Read KapsikiDC Ɓela 29 Bible Online

Ɓela 29 - KapsikiDC bible

Ɓela 29

¹Ma te kwa ghate ta hɛ mbe tere kwa mberefaŋe ne, katemene tsene nya keveyi geva tekeleke yɛ. Slene nya dzawe shɛ katemene yɛ we. Kaveci kezlama tenza ŋkɛ kaŋa ŋayɛ.

²Katedzeghe nda melɛ kwa tere tere nya zəŋwə n'yia ŋkɛ megela yɛ ke Mahwətə le mca, game ba'a zhɛgwəa lɛməa timɛti nyi same va mberefaŋe, pɛtɛa nci kawəshi keseɗa ɗema beze te hɛ.

³Ma yitea yayata wəsə keseɗa ne, katekele hə nya kehwaɗe hwaɗe le n'yi mbeli kase: kiləwə mesli yitea mca, kiləwə ŋkwaŋe yitea game

⁴ba'a kiləwə mahekene yitea zhɛgwəa təmə.

⁵Ɓiyitsa ne, katedzeghe melɛ keyaɓe jaɗafa yɛ le zhɛfa. Kwa sebe ta ŋkɛ, kateɓela gəsəkəa yaɓe jaɗafa mbeli kənəa gheyɛ.

⁶Kadzeyitea melɛ kwa tere tere nya kala kiɗi ta ŋkwa ba'a melɛ kwa tere tere nyi te kwa ghate ta hɛa tere tedzeyite pɛtɛa melɛa shɛhɛ, zlaɓe le wəshi gəməa hə ba'a tɛ nyi yitea hɛ. Zeɗehwe nda tenza n'yia ŋkɛ nya kezəŋwə megela ke Mahwətə.

⁷Ma te kwa meŋe ta hɛ mbe tere kwa mberefaŋe ne, katemene tsene nya keveyi geva tekeleke yɛ. Katemene səwəmayɛ yɛ, slene nya dzawe shɛ katemene yɛ we.

⁸Katedzeghe nda melɛ kwa tere tere nya zəŋwə n'yia ŋkɛ megela yɛ ke Mahwətə le mca, game ba'a zhɛgwəa lɛməa timɛti nyi same va mberefaŋe, pɛtɛ nci kawəshi keseɗa nyi ɗema beze te hɛ.

⁹Ma yitea yayata wəsə keseɗa ne, katekele hə nya kehwaɗe hwaɗe le n'yi mbeli kase: kiləwə mesli yitea mca, kiləwə ŋkwaŋe yitea game

¹⁰ba'a kiləwə mahekene yitea zhɛgwəa təmə.

¹¹Ɓiyitsa ne, katedzeghe melɛ keyaɓe jaɗafa yɛ le zhɛfa, kaɗema mbeli keɓelate melɛ keyaɓe jaɗafa nya kedzeghekɛ geva te veci nya wəba ba'a melɛ kwa tere tere nya kala kiɗi ta ŋkwa, zlaɓe le wəshi gəməa hə ta nci ba'a tɛ nyi yitea hɛ.

¹²Ma te kwa meŋe mcɛfeghəmbe ta hɛ mbe tere kwa mberefaŋe ne, katemene tsene nya keveyi geva tekeleke yɛ. Slene nya dzawe shɛ katemene yɛ we. Katemene nda gəsəkə yɛ ke Mahwətə kahɛ mberefaŋe.

¹³Ma te kwa ghate ta hɛ ne, katedzeghe nda melɛ kwa tere tere nya zəŋwə n'yia ŋkɛ megela yɛ ke Mahwətə le mcɛmcɛli meŋe mahekeneghəmbe, gamea lɛmə bake, zhɛgwəa lɛməa timɛti nyi same va meŋe wəfaɗeghəmbe, pɛtɛa nci kawəshi keseɗa nyi ɗema beze te hɛ.

¹⁴Ma yitea yayata wəsə keseɗa ne, katekele hə nya kehwaɗe hwaɗe le n'yi mbeli kase: kiləwə mesli yitea mca, kiləwə ŋkwaŋe yitea game

¹⁵ba'a kiləwə mahekene yitea zhɛgwəa təmə.

¹⁶Ɓiyitsa ne, katedzeghe melɛ keyaɓe jaɗafa yɛ le zhɛfa. Kadzeyitea melɛ kwa tere tere nya kala kiɗi ta ŋkwa, zlaɓe le hə ba'a tɛ nyi yitea hɛ tedzeyite pɛtɛa melɛa shɛhɛ.

¹⁷Ma se te kwa bake ta hɛ hwa'a te kwa mberefaŋe, kadzeyitea melɛ kwa tere tere nya kala kiɗi ta ŋkwa ne, kadzeghe melɛ yɛ le wəshi keseɗa nyi ɗema beze te hɛ, zlaɓe le wəshi gəməa hə ba'a tɛ nyi yitea hɛ. Wa nyi nza ta wəshi keseɗa nyi tedzeghe melɛ yɛ le hɛ nyi: ma te kwa bake ta hɛ ne, mcɛmcɛli meŋe bakeghəmbe, gamea lɛmə bake, zhɛgwəa lɛməa timɛti nyi same va meŋe wəfaɗeghəmbe ba'a zhɛfa kwetɛŋe. Ma te kwa mahekene ta hɛ ne, mcɛmcɛli meŋe kwetɛŋeghəmbe, gamea lɛmə bake, zhɛgwəa lɛməa timɛti nyi same va meŋe wəfaɗeghəmbe ba'a zhɛfa kwetɛŋe. Ma te kwa wəfaɗe ta hɛ ne, mcɛmcɛli meŋe, gamea lɛmə bake, zhɛgwəa lɛməa timɛti nyi same va meŋe wəfaɗeghəmbe ba'a zhɛfa kwetɛŋe. Ma te kwa mcɛfe ta hɛ ne, mcɛmcɛli mesli, gamea lɛmə bake, zhɛgwəa lɛməa timɛti nyi same va meŋe wəfaɗeghəmbe ba'a zhɛfa kwetɛŋe. Ma te kwa ŋkwaŋe ta hɛ ne, mcɛmcɛli deghese, gamea lɛmə bake, zhɛgwəa lɛməa timɛti nyi same va meŋe wəfaɗeghəmbe ba'a zhɛfa kwetɛŋe. Ma te kwa mberefaŋe ta hɛ ne, mcɛmcɛli mberefaŋe, gam(...)

³⁵Ma te kwa deghese ta hɛ ne, katemene tsene nya keveyi geva tekeleke yɛ. Slene nya dzawe shɛ katemene yɛ we.

³⁶Katedzeghe nda melɛ kwa tere tere nya nza zəŋwə n'yia ŋkɛ zeɗehwe nda ke Mahwətə yɛ le mca, game ba'a zhɛgwəa lɛməa timɛti nyi same va mberefaŋe, pɛtɛa nci kawəshi keseɗa nyi ɗema beze te hɛ.

³⁷Ma yitea yayata wəsə keseɗa ne, katekele hə ba'a tɛ yɛ kase kala nya keseneve geva.

³⁸Ɓiyitsa ne, katedzeghe melɛ keyaɓe jaɗafa yɛ le zhɛfa. Kadzeyitea melɛ kwa tere tere nya kala kiɗi ta ŋkwa, zlaɓe le wəshi gəməa hə ba'a tɛ tedzeyite pɛtɛa melɛa shɛhɛ.

³⁹Nyi ya kamelɛ nyi tedzeghe nda yɛ ke Mahwətə te yɛ vəa gəsəkə ŋayɛ. Kadzeyitea yɛ melɛ kwa tere tere, wəshi gəmə hə ba'a tɛ, yɛ melɛ kejikə ghə, melɛ nyi dzeghe nda yɛ gəmə gəmə keɗema kezha yipə meɗe mɛ tedzeyite melɛa shɛhɛ.»