɛhwɛ. Ke yayata yita ne, kateve nda geva hɛɗi kala ɓela ta ŋkɛ.

⁵⁵Ama laka kwasheghediɗi tenehe geva hɛɗi. Kateŋ'we ŋa nci hɛ bela kala ɓela ta mbeli nyi kwa yita ta nci.

⁵⁶Laka kwasheghediɗi tenehe geva hɛɗi kwelɛ yitehɛ nyi kwele kwele ma ba'a kwelɛ nyi ɓɛhwɛ ɓɛhwɛ ma.»

⁵⁷Ma kwa yita ta Lɛvi ne, wa nyi hwelefefi nyi keɓelate geva nyi: ka Gɛrshon nyi kesawa mbe Gɛrshon, ka Kɛhat nyi kesawa mbe Kɛhat, ka Merari nyi kesawa mbe Merari.

⁵⁸Wa nyi kweci nyi hwelefefia Lɛvi: ka Libni, ka Hɛbron, ka Mahli, ka Məwshi ba'a ka Korɛ. Kɛhat ya kayiteyɛa Amram.

⁵⁹Yokɛbɛd, wəzha ta Lɛvi nya keyake geva mbe Ɛzhipte, ya kasləa male ta Amram. Pa nde yake nda Aron, Moyize ba'a Miriyam nya kawəzha ta megheyɛa nci ke Amram.

⁶⁰Pa Aron yake ŋwale wəfaɗe: Nadab, Abihəw, Ɛlazar ba'a Itamar.

⁶¹Ama nahe yɛ Nadab le Abihəw kempənji vəa ŋkwa nya terekɛ 'wərdə hɛ te ghwə nya wale wale kwa kema ta Mahwətə.

⁶²Ma pɛtɛa ka Lɛvi nyi keɓelate geva, ŋwale tezhili nyi se te tere kwetɛŋe kajive mbe kema ne, mbeli 23.000. Kese mbeli kaɓela hɛ hwa ka Israyɛl, va nya ɗema hɛ kekemave ŋa nci bela ta hɛɗi we.

⁶³Nyi ya kambeli nyi ɓelate yɛ Moyize le nde dzeghe Shala Ɛlazar, te ŋwela ta Mowab, takwa yitea Zhəwrdɛŋe ba'a kwa kema ta Zhɛriko.

⁶⁴Ma hwa hɛ ne, wəndə shɛ ketene hwa mbeli nyi ɓelate yɛ Moyize le nde dzeghe Shala Aron, vəa ŋkwa nya ɓelate ka Israyɛl hɛ te ɓerama ta Sinay we.

⁶⁵Kwa nza ŋkɛ ne, ma ke Mahwətə gezete te ghəa nci: «Katempə hɛ te ɓerama.» Wəndə shɛ ketene, keɗema yɛ Kalɛb, wəzege ta Yefəwnɛ le Zhozəwɛ, wəzege ta Nəwn we.